Pazo dos Deportes
Coordenadas: 42°59′25.64″N 7°32′40.95″O / 42.9904556, -7.5447083
| Pazo dos Deportes | |
|---|---|
 | |
| Datos | |
| Localización | Lugo, Galicia |
| Alcume | O inferno celeste |
| Outros nomes | Pazo Universitario |
| Construción | |
| Inauguración | 12 de setembro de 1992 |
| Estadio | |
| Capacidade | 7.500 espectadores (6.500) |
| Asist. máxima |
7.500 (23 de abril de 1995)[1] Breogán 68 - 69 Valvi Girona |
| Operaradora | Club Baloncesto Breogán |
| Localía |
Club Baloncesto Breogán Club Deportivo Ensino |
| Eventos | |
|
Copa do Rei de baloncesto (1993) Torneo Internacional Lugo10 (2010) | |
O Pazo Provincial dos Deportes de Lugo é un pavillón polideportivo situado na cidade de Lugo,[2] no barrio de Acea de Olga, con capacidade para 7.500 espectadores (6.500 espectadores sentados segundo a última normativa). Foi inaugurado o 12 de setembro de 1992.
Índice
Historia[editar | editar a fonte]
O Pazo dos Deportes foi inaugurado o 13 de setembro de 1992 co torneo Xacobeo, no que participaron, a parte do equipo lucense, o Elosúa León, o Maccabi Tel Aviv e o Real Madrid. Na primeira semifinal que enfrontou ao Breogán de Velimir Perasović ao Real Madrid, o madrileños conseguiron a vitoria. No partido polo terceiro e cuarto posto o Breogán vencería por un punto aos macabeos.
Instalacións[editar | editar a fonte]
Adicado principalmente ao baloncesto, xa que nel xogan o Club Baloncesto Breogán e o Club Deportivo Ensino, tamén dispón de canchas de squash, ximnasio e pistas polideportivas anexas. Tamén ten acollido encontros da Primeira División da LNFS do Prone Lugo e do Barcel Euro, ademais de encontros internacionais de baloncesto de tódalas categorías.
O Pazo atópase situado no campus de Lugo da Universidade de Santiago de Compostela, motivo pola cal é ás veces chamado "Pazo Universitario" ou "Universitario" simplemente. Conta nos arredores cunha piscina cuberta e unhas pistas de atletismo. O aparcadoiro do recinto é tamén utilizado ás veces para a celebración de concertos ou outras actividades.
Galería[editar | editar a fonte]
Vista frontal do Pazo dende o aparcadoiro.
Lateral do Pazo con parte do aparcadoiro superior.
Vista do Pazo coa biblioteca do campus detrás.
Pistas de atletismo próximas.
Notas[editar | editar a fonte]
- ↑ ACB (ed.). "Breogán Lugo - Valvi Girona" (en castelán). Consultado o 2 de maio de 2015.
- ↑ Guía oficial ACB 1992, páxina 183. Editorial DB.
