Domingo Queralt
  | |||||||||||||||||||||||||||||||||||
| Biografía | |||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 1898 Vigo, España | ||||||||||||||||||||||||||||||||||
| Morte | 15 de febreiro de 1932 (33/34 anos) Vigo, España | ||||||||||||||||||||||||||||||||||
| Actividade | |||||||||||||||||||||||||||||||||||
| Ocupación | futbolista | ||||||||||||||||||||||||||||||||||
| Deporte | fútbol | ||||||||||||||||||||||||||||||||||
| |||||||||||||||||||||||||||||||||||
Domingo Queralt Fontenla, nado en Vigo en 1898 e finado na mesma cidade o 15 de febreiro de 1932[1], foi un futbolista galego que xogaba na demarcación de centrocampista.
Traxectoria
[editar | editar a fonte]Formouse como futbolista no extinto campo de Coia xunto con xogadores como Otero, Moncho Gil, Encinas, Chiarroni e Isidro, xogadores que lle deron ao fútbol galego e en concreto ao fútbol vigués un papel moi importante na península.
Xa militaba no Real Vigo Sporting Club antes da fusión deste co Real Club Fortuna de Vigo, en agosto de 1923, para formar o Real Club Celta de Vigo, co equipo sportinguista conseguiu catro campionatos de Galicia.
O 14 de setembro de 1923 o Celta de Vigo presenta oficialmente os equipos A e B do novo proxecto cun encontro no campo de Coia, un dos equipos estaba capitaneado por Otero, do que formaba parte Queralt, e outro por Juanito Clemente. Gañou por 2-0 o equipo de Otero.
Domingo Queralt disputou e gañou o primeiro campionato galego do Celta de Vigo, xogando a totalidade dos encontros, formando o equipo titular con: Lilo, Juanito, Pasarín, Cabezo, Balbino, Pepe Hermida, Bienvenido, Chicha, Nicha, Rogelio, Polo, Casal e Pinilla.
Tamén formou parte da primeira Selección galega de fútbol, disputando con ela partidos coma o 4-1 á selección de fútbol de Castela ou o 3-1 á selección de Lisboa.
Xogou o seu último encontro oficial o 3 de abril de 1927 en 1/8 da Copa de España gañando por 8-0 ao Español de Valladolid. Tivo que deixar o fútbol ao cabo de moi pouco tempo a causa dunha grave enfermidade.
Notas
[editar | editar a fonte]- ↑ "Sepelio de un futbolista". El Ideal Gallego. 17 de febreiro de 1932. p. 8.
Véxase tamén
[editar | editar a fonte]Ligazóns externas
[editar | editar a fonte]- Berto V. T. (29 de abril de 2012). "Domingo Queralt". Yo jugué en el Celta (en castelán).
Cuartos de final do Campionato Interrexional 1922/23 | ||
|  | |