João Pessoa

João Pessoa

Estado	Paraíba
Superficie	210,46 km²
Poboación Densidade	674 971 (2007) 3.146,6 hab/km²
Fundada en	5 de agosto de 1585
Altitude	47 m sobre o nivel do mar
Latitude	7º09'28 S
Lonxitude	34º45'54 O
Distancia de Brasilia	2338 Km (por estradas)
Código postal (CEP)	58.000-000
Administración local	Prefeitura Municipal de João Pessoa Praça Pedro Américo, 70, Centro
Internet:	https://web.archive.org/web/20180729093227/http://www.joaopessoa.pb.gov.br/
Alcalde (Prefeito)	Ricardo Vieira Coutinho
Mapa

João Pessoa é a capital do estado brasileiro da Paraíba. Sitúase xunto ó océano Atlántico, no punto extremo leste de América do Sur, a ponta do Seixas, a 34º 45' 54" de lonxitude oeste.

Vista dos barrios de Tambaú, Manaíra e Bessa, xunto á costa do Océano Atlántico, na cidade de João Pessoa.

Hoxe a cidade vive do turismo nas súas praias e construcións coloniais, xunto co comercio de artesanías, o comercio en xeral (é a principal cidade comercial da Paraíba e unha das principais da Rexión Nordeste do Brasil), a industria (principalmente alimentos, bebidas e metalurxía), a construción civil e as actividades administrativas dunha capital de estado.

É sede dunha importante universidade brasileira, a Universidade Federal da Paraíba (UFPB) e dalgunhas institucións de ensino superior privadas, que atraen estudantes do estado e de estados veciños.

Historia

Unha das cidades máis antigas do Brasil, foi fundada en 5 de agosto de 1585 co nome de Nossa Senhora das Neves, e despois, nunha homenaxe ó rei Filipe II de España pasou a chamarse Filipéia de Nossa Senhora das Neves. Cando estivo baixo o dominio holandés cambiou o seu nome por Frederikstadt, pero cando retornou ó dominio de Portugal despois de que este recuperou a súa soberanía, volveu a chamarse Nossa Senhora das Neves ata 1817, cando foi rebautizada como Parahyba, nunha homenaxe á enton capitanía da Parahyba, da cal tornouse capital. Este nome permaneceu despois de que o Brasil se independizara (en 1822) e que se convertera nunha república, en 1889.

O nome actual, João Pessoa, foi adoptado nunha homenaxe ao entón presidente da provincia da Parahyba, o político João Pessoa, despois do seu asasinato en 1930.