Ligue 1
 | Este artigo (ou sección) está desactualizado(a). A información fornecida mudou ou é insuficiente. |
| Ligue 1 | |
|---|---|
| Fundación | 1932 |
| Rexión |  Francia Mónaco |
| Equipos | 20 |
| Copa | Coupe de France Trophée des Champions |
| Descenso | Ligue 2 |
| Actual campión | Paris Saint-Germain (9º título) |
| Máis laureado | AS Saint-Étienne (10 títulos) |
| Organizador | Ligue de Football Professionnel |
| Sitio web | www.ligue1.fr |
A Ligue 1, anteriormente chamada Division 1, é a máxima categoría da liga de fútbol profesional en Francia. Dispútase desde 1932 e está organizada pola Ligue de Football Professionnel.
O Championnat francés é a sexta mellor liga do mundo segundo o ránking oficial da Federación Internacional de Historia e Estatística de Fútbol (IFFHS).[1]
Historia[editar | editar a fonte]
En 1932 e tras un longo debate, o fútbol profesional instalouse en Francia. Iso impulsou a creación dun campionato nacional de liga, xa que ata entón só se disputaban varios torneos rexionais, ademais da Copa de Francia.
O 11 de setembro de 1932 disputouse a primeira xornada do que inicialmente se chamou Championnat National. Organizáronse dous grupos, de dez equipos cada un, cuxos respectivos campións, AS Cannes e Olympique Lillois enfrontáronse entre si nunha final polo título, na que se impuxeron os segundos.
A seguinte tempada xa se adoptou o formato de grupo único, con 14 equipos, e o campionato pasou a denominarse Division 1.
Sistema de competición[editar | editar a fonte]
Actualmente participan na liga vinte clubs, que se enfrontan todos contra todos en dúas ocasións, unha en campo propio e outra en campo contrario. Son un total de 38 xornadas, que se desenvolven entre os meses de agosto e maio do seguinte ano. O calendario dos partidos establécese por sorteo antes do inicio do campionato.
O gañador dun partido obtén tres puntos, o perdedor non suma puntos, e en caso dun empate hai un punto para cada equipo. Ao termo do campionato, o equipo que acumula máis puntos proclámase campión da liga francesa e clasifícase para a Liga de Campións da UEFA, xunto co segundo clasificado. O terceiro clasificado obtén o dereito a disputar unha eliminatoria previa para acceder á Liga de Campións. O cuarto clasificado obtén unha praza para a UEFA Europa League. Os tres últimos equipos descenden á Ligue 2, sendo substituídos a seguinte tempada polos tres primeiros clasificados desta categoría.
Equipos 2020/21[editar | editar a fonte]
| Club | Cidade | Estadio | |
|---|---|---|---|
| Angers | Angers | Stade Raymond Kopa | 18.752 |
| Brest | Brest | Stade Francis-Le Blé | 15.931 |
| Dijon | Dijon | Stade Gaston Gérard | 15.995 |
| Girondins de Bordeaux | Bordeos | Matmut Atlantique | 42.115 |
| Lens | Lens | Stade Bollaert-Delelis | 37.705 |
| Lille | Villeneuve-d'Ascq | Stade Pierre-Mauroy | 50.186 |
| Lorient | Lorient | Stade du Moustoir | 18.890 |
| Metz | Metz | Stade Saint-Symphorien | 25.636 |
| Monaco | Mónaco | Stade Louis II | 18.523 |
| Montpellier | Montpellier | Stade de la Mosson | 32.900 |
| Nantes | Nantes | Stade de la Beaujoire | 35.322 |
| Nice | Niza | Allianz Riviera | 35.624 |
| Nîmes | Nîmes | Stade des Costières | 18.482 |
| Olympique de Lión | Lión | Groupama Stadium | 59.186 |
| Olympique de Marsella | Marsella | Orange Vélodrome | 67.394 |
| Paris Saint-Germain | París | Parc des Princes | 48.583 |
| Reims | Reims | Stade Auguste Delaune | 21.684 |
| Rennes | Rennes | Roazhon Park | 29.778 |
| Saint-Étienne | Saint-Étienne | Stade Geoffroy-Guichard | 41.965 |
| Strasbourg | Estrasburgo | Stade de la Meinau | 29.230 |
Palmarés[editar | editar a fonte]
En negra os equipos xogando na Ligue 1 na tempada 2020/21.
| Equipo | Campión | Anos |
|---|---|---|
| Saint-Étienne | 10 | 1957, 1964, 1967, 1968, 1969, 1970, 1974, 1975, 1976, 1981 |
| Olympique de Marsella | 9 | 1937, 1948, 1971, 1972, 1989, 1990, 1991, 1992, 2010 |
| Paris Saint-Germain | 9 | 1986, 1994, 2013, 2014, 2015, 2016, 2018, 2019, 2020 |
| Nantes | 8 | 1965, 1966, 1973, 1977, 1980, 1983, 1995, 2001 |
| Monaco | 8 | 1961, 1963, 1978, 1982, 1988, 1997, 2000, 2017 |
| Olympique de Lión | 7 | 2002, 2003, 2004, 2005, 2006, 2007, 2008 |
| Girondins de Bordeos | 6 | 1950, 1984, 1985, 1987, 1999, 2009 |
| Stade de Reims | 6 | 1949, 1953, 1955, 1958, 1960, 1962 |
| Nice | 4 | 1951, 1952, 1956, 1959 |
| Lille | 3 | 1946, 1954, 2011 |
| Sochaux | 2 | 1935, 1938 |
| Sète | 2 | 1934, 1939 |
| Lens | 1 | 1998 |
| RCF Paris | 1 | 1936 |
| Strasbourg | 1 | 1979 |
| Olympique Lillois | 1 | 1933 |
| Roubaix-Tourcoing | 1 | 1947 |
| Auxerre | 1 | 1996 |
| Montpellier | 1 | 2012 |
Notas[editar | editar a fonte]
- ↑ IFFHS (5 de xaneiro de 2010). "A Mellor Liga de Fútbol do Mundo 2009". Consultado o 5 de xaneiro de 2010.
