Jeremy Lamb

Na Galipedia, a Wikipedia en galego.
Saltar ata a navegación Saltar á procura
Jeremy Lamb
Jeremy Lamb (cropped).jpg
Indiana Pacers – No. 26
Escolta / Ala
Información persoal
Nacemento 30 de maio de 1992 (27 anos)
Flag of Virginia.svg Henrico, Virxinia
Nacionalidade Estados Unidos de América Estados Unidos
Altura 1,96 m (6 ft 5 in)
Peso oficial 84 kg (185 lb)
Información da carreira
Instituto Norcross (Norcross, Georgia)
Universidade Connecticut (2010-2012)
NBA Draft 2012 / Rolda: 1 / Elección: 12

Por Houston Rockets

Carreira dende 2012
Historial de equipos
Oklahoma City Thunder (2012–2015)
Tulsa 66ers (2012–2013)
Charlotte Hornets (2015–2019)
Indiana Pacers (2019–presente)
Información en nba.com

Jeremy Emmanuel Lamb, nado en Henrico, Virxinia, o 30 de maio de 1992, é un xogador americano de baloncesto profesional que xoga nos Indiana Pacers da National Basketball Association (NBA).

Traxectoria[editar | editar a fonte]

Lamb foi ó Norcross High School da súa vila natal, onde foi capitán do equipo de baloncesto, e fixo 20 puntos e 6 rebotes por partido, liderando a Norcross ó campionato rexional, ó Elite 8 dos playoffs do Estado, e a unha marca final de 27-3. Tras chamar a atención do adestrador Jim Calhoun, uniuse ós UConn Huskies para a universidade.[1]

Durante o seu primeiro ano en Connecticut, Lamb xogou en todos os partidos. Acadou 11.1 puntos por partido, segundo máximo anotador do equipo tras Kemba Walker.[2] Conseguiu a máxima anotación da súa carreira contra Marquette o 25 de xaneiro de 2011, tras anotar 24 puntos.[3] No torneo da Big East de 2011, Lamb fixo 14.2 puntos e axudou ós Huskies a gañar o torneo, e conseguir a terceira praza para o Torneo da NCAA.

No Torneo da NCAA de 2011, Lamb aumentou a súa anotación ata 16.2 puntos por partido, e igualou a súa máxima anotación con 24 puntos contra San Diego State no Sweet 16, o 24 de marzo de 2011.[3] No partido polo título nacional, anotou 12 puntos e capturou 7 rebotes na vitoria dos Huskies contra Butler por 53-41.

A tempada de 2011-12 foi algo decepcionante para Lamb e para UConn. Malia o gran talento do equipo, non puideron conseguir unha marca positiva de vitorias durante a tempada regular, e foron eliminados na primeira rolda do Torneo da NCAA tras perder contra os Iowa State Cyclones. Tras a tempada de 2012, Lamb declarouse elixible para o Draft da NBA de 2012.[4]

NBA[editar | editar a fonte]

O 28 de xuño de 2012, Lamb foi elixido na 12ª posición do Draft da NBA de 2012 polos Houston Rockets. O 27 de outubro de 2012, Lamb foi traspasado ós Oklahoma City Thunder xunto a Kevin Martin e varias futuras eleccións do Draft a cambio de Cole Aldrich, Daequan Cook e James Harden.[5]

O 25 de xuño de 2015, Lamb foi traspasado ós Charlotte Hornets a cambio de Luke Ridnour e unha elección da segunda rolda do Draft de 2016.[6] O 2 de novembro e 2015, acordou unha extensión de contrato cos Hornets por tres anos e 21 millóns de dólares.[7]

O 7 de xullo de 2019, Lamb asinou cos Indiana Pacers.[8]

Notas[editar | editar a fonte]

  1. "Father of UConn's Jeremy Lamb once beat Jim Calhoun for VCU". USA Today. 2011-04-01. Consultado o 2011-04-05. 
  2. "UConn Huskies Team Stats". ESPN. Consultado o 2011-04-05. 
  3. 3,0 3,1 "Jeremy Lamb Stats". ESPN. Consultado o 2011-04-05. 
  4. "Most Popular E-mail Newsletter". USA Today. 2012-04-10. 
  5. "Thunder trade Harden to Rockets for Martin, Lamb and picks". Arquivado dende o orixinal o 30 de outubro de 2012. Consultado o 28 de outubro de 2012. 
  6. "Hornets Acquire Jeremy Lamb from OKC for Ridnour and 2nd Round Pick". NBA.com. 25 de xuño de 2015. Consultado o 25 de xuño de 2015. 
  7. Hornets Sign Guard Jeremy Lamb To Contract Extension
  8. "Pacers Sign Jeremy Lamb". NBA.com. 7 de xullo de 2019. 

Véxase tamén[editar | editar a fonte]

Ligazóns externas[editar | editar a fonte]