L'Escala

L'Escala
Localización
País	España
Comunidade autónoma	Cataluña
Provincia	Xirona
Comarca	Alt Empordà
Xeografía
Altitude	14 msnm
Superficie	16,41 km²
Demografía
Poboación	10.513 hab. (2013)
Densidade	640,65 hab/km²
Xentilicio	Escalenc, escalenca
Outros datos
Código postal	17130
Alcalde	Estanis Puig i Artigas (PSC)
	lescala-empuries.com

Coordenadas: 42°7′37″N 3°8′6″L / 42.12694, -3.13500

L'Escala é un municipio da comarca do Alt Empordà, na provincia de Xirona, Comunidade Autónoma de Cataluña, España. Está situado na metade norte da Costa Brava e nela atópanse as ruínas da cidade grecorromana de Empúries.

Xeografía[editar | editar a fonte]

A vila de l'Escala está situada ao sur do Golfo de Roses, entre a antiga garganta do río Fluvià e Cala Montgó. Limita ao sur co municipio de Torroella de Montgrí.

O núcleo antigo de l'Escala está entre o mar Mediterráneo e un conxunto de outeiros das últimas estribacións do norte do macizo do Montgrí.

Xeolóxicamente o terreo é eminentemente calcario, con restos de limos e arxilas máis superficiais.

Demografía[editar | editar a fonte]

As entidades de poboación do municipio son: L'Escala, Cinc Claus, Les Corts e Sant Martí d'Empúries.

Evolución demográfica
1900	1930	1950	1970	1981	2000	2010
2.515	2.462	2.475	3.117	4.048	6.285	10.387

Economía[editar | editar a fonte]

Praia de l'Escala

Inicialmente, a economía da vila baseábase na pesca. A praia de l'Escala utilizábase como porto e a vida de todos os habitantes xiraba arredor da pesca. Máis modernamente construíuse un porto pesqueiro e deportivo na zona de Riells. Actualmente, a economía baséase no turismo, como se pode comprobar pola gran cantidade de casas de veraneo e hoteis. Aprovéitanse a fondo as paisaxes naturais da vila e as ruínas de Empúries.

O produto máis característico de l'Escala son as anchoas con Denominación de Orixe. É tal a popularidade deste peixe que moitas tendas da vila dedícanse exclusivamente á súa venda.

Lugares de interese[editar | editar a fonte]

Declarados béns culturais de interese nacional:
- Alfolí de la Sal, do século XVII. Hai un proxecto para convertilo en museo e arquivo local.^[1]
- Castelo de Cinc-claus
- Torres de vixilancia e defensa: Torre d'en Montgó, Torre del Perxel, Torre del Pedró e as torres de les Corts.
- Cemiterio vello ou marino.
- Empúries, xestionado polo Museo de Arqueoloxía de Cataluña.
- Conxunto histórico de Sant Martí d'Empúries
Museo da Anchoa e do Sal
Museo da moto de l'Escala
Casa de Pescadores Can Cinto Xuà