Citidín monofosfato

Na Galipedia, a Wikipedia en galego.
(Redirixido desde "Monofosfato de citidina")
Citidín monofosfato
Identificadores
Número CAS 63-37-6
PubChem 6131
ChemSpider 5901
ChEBI CHEBI:17361
ChEMBL CHEMBL307679
Imaxes 3D Jmol Image 1
Propiedades
Fórmula molecular C9H14N3O8P
Masa molecular 323,20 g/mol
Acidez (pKa) 0,8, 4,5, 6,3

Se non se indica outra cousa, os datos están tomados en condicións estándar de 25 °C e 100 kPa.
Referencias

O citidín monofosfato, tamén chamado monofosfato de citidina ou ácido 5'-citidílico, abreviado como CMP, é un nucleótido que forma parte do ARN.[1] É un éster fosfórico do nucleósido citidina. Está formado por un azucre ribosa, que leva unida a base nitroxenada citosina enlazada por enlace N-glicosídico entre o carbono 1' da ribosa e o nitróxeno en posición 1' da base, e un grupo fosfato esterificado no carbono 5' da ribosa. Cando está desprotonada denomínase citidilato e como substituínte desígnase co prefixo citidil-.

Metabolismo[editar | editar a fonte]

A principal función do CMP é a de ser un dos catro nucleótidos constituíntes do ARN, xunto co UMP, GMP e AMP. Chega ao lugar da transcrición do ARN en forma de CTP, pero alí este perde dous fosfatos en forma de pirofosfato e únese ao ARN en forma de CMP.

O CMP pode ser fosforilado a CDP polo encima CMP quinase, utilizando ATP ou GTP como doantes do grupo fosfato.

Como o CTP se xera por aminación do UTP,e o CTP orixina CMP, a principal fonte de CMP é a degradación do ARN.

O CMP utilízase como doante de azucres como os ácidos siálicos (na forma CMP-azucre) na síntese de glicoproteínas.[2].

Notas[editar | editar a fonte]

  1. Pascal JM (February 2008). "DNA and RNA ligases: structural variations and shared mechanisms". Curr. Opin. Struct. Biol. 18 (1): 96–105. DOI:10.1016/j.sbi.2007.12.008. PMID 18262407. http://linkinghub.elsevier.com/retrieve/pii/S0959-440X(07)00208-4.
  2. Textbook of Biochemistry and Human Biology [1]

Véxase tamén[editar | editar a fonte]

Outros azucres[editar | editar a fonte]