Hipoxantina
A hipoxantina é un derivado natural da purina de fórmula C5H4N4O [1] . Encóntrase en raras ocasións como unha base nitroxenada que forma parte dos ácidos nucleicos, onde pode aparecer no anticodón do ARNt formando parte do nucleósido inosina[2]. Ten un tautómero denominado 6-hidroxipurina (figura de abaixo). A hipoxantina é un aditivo necesario para certas células, bacterias, e cultivos de parasitos como substrato e fonte de nitróxeno. Por exemplo, é necesaria en cultivos do parasito da malaria, xa que o Plasmodium falciparum requírea para a síntese de ácidos nucleicos e para o seu metabolismo enerxético.
- Tautomería lactama-lactima da hipoxantina.
Índice |
Reaccións [editar]
A hipoxantina é un dos produtos orixinados pola acción do encima xantina oxidase sobre a xantina. Porén, con máis frecuencia, a hipoxantina fórmase por redución da xantina catalizada pola xantina oxidorredutase durante a degradación das purinas.
A hipoxantina-guanina fosforribosiltransferase converte a hipoxantina en inosina monofosfato na reciclaxe de nucleótidos.
A hipoxantina é tamén un produto espontáneo da desaminación da adenina. Debido á grande semellanza da hipoxantina coa guanina, a desaminación espontánea da adenina pode orixinar erros na transcrición e tradución do ADN.
Notas [editar]
- ↑ http://www.jstage.jst.go.jp/article/pjab/81/9/81_393/_article
- ↑ Lodish (2004). Molecular Cell Biology. ISBN 0-7167-4366-3.
Véxase tamén [editar]
Ligazóns externas [editar]
- DrugBank: Hypoxanthine
- Human Metabolome Database: Hypoxanthine
- KEGG: Hypoxanthine
- ChemBlink: Hypoxanthine
|
|||||||||||||||||||||||||||||
