José Chiarroni Pazos

Na Galipedia, a Wikipedia en galego.
(Redirixido desde "Chiarroni")
Saltar para a navegação Saltar para a pesquisa
Chiarroni
Información persoal
Nome completoJosé Chiarroni Pazos
Nacemento6 de xaneiro de 1898
LugarVigo, Galiza
PosiciónDianteiro
Carreira sénior
AnosEquiposAprs(Gls)
1914-1923Vigo Sporting
1923-1924Celta de Vigo
1924-1929Deportivo da Coruña
Selección nacional
Selección de fútbol de Galicia5
* Partidos e goles só en liga doméstica.
† Aparicións (Goles)

José Chiarroni Pazos, nado o 6 de xaneiro de 1898 en Vigo e finado o 10 de marzo de 1944 foi un futbolista galego que xogaba na demarcación de dianteiro centro.

Traxectoria[editar | editar a fonte]

Comezou a xogar no Real Vigo Sporting Club no ano 1914 e permaneceu no club ata a fusión deste co Fortuna de Vigo en 1923, pasando a formar parte do equipo do club resultante, o Celta de Vigo. Co Sporting proclamouse campión do Campionato galego en cinco ocasións.

O 14 de setembro de 1923 celebrouse o encontro de presentación do Celta entre un equipo A e B formado con xogadores do club, porén tanto Chiarroni coma Ramón González ausentaronse do mesmo.

Tras o nacemento do Celta, os xogadores do Vigo Sporting Otero, Chiarroni e Ramón González abandonaron o club e ficharon polo Deportivo da Coruña. O Celta denunciou ao Deportivo por suborno e a Federación Galega de Fútbol suspendeu durante unha tempada os tres xogadores e mais o Deportivo. O Deportivo recorreu a decisión ante a Real Federación Española de Fútbol, a cal se pronunciou en favor do Deportivo e anulou a sanción contra o club herculino ao entender que non existira ningún suborno, pero si mantivo a sanción sobre os tres xogadores por existir duplicidade de fichas[1][2].

Co Celta só disputou encontros amigábeis, coma o realizado no verán de 1924 ante a Selección de fútbol de Uruguai que se atopaba de camiño aos Xogos Olímpicos París 1924, dos cales se proclamarían campións.

En 1924 pasou a formar parte oficialmente do equipo do Deportivo da Coruña, onde permaneceu ata 1929, proclamándose campión de galicia en dúas ocasións.

Unha vez retirado do fútbol en activo foi adestrador do Betanzos CF.

Coa selección de fútbol[editar | editar a fonte]

O 19 de novembro de 1922 formou parte do primeiro encontro da Selección de fútbol de Galicia ante Castela, cun 4-1 como resultado final. Posteriormente foi convocado noutras catro ocasións.

Notas[editar | editar a fonte]

  1. "El pleito Federación-Deportivo. Texto integro del fallo de la Federación Española". El Ideal Gallego nº 1.952 (en castelán). 23 de decembro de 1923. p. 3. 
  2. "Ecos deportivos. Un fallo de la nacional". Galicia: diario de Vigo nº 437 (en castelán). 26 de decembro de 1923. p. 6. 

Véxase tamén[editar | editar a fonte]

Ligazóns externas[editar | editar a fonte]

Biografía do xogador en yojugueenelcelta.com (en castelán)