Galiña dos ovos de ouro
A galiña dos ovos de ouro é un ser mitolóxico galego que pon ovos de ouro e pertence a unha princesa moura encantada en serpe. Habita nas fragas, en Campo Lameiro, no gurgullón de Santa mariña. A esta princesa vese nos amenceres cunha flor na boca e quen a bique nos labios desencántaa e convértea en muller. A cambio de romper o feitizo recibes a galiña dos ovos de ouro e podes ver por onde vai a trabe de ouro que conduce ao castro da Andoriña. Nesta mesma fonte móllanlle os pés á imaxe de Virxe da parroquia se queren auga; se queren tempo seco, móllanlle a cabeza.[1]
Noutras culturas[editar | editar a fonte]
Entre pedra e Penalba e Rotea de Mendes, en Campo Lameiro, hai unha fonte cunha moura que coida dunha galiña de ovos de ouro e dun berce de ouro.
No castro da igrexa de Cazás, en Xermade, hai unha pedra cunha inscrición. Ao descifrar a pedra sae unha galiña que pon ovos de ouro.
Pode lembrarnos á pita que aparece no conto de Xan o das fabas máxicas,[cando?] propiedade do ogro.
Notas[editar | editar a fonte]
- ↑ Cuba, Miranda e Reigosa (2022:181).
Véxase tamén[editar | editar a fonte]
Bibliografía[editar | editar a fonte]
- Cuba, Xoán Ramiro; Miranda, Xosé; Reigosa, Antonio (2022). Dicionario dos seres míticos galegos. Vigo: Edicións Xerais de Galicia. ISBN 978-84-1110-072-4.
