San Roque, Cádiz

Na Galipedia, a Wikipedia en galego.
Arco Iris sobre San Roque.

San Roque é un municipio andaluz, pertencente á provincia de Cádiz. Está situado na comarca do Campo de Xibraltar.

Historia[editar | editar a fonte]

No seu termo municipal sitúase o sitio arqueolóxico de Carteia, cidade púnica primeiro e romana despois. San Roque foi fundada por habitantes de Xibraltar, a maior parte dos cales fuxira da localidade tras a invasión, en nome do prentendiente ao trono español, o archiduque Carlos, dunha escuadra anglo-holandesa o 4 de agosto de 1704, durante a Guerra de Sucesión Española.

O emprazamento tivo lugar ao redor da ermida de San Roque, situada no cume dun outeiro de 108 metros de altitude. Aquí refuxiáronse a maior parte dos fuxidos (outros se asentarían no que hoxe son Los Barrios ou Alxeciras) pero foi San Roque a cidade que recibiu as honras, títulos e timbres da perdida cidade de Xibraltar por iso é polo que se denomine "Moi Nobre e Máis Leal cidade de San Roque, onde reside a de Xibraltar".

Hoxe día posúe un municipio amplo cun tecido industrial importante onde destacan unha refinería, un complexo petroquímico e varias plantas de ciclo combinado. A Ermida de San Roque trasladouse da súa situación orixinal ao complexo Diego Salinas (antigo cuartel militar, agora edificio municipal). No cume do outeiro, a ermida orixinal foi remodelada converténdose na Igrexa de Santa María a Coroada.