Arquipélago

Na Galipedia, a wikipedia en galego.

O arquipélago situado na costa sul de Finlandia, no Mar Báltico.

O arquipélago das Hawaii.

Un arquipélago é un conxunto de illas relativamente próximas unhas das outras. A proximidade débese, xeralmente, a unha orixe xeolóxica común para a totalidade do arquipélago, que normalmente se forma ao longo dunha dorsal oceánica.

A palabra ven do grego Αρхιπέλαγος (Archipelagos), ou "mar principal" e designaba orixinalmente o mar Exeo, caracterizado polo seu grande número de illas (cícladas, Esporadas, Salamina, Eubea, Samotracia, Lemnos, Samos, Lesbos, Quios, Rodas, etc.). Posteriormente, esta palabra pasou a denominar as Illas exeas en si. Cando Marco Sanudo, xeneral veneciano, tomoulle a maioría delas ao Imperio Bizantino a comezos do século XIII, convertiuse en duque do Arquipélago.