Martin Schulz

Na Galipedia, a Wikipedia en galego.
Saltar ata a navegación Saltar á procura
Martin Schulz
Martinus Schulz die 15 Novembris 2013.jpg
Nacemento20 de decembro de 1955
 Hehlrath
NacionalidadeAlemaña
Alma máterHeilig-Geist-Gymnasium
Ocupaciónpolítico, libreiro e escritor de non ficción
PaiAlbert Schulz
NaiClara Schulz
CónxuxeInge Schulz
PremiosPremio Carlomagno, oficial da Lexión de Honor, Great Cross with Star and Sash of the Order of Merit of the Federal Republic of Germany, Decoration of Honour for Services to the Republic of Austria, Grand Officer of the Order of the White Double Cross, honorary doctor of the Hebrew University of Jerusalem, cidadanía honoraria, Cabaleiro da Gran Cruz da Orde ao Mérito da República Italiana e Officer's Cross of the Order of Merit of the Federal Republic of Germany
Martin Schulz Unterschrift.svg
editar datos en Wikidata ]
Martin Schulz, 2013

Martin Schulz, nado o 20 de decembro de 1955 en Hehlrath, daquela República Federal de Alemaña, é un político e libreiro alemán, eurodeputado en representación do Partido Socialdemócrata de Alemaña e dende 2004 voceiro dos socialdemócratas europeos no Parlamento Europeo.

Traxectoria[editar | editar a fonte]

Comezou a traballar nunha libraría e en pequnas editoriais, ata que con 27 anos montou a súa propia libraría. Con 29 anos foi elixido concelleiro en Würselen e tres anos máis tarde, en 1987 foi designado alcalde desa vila da Renania setentrional. Permanceu na alcaldía durante once anos, mentres escalaba posicións na estrutura do SPD: primeiro nos órganos locais e logo nos rexionais.

En 1994 é elixido deputado no Parlamento Europeo e é reelixido en 2000. Logo destes comicios faise cargo do posto de voceiro da delegación do SPD e en 2002 pasa a ser vicepresidente do grupo parlamentario do Partido dos Socialistas Europeos. En 2004 substitúe o español Enrique Barón como presidente, e nese cargo continúa despois das eleccións de 2004 e de 2009, nas que é sucesivamente reelixido. A partir de 2009 a denominación do seu grupo parlamentario pasa a ser Alianza Progresista de Socialistas e Demócratas.

En xullo de 2003, logo de facer unhas declaracións nas que criticaba determinadas medidas de política interna do primeiro ministro italiano Silvio Berlusconi, daquela presidente de quenda do Consello de Ministros da Unión Europea, o italiano dixo recomendalo para interpretar o personaxe nazi dun filme.[1]. Este comentario causou unha tensión diplomática entre Alemaña e Italia.

En 2009 os conservadores do Partido Popular Europeo e os socialdemócratas da Alianza chegan a un acordo para repartirse a presidencia do Parlamento Europeo no seguinte quinquenio. Así, durante a primeira metade a presidencia corresponderíalle ao polaco Jerzy Buzek, mentres que a segunda quenda, dende 2012 a 2014, debería corresponderlle a Schulz. Porén, meses antes de que se producise este relevo no poder comezaron a espallarse rumores dos poucos apoios cos que contaría Schulz entre os propios membros da Alianza de Socialistas e Demócratas[2].

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]