Pokémon Diamond e Pearl

Pokémon Diamond e Pearl
Título    ポケットモンスター ダイヤモンド・パール (ja)
Instancia de dúo de versións dun videoxogo de Pokémon  Composto por Pokémon Diamond Pokémon Pearl
Características  Xénero artístico videoxogo de rol  Ambientado en Sinnoh Zona de Loita  Modo de xogo videoxogo multixogador videoxogo para un xogador  Franquía de medios Pokémon  Obra derivada Pokémon Platinum (videoxogo) Pokémon Brilliant Diamond e Shining Pearl (novas versións emparelladas de versión emparelladas de Pokémon)  Lingua lingua xaponesa  Plataforma Nintendo DS
Implicados  Desenvolvedor/a Game Freak  Mascota Dialga (en) Palkia (en)  Director/a Junichi Masuda  Editorial Nintendo The Pokémon Company  Distribuidor/a Nintendo
Datas  Data de publicación 28 de setembro de 2006
Historia  Parte da serie Pokémon
Cifras e dimensións  Unidades vendidas 17.670.000 (2021) 5.210.000 (2007) 12.170.000 (2007) 14.170.000 (2007) 14.770.000 (2008) 16.480.000 (2008) 16.810.000 (2009)
Localización  País de orixe Xapón
Códigos e identificadores Freebase /m/044jht
Fontes e ligazóns  Páxina WEB pokemon.com… Clasificación PEGI CERO USK
Wikidata C:Commons

Pokémon Diamond Version (en xaponés: ポケットモンスター ダイヤモンド; Poketto Monsutā Daiyamondoe) e Pokémon Pearl Version (en xaponés: ポケットモンスター パール; Poketto Monsutā Pāru) son dous videoxogos de rol de 2006 desenvolvidos por Game Freak e publicados por The Pokémon Company e Nintendo para a consola Nintendo DS. Lanzouse orixinalmente no Xapón o 28 de setembro de 2006, e posteriormente foi lanzado en América do Norte, Australia e Europa ó longo do ano seguinte. Pokémon Platinum, unha versión mellorada, lanzouse ó mercado dous anos despois en cada rexión.

Ó igual que os xogos anteriores de Pokémon, Diamond e Pearl xiran arredor das aventuras dun adestrador Pokémon que captura e loita cos Pokémon ó mesmo tempo que frustra os plans dunha organización criminal chamada "Team Galactic". O xogo engade moitas características novas, como xogar en Internet a través de Nintendo Wi-Fi Connection, cambios na mecánica dos concursos Pokémon, ademais de 107 Pokémon novos. Os xogos son independentes entre eles, mais presentan en gran parte a mesma trama, e aínda que ámbolos dous se poden xogar por separado, é preciso intercambiar entre eles para completar a Pokédex.

O desenvolvemento de Diamond e Pearl anunciouse nunha conferencia de prensa de Nintendo a finais de 2004. Os xogos foron deseñados tendo en conta as características de Nintendo DS. O seu lanzamento estaba previsto en 2005 no Xapón, mais finalmente foi adiado a 2006, cadrando co décimo aniversario do nacemento da franquía. Para promover os xogos, Nintendo vendeu unha edición limitada de Nintendo DS Lite no Xapón, e tamén realizou unha festa de celebración para o lanzamento en América do Norte.

Os xogos recibiron valoracións favorables por parte da crítica. A maioría das recensións eloxiaron o engadido da característica do wifi, e malia que o modo de xogo non supuña unha grande evolución respecto dos títulos anteriores, seguía a ser interesante. Os xogos tiveron un grande éxito comercial, superando as cifras dos predecesores de Game Boy Advance: con preto de 18 millóns de unidades vendidas en todo o mundo, Diamond e Pearl superaron en dous millóns as unidades de Pokémon Ruby e Sapphire e en case 6 millóns as unidades de Pokémon FireRed e LeafGreen. Ademais superaron ós seus sucesores, Pokémon Black e White en máis de 2 millóns de copias. Os xogos están entre os máis exitosos de Pokémon de tódolos tempos.

Véxase tamén

Ligazóns externas

• Páxina oficial (en inglés)