Nova, antes coñecida como Nova9 e antes Antena.Nova, é unha canle de televisión privada española propiedade de Atresmedia que emite a través da TDT e nas plataformas de televisión de pago Movistar+ e Vodafone TV, Orange TV, R e Euskatel. Comezou as súas emisións o 30 de novembro de 2005. A programación está orientada ao público feminino e o seu principal competidor é a canle Divinity.
É unha canle orientada á muller e ao público familiar, con series que xa tiveran éxito na súa emisión na cadea matriz (Antena 3), redifusións, espazos de produción propia e novelas. Tamén emite cine tódalas noites.
Antena 3 cambiou, o 1 de xaneiro de 2009, a mosca de Antena.Nova para asocialo co número 9 do mando a distancia.
