Kenneth E. Bressett
 | |
| Biografía | |
|---|---|
| Nacemento | 5 de outubro de 1928. Keene, Estados Unidos de América (pt)   |
| País de nacionalidade | Estados Unidos. |
| Educación | Universidade de Wisconsin-Madison |
| Q89547790 | Presidente da American Numismatic Association. |
| Actividade | |
| Campo de traballo | Numismática. |
| Ocupación | coleccionismo de moedas, numismático |
| Período de actividade | 1962 - |
| Familia | |
| Cónxuxe | Bertha Britton (1950). |
| Premios | |
| Véxase a sección "Recoñecementos". | |
Kenneth Edward Bressett, nado en Keene, Nova Hampshire, o 5 de outubro de 1928, e un escritor e editor numismático estadounidense.
Traxectoria
[editar | editar a fonte]Primeiros anos e formación
[editar | editar a fonte]Kenneth Bressett nado en Keene, Nova Hampshire en 1928,[1] comezou a interesarse polas moedas na súa infancia, en 1937.[2]
En 1947 ingresou na Dresser Business School e despois cursou estudos superiores de Artes Gráficas na Universidade de Wisconsin. O seu primeiro traballo foi como impresor e compositor para a Sentinel Publishing Company, entre 1949 e 1959.[1]
Carreira numismática
[editar | editar a fonte]Bressett afiliouse á American Numismatic Association (ANA) en 1947.
En 1957 comezou a traballar como editor independente no coñecido como Red Book, un célebre catálogo da moeda estadounidense confeccionado e editado por Richard S. Yeoman, e publicado por Whitman Publishing. Yeoman invitárao a colaborar dese xeito, logo de que Bresser o advertira dalgúns erros que detectara no catálogo. En 1959 foi contratado pola compañía como editor axudante, ata que en 1971, logo da xubilación de Yeoman, asumiu o cargo de editor do catálogo.[3] Ademais de se encargar desta obra, Bressett publicou e foi editor doutros catálogos na mesma editora, entre eles o Blue Book, e entre 1964 e 1968 foi tamén o editor e director do Whitman Numismatic Journal.[1][4]
Na década de 1950 comezou tamén a fotografar moedas, entre elas o dólar de 1804, varias moedas da colección de Louis E. Eliasberg e moitos dos centavos grandes utilizados logo por William Herbert Sheldon na súa obra Penny Whimsy. Durante ese tempo, descubriu doce novas variedades de moedas coloniais.[5]
Paralelamente, Bressett traballou como consultor numismático para a colección de F. Newell Childs, que máis tarde se vendeu nunha poxa pública por máis de oito millóns de dólares.[6]
En 1980, Bressett cesou a súa vinculación profesional con Whitman Publishing para traballar en Kagin's Numismatic Investment Corp, en Des Moines, Iowa, entre 1981 e 1982, como vicepresidente e consultor numismático.[1]
Entre 1982 e 1988 incorporouse profesionalmente á American Numismatic Association (ANA); primeiro como director da axencia de certificación da entidade —ANACS— (1982-1984), logo como director de autenticación de moedas e programas educativos (1985-1988)[1]; despois como vicepresidente (1989-1994) e, finalmente, presidente da ANA (1995-1997).[7][8] Xunto co editor Abe Kosoff, foi tamén responsable das normas oficiais de clasificación de moedas dos Estados Unidos da American Numismatic Association, publicadas por primeira vez en 1977.[1]
No bienio 1989-1990 incorporouse á compañía Premier Coin Investments, de Apple Valley, Minnesota, como vicepresidente e director de servizos numismáticos.[1]
O prestixio de Bressett como numismático levouno a ser nomeado polo presidente Lyndon Johnson membro da Comisión de Ensaios dos Estados Unidos en 1966,[1] e tres décadas despois, en 1996, foi nomeado tamén membro do Comité Consultivo Cidadán sobre a Moeda.[4]
Bressett retirouse da súa dedicación total ao mundo editorial aos 90 anos, en 2018, e Whitman Publishing pasou a consideralo como "editor emérito".[3][9][10] No entanto, seguiu escribindo libros, un en 2021, acerca do Red Book de R. S. Yeoman,[11] e outro en 2022, sobre a arqueoloxía no Antigo e no Novo Testamento.[12][13]
En marzo de 2022, no marco do National Money Show de Colorado Springs, a compañía Classical Numismatic Group (CNG) sacou a poxa pública a súa colección de moedas antigas e británicas.[14][15]
Vida persoal
[editar | editar a fonte]Kenneth Bressett casou con Bertha Britton o 7 de outubro de 1950, con quen tivo dous fillos e unha filla.[1] A súa esposa finou en 2012.[16]
Recoñecementos
[editar | editar a fonte]- 1978: Mdalla do Mérito, da American Numismatic Association (ANA).[1][17]
- 1983: Premio Clemy, do Numismatic Literary Guild.[18]
- 1996: Incorporación ao Hall of Fame da ANA.[1][19]
- 1997: Premio Glenn Smedley Memorial, da ANA.[1][17]
- 1998: Premio Farran Zerbe Memorial, da ANA.[1][17]
- 2001: Premio á Traxectoria, da ANA.[1][17]
- 2004: Premio Numismático do Ano, da ANA.[1][17]
- 2010: Premio Century Club, da ANA.[17]
- 2016: Premio ao Servizo Distinguido, da American Numismatic Society (ANS).[1][20]
- 2017: Premio Adna G. Wilde á excelencia, da ANA.[17]
- 2018: Premio Burnett Anderson Memorial, da ANA, a ANS e o Numismatic Literary Guild (NLG).[1][17]
- 2021: Incluído na listaxe das persoas máis influentes en numismática en 1960-2020, pola revista Coin World.[21][22]
Publicacións
[editar | editar a fonte]Como escritor numismático, Bressett contribuín cun bo número de artigos en diversas publicacións periódicas do seu país, como Coin World, Coins, Numismatic News ou The Numismatist.[1] Ademais foi autor de máis dunha ducia de monografías, entre as que destacan as seguintes:[23][4]
- (1960). Alaska's Coinage Through the Years (con M. Gould). Whitman Pub.
