Adamantios Koraís

Adamantios Koraís
Alcume	Adamance Coray
Nacemento	27 de abril de 1748
	Esmirna
Falecemento	6 de abril de 1833
	París
Soterrado	Cemiterio de Montparnasse
Nacionalidade	Francia e Imperio Otomán
Alma máter	Evangelical School of Smyrna e Universidade de Montpellier
Ocupación	lexicógrafo, lingüista, filósofo, escritor, crítico literario e médico
Pai	Joannis Korais
Nai	Thomaida Korai
[ editar datos en Wikidata ]

Adamantios Koraís ou Coraís, nado o 27 de abril de 1748 en Esmirna, Anatolia e finado o 6 de abril de 1833 en París, foi un académico e humanista grego.

Traxectoria

Estudou medicina en Francia e foi en París onde se empeñou en realizar unha carreira literaria. Dedicouse a concienciar sobre as aspiracións nacionais dos seus compatriotas e a incrementar a comprensión do legado cultural heleno. O seu apoio ao clasicismo tivo unha gran influencia sobre o idioma grego e a súa cultura.

Entre as súas antoloxías atópanse os dezasete volumes da Biblioteca de Literatura Grega, escrita de 1805 a 1826 e a obra Parerga, de nove tomos, que fixo entre 1809 e 1827. Mediante o seu lexicón Atakta que redactou de 1828 a 1835 e que representa o primeiro dicionario de grego moderno, Korais creou unha nova linguaxe literaria no seu idioma ao combinar elementos do grego vernáculo (dimotikí) co grego antigo.