Teresina

Teresina

Estado	Piauí
Superficie	1 755,7 km²
Poboación Densidade	893 246 (2007) 456,8 hab/km²
Altitude	72 m sobre o nivel do mar
Latitude	05º 05' 12" S
Lonxitude	42º 48' 42" O
Distancia de Brasilia	1.789 Km (por estradas)
Código postal (CEP)	64000-000
Administración local:	Prefeitura Municipal de Teresina- Pç. Mal. Deodoro, 860
Internet:	http://www.teresina.pi.gov.br Arquivado 22 de febreiro de 2011 en Wayback Machine.
Alcalde (Prefeito)	Elmano Ferrer
Mapa de localización

Teresina é a capital do estado brasileiro do Piauí. Sitúase xunto ás marxes dos ríos Parnaíba e Poti, sendo a única capital de estado do Nordeste brasileiro que non está no litoral. É veciña, na outra marxe do Parnaíba, da cidade de Timon, no Maranhão.

A temperatura media anual é de 28 °C, con máximas anuais que poden pasar dos 38 °C.

A cidade ten unha das mellores redes hospitalares do nordeste do Brasil ^{[Cómpre referencia]}, e recibe pacientes doutras cidades e ata dos estados veciños (Ceará e Maranhão) que alí buscan tratamentos de saúde. Segundo as estatísticas da Prefeitura da cidade, hai 634 empresas de saúde na cidade, sendo 8 hospitais, empregando no total 15 mil persoas.

Vista de Teresina.

Outras actividades económicas importantes son a industria (medicamentos, produtos de hixiene, cerámica, téxtiles, construción civil, o comercio e os servizos, e o turismo. Esta última actividade medrou grazas ó turismo de negocios e á descoberta polos visitantes do sueste e do sur do Brasil dos atractivos turísticos do estado do Piauí, como o Parque Nacional de Sete Cidades e as dunas de area do delta do río Parnaíba. Como Teresina ten mellor infraestrutura hoteleira, funciona como escala nestas visitas.

Pero a pesar da importancia de Teresina, a cidade aínda é a capital dun dos estados máis pobres da federación brasileira, e as principais estradas que ligan a cidade co Sur do Brasil, con Recife e con Brasilia están en precaria conservación.