Citidina
A citidina é un nucleósido formado pola unión da base nitroxenada pirimidínica citosina coa ribosa (ribofuranose) por enlace β-N1-glicosídico. Cando a citidina se une a un fosfato na posición 5' orixina o nucleótido CMP, que é compoñente do ARN.
Se a citosina se une á 2-desoxirribosa en lugar de á ribosa, orixina o nucleósido desoxicitidina. Cando a desoxicitidina se une a un fosfato en posición 5' orixina o nucleótido dCMP, que é compoñente do ADN.
Fontes de citidina na dieta [editar]
Abunda a citidina en alimentos cun alto contido en ARN,[1] como a carne de órganos (fígado), ou o lévedo de panadaría, e tamén nos alimentos ricos en pirimidinas, como a cervexa. Durante a dixestión, estes alimentos liberan ribosil pirimidinas (citidina e uridina), que se absorben intactas.[1] Nos humanos, a citidina da dieta convértese en uridina, [2] a cal é probablemente o composto que está detrás dos efectos metabólicos da citidina.
Notas [editar]
- ↑ 1,0 1,1 Jonas DA, Elmadfa I, Engel KH, et al. (2001). "Safety considerations of DNA in food". Ann Nutr Metab. 45 (6): 235–54. DOI:10.1159/000046734. PMID 11786646. http://content.karger.com/produktedb/produkte.asp?typ=fulltext&file=anm45235.
- ↑ Wurtman RJ, Regan M, Ulus I, Yu L (Oct 2000). "Effect of oral CDP-choline on plasma choline and uridine levels in humans". Biochem Pharmacol. 60 (7): 989–92. DOI:10.1016/S0006-2952(00)00436-6. PMID 10974208. http://linkinghub.elsevier.com/retrieve/pii/S0006-2952(00)00436-6.
|
|||||||||||||||||||||||||||||
