Ealhred de Northumbria
| Biografía | |
|---|---|
| Nacemento | século VIII  |
| Morte | Despois de 774 |
| Rei de Northumbria | |
| 765 – 774 ← Aethelwald Moll de Northumbria – Aethelred I de Northumbria → | |
| Actividade | |
| Ocupación | monarca |
| Familia | |
| Cónxuxe | Osgifu (en)  |
| Fillos | Alchmund of Derby (en) , Osred II de Northumbria |
| Pai | Eanwine (en) |
Ealhred, Alhred ou Alchred foi rei de Northumbria de 765 a 774.
Traxectoria[editar | editar a fonte]
Casou con Osgifu, ben filla de Oswulf e neta de Eadberht, ou filla de Eadberht, polo que estaba emparentado con Ecgberht, Arcebispo de York. Sobrevive unha xenealoxía que fai a Ealhred descendente de Ida de Bernicia a través dun fillo de nome Eadric.
Aethelwald Moll foi deposto en 765 e Ealhred converteuse en rei. Pouco se fala do seu reinado na Crónica anglosaxoa, á parte de que foi rei, e de que posteriormente foi deposto e exiliado en 774. Simeón de Durham na súa Historia Regum Anglorum informa que fuxiu ao reino dos pictos, onde foi recibido por Ciniod.
Frank Stenton nota a conexión de Eahlred coas misións inglesas no continente. A misión de San Willehad, que levou á fundación do Arcebispado de Bremen, foi autorizada por unha asemblea relixiosa convocada por Ealhred. Tamén conservamos unha carta de Ealhred a San Lull, Arcebispo de Maguncia, nativo de Wessex.
Ealhred foi sucedido por Æthelred, fillo de Æthelwald Moll. O seu fillo Osred sería rei posteriormente. Un segundo fillo, Ealhmund morrería durante o reinado de Eardwulf e sería venerado como Alcmund de Derby.
Véxase tamén[editar | editar a fonte]
Bibliografía[editar | editar a fonte]
- Anderson, Alan Orr, Scottish Annals from English Chroniclers A.D. 500 to 1286. David Nutt, Londres, 1908.
- Higham, N.J., The Kingdom of Northumbria AD 350-1100. Stroud: Sutton, 1993. ISBN 0-86299-730-5
- Kirby, D.P., The Earliest English Kings. Londres: Unwin, 1991. ISBN 0-04-445692-1
- Marsden, J., Northanhymbre Saga: The History of the Anglo-Saxon Kings of Northumbria. Londres: Cathie, 1992. ISBN 1-85626-055-0
- Stenton, Sir Frank M., Anglo-Saxon England. Oxford: Oxford UP, 1971 (3rd edn.) ISBN 0-19-280139-2
- Yorke, Barbara, Kings and Kingdoms of early Anglo-Saxon England. Londres: Seaby, 1990. ISBN 1-85264-027-8
