Manu Chao
| Manu Chao | |
|---|---|
 Manu Chao no festival de Coachella 2007 |
|
| Información | |
| Orixe | París, Francia  |
| Período | 1975 - Actualidade |
| Xénero(s) | Worldbeat Rock Reggae Ska Alterlatino Blues |
| Selo(s) discográfico(s) | Because Music |
| Membros | |
| Antigos membros | |
| Web oficial | www.manuchao.net |
José Manuel Tomás Arturo Chao, que ás veces aparece como Oscar Tramor[Cómpre referencia], máis coñecido como Manu Chao, nado en París o 21 de xuño de 1961, é un músico, compositor e cantante francés, de familia galega.
Índice |
[editar] Biografía
Manu Chao é fillo do xornalista vilalbés Ramón Chao e de nai vasca de Bilbao[1][2]. Os seus pais emigraron a Francia durante a ditadura de Francisco Franco. Manu e os seus irmáns creceron en Sèvres, ó oeste de París.
Ós 14 anos tivo o seu primeiro grupo, chamado Joint de Culasse, co seu irmán Tonio do Borneo, e o seu curmán Santi Cassariego. Máis tarde chegaron os Hot Pants e Os Carallos, cos que se aproximaba xa moito á música festiva e a pachanga. Estes grupos chegaron a ser moi coñecidos en París dentro da música alternativa.
En 1987 Manu, o seu irmán e o seu curmán fundaron o grupo Mano Negra, que triunfou primeiro en Francia co sinxelo "Mala vida" e despois tiveron xiras por Sudamérica. Tras unha longa tempada no grupo (de 1987 a 1994), comezou a súa carreira en solitario.
Chao canta en francés, español, catalán, árabe, portugués, inglés, galego e wolof, cambiando de idioma a miúdo na mesma canción. Aínda que é un dos artistas máis vendedores do mundo, é pouco coñecido nos países de fala inglesa.
A súa música ten moitas influencias: rock, chanson francesa, salsa, reggae, ska e raï alxeriano. Recibiu estas influencias de inmigrantes en Francia, das súas relacións ibéricas, dos seus percorridos en América con Mano Negra e vagando tras a disolución do grupo. Moitas das cancións de Chao son sobre o amor, a vida nos ghettos e a inmigración, e levan a miúdo unha mensaxe de esquerda e libertario.[3]
Estivo comprometido desde hai tempo co nacionalismo vasco, talvez debido ás súas orixes. Foi especialmente na época de Mano Negra cando participou en varias xiras musicais xunto ó conxunto vasco Negu Gorriak. Despois foron varias as colaboracións que realizou en diversas cancións xunto a Fermin Muguruza facendo xunto a el a xira Jai Alai Katumbi Express por Europa.
Por outra banda, solidarizouse coa causa zapatista e o EZLN e incluíu fragmentos dos discursos do Subcomandante Marcos nas súas cancións. Tamén se solidarizou coa causa dos okupas de Barcelona.
O seu estilo persoal influenciou a grupos como Amparanoia e outros moitos.
En 2004 publica o disco-libro Sibérie m'était contéee, en francés, con ilustracións do debuxante polaco Wozniak.
En setembro de 2007, editouse o CD A Radiolina, cuxos temas presentou ese verán cunha xira de concertos que incluíu un na cidade de Vigo.
O seu equipo favorito é o Atlas de Guadalaxara, (Jalisco, México). É por iso que adoita levar roupas roxinegras, xa que eses son as cores do equipo.
[editar] Discografía
- Clandestino (1998)
- Próxima Estación: Esperanza (2001)
- Radio Bemba Sound System (2002)
- Sibérie m'était contéee (2004)
- La Radiolina (3 de setembro de 2007)
[editar] Xiras
- Giramundo Américas (2000)
- Tómbola (2006)
- Tour Radio Bemba (Sudamérica e Centroamérica) (2006)
- Tómbola Norte America (Canada, os E.E.U.U. e Baixa California, 2007)
[editar] Libros
- Sibérie m'était contéee (2004).
[editar] Notas
[editar] Véxase tamén
[editar] Bibliografía
- Chao, Ramón. Mano Negra en Colombia. Un tren de hielo y fuego, 2001 (título orixinal: Un train de glace et de feu). Unha crónica da xira de Mano Negra en tren por Colombia, escrita polo pai de Manu e Tonio.
- Robecchi, Alessandro (2001), Manu Chao. Música e liberdade, Vigo: Edicións Xerais de Galicia. ISBN 84-8302-725-9. (orixinal en italiano do ano 2000)
