Esta páxina está permanentemente protexida

Wikipedia:Portada/Arquivo/Portada 2007

Na Galipedia, a Wikipedia en galego.
Saltar ata a navegación Saltar á procura

Benvidos á Galipedia, a versión en galego da Wikipedia. Este é un proxecto internacional feito por voluntarios, co propósito de facer unha enciclopedia libre, accesible, colaborativa e de balde en moitos idiomas. O obxectivo é a plena transmisión da sabedoría e o coñecemento sen restricións editoriais nin comerciais. O desenvolvemento da Wikipedia está aberto a toda persoa interesada en contribuír.

Nesta versión galega, que comezou o 8 de marzo de 2003, xa temos 159.310 artigos.


Sobre Galicia

Calacú cuchufleta (5133302036).jpg

O Samaín (do irlandés antigo Samain, pronunciado /ˈsˠaunʲ/) é unha festividade celta que marca o remate da tempada de colleita e o comezo do inverno ou "metade escura" do ano. Tradicionalmente, é celebrada do 31 de outubro ó 1 de novembro, xa que o día celta comeza e remata co solpor. Atópase a medio camiño entre o equinocio de outono e o solsticio de inverno. É unha das catro festividades estacionais celtas, xunto co Imbolc, Beltane e Lughnasadh. Historicamente, foi amplamente celebrado en Irlanda, Escocia e a Illa de Man. Festividades semellantes celébranse na mesma época do ano noutros territorios celtas, como as britónicas Calan Gaeaf (en Gales), Kalan Gwav (en Cornualles) e Kalan Goañv (na Bretaña), sendo estas dúas pólas da festividade igual de antigas. En Galicia, é unha celebración que se está a recuperar e promocionar dende a década de 1990, que está baseada na tradición do Día dos Fieis Defuntos, na de tallar caveiras en melóns e cabazas e de vestir como espíritos ou pantasmas.

No século IX, a igrexa cristiá cambiou a data do Día de Tódolos Santos dende o mes de maio até o 1 de novembro, ó tempo que o 2 de novembro se converteu no Día dos Fieis Defuntos. Co tempo, o Samaín e o Día de Tódolos Santos fusionáronse para crear a moderna festa do Halloween. Os historiadores empregaron o termo 'Samaín' para referirse ós costumes celtas do 'Halloween' até o século XIX. Dende finais do século XX, os neopagáns celtas e a Wicca consideran o Samaín, ou algo baseado nel, como unha festividade relixiosa.


Artigo destacado

Statue-Augustus.jpg

A escultura da Roma antiga comprende a obra escultórica desenvolvida en toda a área de influencia do Imperio Romano, co foco central en Roma, entre o século VI a. C. e o século V. Orixinariamente derivou da escultura grega, principalmente a través da herdanza da escultura etrusca e, posteriormente, xa dun xeito directo durante o período helenístico, por contacto coas colonias da Magna Grecia e da mesma Grecia.

A tradición grega foi unha referencia constante ao longo da historia de Roma, pero contradicindo a crenza popular estendida que afirma que os romanos foron máis imitadores que creadores, sábese que non só foron quen de asimilar e desenvolver as súas fontes con mestría, senón que tamén contribuíron dun xeito orixinal nesta tradición. Despois da consolidación do Imperio, outras influencias estranxeiras, maiormente orientais, determinaron un lento mais progresivo afastamento do canon grego en dirección a unha simplificación formal de tendencia abstracta, que estabeleceu as bases da arte bizantina, paleocristiá e medieval.

O estudo da escultura romana é complexo para os investigadores, pois a súa evolución non se considera nin linear nin lóxica. Existe unha duradeira inclinación cara ao historicismo e o eclecticismo, aínda máis pronunciada do que a que se observou na escultura helenística, xunto coa presenza de estilos ben diferenciados na escultura producida nun mesmo momento histórico para as diferentes clases sociais, e mesmo dentro dunha única clase, atendendo a necesidades de cada tema e situación. O hábito xeneralizado da copia de obras gregas máis antigas e a permanencia de alusións ao clasicismo grego ao longo de toda a súa historia, mesmo a través do cristianismo primitivo, mantivo vivas unha tradición e unha iconografía que doutro xeito poderían terse perdido.


Efemérides

Hoxe é venres, 18 de outubro. Tal día como hoxe, no ano:

CharlesBabbage.jpg

Hoxe é o Día de Alasca nos Estados Unidos.

Matemáticas e Ciencias naturais:
AstronomíaBioloxíaBotánicaCiencias naturaisFísicaMatemáticasMeteoroloxíaOceanografíaQuímicaXeoloxíaZooloxía

Filosofía e Ciencia social:
ArqueoloxíaEconomíaFilosofíaHistoriaLingüísticaPolíticaPsicoloxíaDereitoSocioloxíaXeografía (Galicia)

Ciencia e Tecnoloxía:
AgriculturaArquitecturaEnxeñaríaEstatísticaInformáticaMedicinaTelecomunicaciónsTransporte

Arte e Cultura:
ArteCineCociñaCulturaDeporteLiteraturaMúsicaMitoloxíaTeatro


Apollo 11 Launch2.jpg
Engalaxe do foguete Saturno V da misión Apollo 11, o 16 de xullo de 1969
Vexa o artigo nave espacial
Wikipedia noutras linguas

Wikipedias con máis de 2.000.000 artigos: Inglés

Wikipedias con máis de 150.000 artigos: Alemán · Francés · Polaco · Xaponés · Italiano · Holandés · Portugués · Castelán · Sueco · Ruso · Chinés · Finlandés

Wikipedia e os proxectos irmáns
Meta-Wiki Meta-Wiki - Coordinación Wikipedia Commons - Multimedia Wiktionary Galizionario - Dicionario
Wikibooks Galilibros - Libros Wikisource Wikisource - Documentos Wikiquote Galicitas - Citas
Wikispecies Wikispecies - Especies Wikinews Wikinews - Novas Wikinews Wikiversity - Aprendizaxe