Desoxitimidina trifosfato

Na Galipedia, a Wikipedia en galego.
(Redirixido desde "Trifosfato de desoxitimidina")
Desoxitimidina trifosfato
Identificadores
Número CAS 365-08-2
PubChem 64968
ChemSpider 58493
MeSH thymidine+5'-triphosphate
ChEMBL CHEMBL363559
Imaxes 3D Jmol Image 1
Propiedades
Fórmula molecular C10H17N2O14P3
Masa molecular 482,168
Se non se indica outra cousa, os datos están tomados en condicións estándar de 25 °C e 100 kPa.
Referencias
Timidina trifosfato ionizada.

A desoxitimidina trifosfato, tamén chamada trifosfato de desoxitimidina, abreviada como dTTP (ou tamén timidina trifosfato ou TTP), é un nucleótido formado polo nucleósido desoxitimidina esterificado cun grupo de tres fosfatos. A molécula consta do azucre desoxirribosa unido á base nitroxenada timina por enlace N-glicosídico entre o carbono 1' do azucre e o nitróxeno en posición 1 da base, e un grupo de tres fosfatos esterificados no carbono 5' e unidos entre si por enlace anhidro[1].

O nome da molécula con frecuencia abréviase coas siglas TTP, pero é máis exacto denominala dTTP, xa que realmente é un desoxirribonucleótido. O feito de que con frecuencia se use por economía TTP en vez de dTTP é porque non hai confusión con outros nucleótidos, xa que só aparece na forma desoxi formando parte do ADN e non hai un nucleótido similar con ribosa na célula, a diferenza do que sucede cos outros nucleótidos nos que si hai que distinguir.

A función principal do dTTP é intervir na síntese do ADN durante a súa replicación. O dTTP chega á zona de síntese e perde dous fosfatos en forma de pirofosfato, enlazándose á cadea de ADN en formación como dTMP.

O dTTP orixínase por fosforilación do dTDP na reacción:

dTDP + ATP dTTP + ADP

No laboratorio é usado pola ADN ligase para crear extremos protuberantes (cohesivos) nos fragmentos de ADN durante os experimentos de clonación.

Notas[editar | editar a fonte]

  1. Lehninger A. Principios de Bioquímica. (1988). Omega. Barcelona. ISBN 84-282-0738-0

Véxase tamén[editar | editar a fonte]

Outros artigos[editar | editar a fonte]