Embrioloxía

Na Galipedia, a Wikipedia en galego.

A embrioloxía, subdisciplina da xenética (segundo o código UNESCO), é a rama da bioloxía que se encarga de estudar a morfoxénese, o desenvolvemento embrionario e nervioso desde a gametoxénese até o momento do nacemento dos seres vivos.

A formación e o desenvolvemeto do embrión coñecese como embrioxénese. Trátase dunha disciplina ligada á anatomía e á histoloxía.

O desenvolvemento dun embrión iníciase coa fecundación, que orixina a formación do cigoto. Na especie humana, cando finaliza o proceso durante o cal se xeran todas as principais estruturas e órganos dos sistemas (ás 8 semanas aproximadamente), o embrión pasa a denominarse feto.

Etimoloxía[editar | editar a fonte]

O termo embrioloxía está formado polos elementos embrio-, tirado do termo do grego antigo ἔμβρυον émbryon, 'acabado de nacer', 'feto', e -loxía, forma sufixa amplamente usada nas ciencias e nas letras, adaptación da grega -λογια, -logia, derivada de λόγοσ lógos, 'palabra', 'explicación', 'tatado'. Literalmente: 'o estudo dos embrións'.

Ramas da embrioloxía[editar | editar a fonte]

  • Embrioloxía comparada: encárgase de comparar os embrións dos diferentes animais.
  • Embrioloxía química: subministra as bases químicas do desenvolvemento ontoxénico.
  • Embrioloxía moderna: desenvolvida a principios do século XXI e que se complementa con variadas disciplinas tales como a xenética, a medicina e a bioquímica.

Disciplinas relacionadas[editar | editar a fonte]

  • Teratoloxía: estuda as malformacións conxénitas do embrión.

Embrioloxía e bioética[editar | editar a fonte]

A embrioloxía está rodeada duhna gran controversia en temas como a fecundación in vitro, a enxeñaría xenética e os bebés seleccionados xeneticamente, case como un produto de consumo.

Véxase tamén[editar | editar a fonte]

Bibliografía[editar | editar a fonte]

  • Franquinet, Raphaël & Jean Foucrier (2003): Embryologie descriptive, 2e édition. Malakoff, Hauts-de-Seine, France: Dunod. ISBN 978-2-1000-6797-8.
  • Gilbert, Scott F. (2013): Developmental Biology. 10th Edition. Sinauer Associates Inc. Sunderland, Massachusetts, USA. ISBN 978-0-8789-3978-7.
  • Wolpert, Lewis; Cheryll Tickle & Alfonso Martinez Arias (2015): Principles of Development. Fifth Edition. Oxford: Oxford University Press. ISBN 978-0-1996-7814-3.

Outros artigos[editar | editar a fonte]

Ligazóns externas[editar | editar a fonte]


Este artigo tan só é un bosquexo
 Este artigo sobre bioloxía é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.