Pokémon Crystal

Para outras páxinas con títulos homónimos véxase: Pokémon (homónimos).

Pokémon Crystal
Tipo	videoxogo
Xénero artístico	videoxogo de rol
Linguas lingua xaponesa
Modo de xogo	videoxogo para un xogador e videoxogo multixogador
Autoría
Compositor/a	Junichi Masuda
Desenvolvedor	Game Freak
Temática
Ambientado en	Johto e Kanto
Baseado en	Pokémon Gold e Silver
Obra derivada  Pokémon HeartGold e SoulSilver
Publicación
Data publicación 14 de decembro de 2000
País orixe	Xapón
Editorial	Nintendo
Distribuidor/a	Nintendo eShop
Formato de distribución	cartucho e descarga dixital
Plataforma	Game Boy Color
Parte da serie	Pokémon
Clasificación
Clasificación	PEGI
Contacto
Páxina WEB	pokemon.com…
Redes
[ Wikidata ]

Pokémon Crystal Version (ポ ケ ッ ト モ ン ス タ ー ク リ ス タ ル バ ー ジ ョ ン, Poketto Monsutā Kurisutaru Bajon, "Pocket Monsters: Versión Cristal") é a terceira entrega da serie de videoxogos de Pokémon, de xénero RPG, desenvolvidos pola compañía xaponesa Game Freak e publicados por Nintendo para a súa consola portátil Game Boy Color. O xogo é unha versión actualizada das dúas versións anteriores, Pokémon Gold e Silver, e foi lanzado no Xapón o 14 de decembro de 2000. Foi lanzado nos Estados Unidos o 29 de xullo de 2001 e en Europa o 2 de novembro dese mesmo ano. A diferenza dos seus predecesores, foi desenvolvido especialmente para a Game Boy Color e, polo tanto, non é compatible coa Game Boy orixinal, as súas variantes, e Super Game Boy.

A trama e xogabilidade de Pokémon Crystal é en gran parte a mesma que en Gold e Silver, aínda que ten novas características. É o primeiro xogo no que se pode escoller o sexo do seu personaxe, mentres que anteriormente o personaxe era sempre do sexo masculino. Os sprites dos Pokémon foron animados; por exemplo, cando un Cyndaquil entra na batalla, o lume e o seu escintileo móvense. Este recurso estaba ausente en Pokémon Ruby e Sapphire e Pokémon FireRed e LeafGreen, pero apareceu en todos os xogos seguintes. Ademais, un par de subtramas foron engadidas, unha envolvendo o Pokémon lendario Suicune, destacado na portada do xogo, e a outra que inclúen a Unown. A maior adición do xogo foi a Battle Tower, un edificio novo que permite aos xogadores participar en Pokémon Stadium. A edición xaponesa do xogo foi lanzada exclusivamente xunto co Adaptador móbil GB (モ バ イ ル ア ダ プ タ, GB Mobairu Adaputa Ji Bi), un dispositivo que permite conectarse con outros xogadores a través do teléfono móbil.

Véxase tamén

Ligazóns externas

• Páxina oficial (USA)
• Páxina oficial (en xaponés)