Antonio Villar Mínguez
| Antonio Villar Mínguez | |||
|---|---|---|---|
| Información persoal | |||
| Nacemento | 2 de febreiro de 1904 | ||
| Lugar de nacemento | Redondela | ||
| Posición | dianteiro | ||
| [ editar datos en Wikidata ] | |||
Antonio Villar Mínguez, máis coñecido como Nicha, nado o 2 de febreiro de 1904 en Redondela foi un futbolista galego que xogaba na demarcación de dianteiro.
Traxectoria[editar | editar a fonte]
Comeza a xogar no recentemente creado Redondela FC en 1924, que xoga xa no seu primeiro ano a fase de ascenso á Serie B do Campionato galego ante o Europa de Vigo, nun primeiro momento non acada o ascenso por cuestións burocráticas pero a reclamación chega a Madrid e resólvese en favor do equipo redondelán.
En 1925 ficha polo Celta de Vigo, para compartir dianteira con xogadores como Polo, Correa, Reigosa ou Chicha. Debutaría co Celta ante o RCD Espanyol de Ricardo Zamora anotandolle dous goles ao porteiro catalán.
En 1928 o Celta realizou unha xira por América a bordo do transatlántico alemán Werra, porén tanto Nicha coma outros xogadores non puideron ir co equipo, polo que foron substituídos por xogadores do Deportivo da Coruña, Racing de Ferrol ou mesmo Sevilla FC. Asemade tamén se perdeu o 30 de decembro dese mesmo ano o encontro de inauguración do novo estadio de Balaídos ante o Real Unión de Irún.
Nicha xogou no celta oito anos nos cales disputou 66 encontros e anotou 47 goles, co que cun gol cada 126 minutos é un dos xogadores con mellor media goleadora da historia do club. Nos seus anos como celeste proclamouse Campión de Galicia en tres ocasións.
Véxase tamén[editar | editar a fonte]
Ligazóns externas[editar | editar a fonte]
- Txema Ereaga (14 de novembro de 2012). "Nicha: el gol de Redondela". Fame Celeste (en castelán).
- Juan Migueles (18 de maio de 2017). "Fútbol: xogadores". Anecdotario Redondelán. Arquivado dende o orixinal o 27 de maio de 2020. Consultado o 14 de abril de 2020.
- Marcos L. Bacariza (12 de maio de 2010). "Nicha". Yo jugué en el Celta (en castelán).