Pedro Chosco

Pedro Chosco ou Pedro Chusco é un personaxe mítico galego. Ten figura de home de barba branca, de maneiras doces e de voz grave. Pedro Chosco é o encargado de facer durmir os nenos con suaves aloumiños, aínda que prefire anainar mozas e sobre todo criadas de servir. Rondas ás rapazas polo día entreténdoas e impedíndolles traballar.

Vaite de aí, Pedro Chosco

non me tentes a criada,

nin ma vistes, nin ma calzas,

nin lle pagas a soldada.

Os nenos ven a Pedro Chosco cando teñen un ollo pechado e o outro non o poden abrir. En Dinamarca existe Ole Kolpoje, ou sexa Ole Pechaollos, análogo ó galego. En Inglaterra é Billy Winker, en Escocia Wee Willie Winkie.

Coplas populares

Coplas publicadas por Lence-Santar en El Compostelanoo o 5 de novembro de 1938:

Pedro Chusco

vaite de aí.

Ti non me calzas,

ti non me vistes,

ti non me fas

os meus minesteres;

Pedro Chusco,

que me queres?

Con Pedro Chusco

teño un gran preito

cando me toma

logo me deito.

Ai, Pedro Chusco!

Vaite a deitar,

déixame os nenos

ó meu fiandar.!

Véxase tamén

Outros artigos

• Mitoloxía galega

Bibliografía

• Xoán Ramiro CUBA, Xosé MIRANDA e Antonio REIGOSA (1999). Diccionario dos seres míticos galegos (Edicións Xerais de Galicia ed.). Vigo. pp. 195-196. ISBN ISBN 84-8302-363-6.