Adamawa, Nixeria

Localización de Adamawa dentro de Nixeria.

Adamawa é un estado da República Federal de Nixeria.

É un dos estados máis extensos de Nixeria, con 36.917 km². Limita polo noroeste co Estado de Borno, polo oeste co estado de Gombe, polo suroeste co estado de Taraba e polo leste con Camerún. Segundo unha estimación do ano 2006, vivían en Adamawa 3.168.101 persoas.

Posúe 21 Áreas de Goberno Local:

1. Fufore
2. Ganye
3. Gombi
4. Guyuk
5. Hong
6. Jada
7. Shelleng
8. Demsa
9. Madagali
10. Maiha
11. Mayo-Belwa
12. Michika
13. Mubi
14. Numan
15. Song
16. Mubi-South
17. Jimeta
18. Girei
19. Toungo
20. Lamurde
21. Yola

Historia

O estado foi creado en 1991, baixo o réxime militar de Ibrahim Babangida, en territorios antes pertencentes ao desaparecido estado de Gongola. Debe o seu nome ao líder da etnia fulani, Madibbo Adama, quen liderou no século XIX unha revolta musulmá contra os colonizadores británicos.

Economía

A súa economía é fundamentalmente agrícola, con cultivos de cacahuetes e algodón. Tamén se cultiva millo, millo miúdo, iñame e arroz. Os pobos fulani practican a gandaría de modo nómade.