Adolfo Aldana

Adolfo Aldana

Biografía
Nacemento	5 de xaneiro de 1966 (58 anos) San Roque, España
Datos persoais
País de nacionalidade	España
Altura	188 cm
Peso	84 kg
Actividade
Ocupación	futbolista , adestrador de fútbol
Período de actividade	1987 - 1999
Lingua	Lingua castelá
Nacionalidade deportiva	España
Deporte	fútbol
Posición de xogo	Centrocampista
Traxectoria   Equipo 1985-1988 Real Madrid Castilla Club de Fútbol 72 (21) 1988-1992 Real Madrid Club de Fútbol 72 (12) 1992-1996 Deportivo da Coruña 96 (19) 1996-1998 Reial Club Deportiu Espanyol de Barcelona 10 (0) 1998-1999 Club Polideportivo Mérida 25 (2) 1998-1999 Mérida Unión Deportiva 25 (2)   Selección nacional 1988-1988   Selección de fútbol sub-21 de España 2 (0) 1993-1994   España 4 (1)

Adolfo Aldana Torres, nado en San Roque (Cádiz) o 5 de xaneiro de 1966, é un exfutbolista español e actual adestrador de fútbol. Aínda que comezou como dianteiro foi evolucionando na súa demarcación para pasar a xogar na posición de mediocampista ó interior dereito, aínda que sempre con vocación ofensiva.

Traxectoria

Como xogador

Formado nas canteiras xuvenís do Real Madrid CF, debutou co primeiro equipo o 2 de xaneiro de 1989 nun partido fronte ao FC Barcelona, no que resultou vencedor o equipo branco. Desde ese momento converteuse nun dos xogadores de banco máis utilizado, sendo o seu rendemento de gran nivel. Destacou non só polo seu gran rendemento senón polo seu gran parecido con Míchel, que naqueles momentos monopolizaba o carril dereito do equipo merengue. Colaborou activamente na consecución das ligas de 1989 e 1990 do equipo branco así como na Copa do Rei de 1989 e o subcampionato de 1990.

O seu bo rendemento e o seu bos xeitos fixeron que outros equipos fíxense nel, especialmente o Atlético Madrid do polémico Jesús Gil, no entanto Aldana quedou no Real Madrid ata 1992. Tras a fichaxe de Luis Enrique polo Real Madrid, as súas oportunidades no club branco decreceron; ademais o Real Madrid atravesaba graves problemas económicos que posibilitaron a súa saída. Con todo o seu destino, non foi un club grande, senón o modesto Deportivo da Coruña, que ascendera había só un par de anos. No Deportivo da Coruña presidido por Augusto César Lendoiro e dirixido por Arsenio Iglesias realizou unha gran tempada, que o levou á selección española da man de Javier Clemente, para substituír curiosamente a Míchel, e ao Depor a loitar polo título de liga.

A aliñación de 1992–93 do Dépor é a coñecida como "Súper Dépor" que foi aprendida por todos os bos afeccionados ao fútbol: Liaño, Albístegui, Nando, Ribera, Djukic, López Rekarte, Mauro Silva, Adolfo Aldana, Fran, Bebeto e Claudio Barragán.

Unha grave lesión mantívoo 14 meses afastado dos terreos de xogo, e non puido acudir ao mundial dos Estados Unidos. Non volveu xogar ata a tempada 94-95, na que seguiu contando co apoio dos técnicos e da afección, aínda que o seu rendemento nunca chegou a ser tan bo como o de antes. Na tempada 1995-96 deixou o Dépor para reforzar o RCD Espanyol clasificado para a copa da UEFA, con todo, xogou poucos partidos e decidiu retirarse dos terreos de xogo.

Como adestrador

Tras deixar o fútbol realizou os estudos que o converteron en adestrador nacional, ocupando na actualidade o cargo de seleccionador andaluz.

Palmarés

• Liga 1988-89, 1989-90 co Real Madrid.
• Copa do Rei 1989 co Real Madrid.
• Supercopa 1990 co Real Madrid.
• Copa do Rei 1995 co Deportivo da Coruña.
• Subcampionato de liga 1994 co Deportivo da Coruña
• Supercopa 1995 co Deportivo da Coruña

Véxase tamén

Ligazóns externas

• Datos do xogador en futbol.sportec.es