Pokémon Go

Na Galipedia, a Wikipedia en galego.
Saltar ata a navegación Saltar á procura

Pokémon Go
Desenvolvedor(es)Niantic
Distribuidora(s)The Pokémon Company
Produtor(es)The Pokémon Company
Artista(s)Dennis Hwang
Compositor(es)Junichi Masuda
MotorUnity
Lanzamento6 de xullo de 2016
XéneroRealidade aumentada
Modos de xogoUn xogador
Multixogador
Plataforma(s)iOS, Android
Páxina oficialpokemongo.com
SeriePokémon
editar datos en Wikidata ]

Pokémon Go é un videoxogo de realidade aumentada para móbil desenvolvido por Niantic e distribuído por The Pokémon Company. Foi lanzado en xullo de 2016 para dispositivos iOS e Android.

O xogo permite ó xogador capturar, combater e adestrar criaturas virtuais, chamadas Pokémon, que aparecen nas pantallas dos dispositivos como se estivesen no mundo real. Para isto emprega a tecnoloxía GPS e a cámara do móbil. O xogo é free-to-play, malia que tamén conta co modelo de compras pola aplicación de contidos adicionais do xogo. Un sistema opcional con bluetooth e tecnoloxía poñible, o Pokémon Go Plus, está pensada nun lanzamento futuro e alertará ós xogadores cando os pokémon se atopen preto.

O xogo converteuse axiña nunha das aplicacións de dispositivo máis exitosas após o seu lanzamento, superando o récord anterior ostentado por Candy Crush Saga nos Estados Unidos, converténdose nun gran pulo das accións de Nintendo. O xogo foi acreditado por popularizar a realidade aumentada, e foi loado polos profesionais médicos por potenciar a mellora da saúde física e mental dos xogadores. Porén, tamén xerou certa controversia por casos de accidentes e perturbación da orde pública nalgúns lugares.

Véxase tamén[editar | editar a fonte]

Ligazóns externas[editar | editar a fonte]