António Guterres

António Guterres
António Manuel de Oliveira Guterres
114º Primeiro ministro de Portugal
Período	28 de outubro de 1995 – 6 de abril de 2002
Antecesor	Aníbal Cavaco Silva
Sucesor	José Manuel Durão Barroso
Datos persoais
Nacemento	30 de abril de 1949
	Lisboa
Organización	Partido Socialista (Portugal)
Pai	Virgílio Dias Guterres
Nai	Ilda Cândida de Oliveira
Cónxuxe	Luísa Guimarães e Melo (1972–1998) Catarina Vaz Pinto (2001–presente)
Alma máter	Instituto Superior Técnico
Profesión	Enxeñeiro
Relixión	Igrexa católica
Na rede
https://www.antonioguterres.gov.pt
[ editar datos en Wikidata ]

António Manuel de Oliveira Guterres, nado en Lisboa o 30 de abril de 1949, é un político e diplomático portugués. Dende 2017, exerce como Secretario Xeral das Nacións Unidas, sendo a novena persoa en ter este cargo. Membro do Partido Socialista Portugués, Guterres foi Primeiro ministro de Portugal dende 1995 até 2002.

Guterres exerceu como secretario xeral do Partido Socialista de 1992 a 2002. Foi elixido primeiro ministro en 1995 e dimitiu en 2002, despois de que o seu partido fose derrotado nas eleccións locais portuguesas de 2001. Despois de seis anos gobernando sen maioría absoluta, o Partido Socialista tivo un resultado peor do previsto por mor das perdas en Lisboa e Porto, onde as enquisas indicaban que tiña unha sólida vantaxe. Eduardo Ferro Rodrigues asumiu a dirección do Partido Socialista, mais o Partido Socialdemócrata liderado por José Manuel Barroso perdeu as eleccións xerais. Malia esta derrota, as enquisas do público portugués tanto en 2012 como en 2014 situaron a Guterres como o mellor primeiro ministro dos 30 últimos anos.

Foi presidente da Internacional Socialista de 1999 a 2005, e foi o Alto Comisionado das Nacións Unidas para os Refuxiados de 2005 a 2015. Guterres foi elixido Secretario Xeral das Nacións Unidas en outubro de 2016, sucedendo a Ban Ki-moon a comezos do ano seguinte e converténdose no primeiro europeo en ocupar este cargo dende Kurt Waldheim en 1981.