Gro Harlem Brundtland

Na Galipedia, a Wikipedia en galego.
Saltar ata a navegación Saltar á procura
Gro Harlem Brundtland
Gro Harlem Brundtland2 2009 04 20.jpg
Nacemento20 de abril de 1939
 Bærum
NacionalidadeNoruega
Educada enUniversidade de Oslo, Harvard Medical School e Harvard T.H. Chan School of Public Health
Ocupaciónmédica, política e diplomática
PaiGudmund Harlem
CónxuxeArne Olav Brundtland
FillosKnut Brundtland
IrmánsHanne Harlem
PremiosMedal of honor Dag Hammarskjold, Premio Carlomagno, Premio Fredrikke, Peer Gynt Literary Award, Indira Gandhi Prize, Four Freedoms Award, Prêmio Planeta Azul, Prêmio Internacional Catalunha, Prêmio Tang, Honorary doctoral degree of the Pierre and Marie Curie University, Global Economy Prize, Albert Medal e Gran Cruz de la Orden Civil de Sanidad
Gro Harlem Brundtland Signature.svg
editar datos en Wikidata ]
Gro Harlem Brundtland
Photo: Harry Wad.

Gro Harlem Brundtland, nada en Bærum o 20 de abril de 1939, é unha política, diplomática e médica norueguesa, e un líder internacional en desenvolvemento sustentábel e saúde pública. Foi membro do Partido dos Traballadores da Noruega (social-demócratas) dende a súa xuventude, en febreiro de 1981 tornouse a primeira muller xefe de goberno do seu país.

Médica de profesión, en 1974 foi nomeada ministra do Medio Ambiente por Bratelli.

En 1977, Brundtland foi elixida vice-presidente do grupo parlamentario socialdemócrata.

En setembro de 1981 perdeu a xefatura do goberno, logo da derrota dos socialdemócratas nas eleccións parlamentarias. Nas eleccións de 1985, o seu partido foi o primeiro da Noruega, mais a unión de Kåre Willoch obtivo a maioría parlamentaria por un só voto de diferenza. Entre 1986 e 1989 dirixiu un goberno minoritario socialista. Dende 1983 ata 1987 presidiu a Comisión Brundtland, da Organización das Nacións Unidas, dedicada ao estudo do medio ambiente e a súa relación co progreso. En 1990, ocupou novamente a xefatura do goberno ao derrotar a M. Syse.

No día 18 de marzo de 1992, nunha viaxe cunha caravana de xoves noruegueses a Manaus (AM), ela plantou un dos marcos inaugurais do Parque do Mindu,unha samaumeira. A árbore hoxe é un símbolo da defensa da ecoloxía e da ruptura de límites fronteirizos.

En 1992 abandonou a dirección do Partido dos Traballadores.

Na consulta popular sobre a integración da Noruega na Unión Europea (1994) adoptou unha posición positiva, a pesar do resultado final ter sido desfavorábel.

Desde 1998 ata 2003 foi directora xeral da Organización Mundial da Saúde.