- (1960). Catalog of Hawaiian Coins, Tokens and Paper Money (con M. Gould). Whitman Pub.
- (1961). Hawaiian Coins, Tokens and Paper Money (con M. Gould). Whitman Pub.
- (1962). The Fantastic 1804 Dollar (con Eric P. Newman). Whitman Pub.
- (1962). A Guide Book of English Coins 1962-63. Whitman Pub. [9ª ed. 1982 ISBN 9780307090614]
- (1966). Let's Collect Coins. An Introduction to a Fascinating Hobby. Whitman Pub. [9ª edición 1990]
- (1970). Buying and Selling United States Coins (con R. S. Yeoman). Western Publishing. ISBN 9780307219817 [12ª edición 1982]
- (1975). Whitman Guide to Coin Collecting. Whitman Pub.[numerosas edicións posteriores]. ISBN 978-0794845216 [2017]
- (1977). Official ANA Grading Standards for United States Coins. Whitman Pub. [7ª ed. 2013 ISBN 978-0794838249]
- (1982). Basics of Coin Grading for U. S. Coins. Whitman Pub. ISBN 978-0307935625
- (1990). A Guide to United States Coin Price Trends. Whitman Pub. ISBN 978-0307093608
- (1991). Collectible American Coins. Crescent Books. ISBN 9780517035870
- (1993). Guide Book of United States Currency. Whitman Pub. ISBN 030719373X [numerosas edicións posteriores]
- (2007) Money of the Bible. Whitman Pub. ISBN 978-0794823894
- (2007). Milestone Coins. A Pageant of the World's Most Significant and Popular Money. Whitman Pub. ISBN 978-0794823610
- (2021). Penny Saved: R.S. Yeoman and His Remarkable Red Book. Whitman Pub. ISBN 978-0794849016
- (2022). Bible Lore and the Eternal Flame. Whitman Pub. ISBN 978-0794849764
- (2022). A Guide Book of US Coins 2023. Whitman Pub. ISBN 978-0794849610 [editado a cargo de Bressett desde 1971]
Notas
[editar | editar a fonte]- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 1,16 1,17 Smith, P. (2012). Páxina 57.
- ↑ Roach, S. (2016) Arquivado 30 de marzo de 2023 en Wayback Machine..
- ↑ 3,0 3,1 "Kenneth E. Bressett Named First Editor Emeritus of the Red Book". En Coins Weekly. 9 de maio de 2018.
- ↑ 4,0 4,1 4,2 "Bressett, Kenneth". Pikes Peak Library District.
- ↑ Bressett, K. (2021). A Penny Saved: R.S. Yeoman and His Remarkable Red Book. Whitman Pub., Pelham. Páxina 231. ISBN 978-0794849016
- ↑ "Classic US Coins. The Sultan of Muscat-Watters-Brand-Childs-Pogue 1804 Dollar Arquivado 30 de marzo de 2023 en Wayback Machine.". En Coin Week. 5 de maio de 2016.
- ↑ "ANA Presidents 1891 to the Present". American Numismatic Association.
- ↑ Bowers, Q. D. (1991). The American Numismatic Association Centenial History. 2 volumes. Bowers & Merena Galleries. Wolfeboro. ISBN 978-0943161297
- ↑ "Kenneth Bressett named first Editor Emeritus of the Red Book Arquivado 30 de marzo de 2023 en Wayback Machine.".En Coin Update. 25 de abril de 2018.
- ↑ "Jeff Garrett Pays Tribute to Kenneth Bressett, “Red Book” Editor Emeritus". Whitman Expo. 2023.
- ↑ Tucker, D. (2021). "Celebrating R.S. Yeoman and his remarkable Red Book Arquivado 30 de marzo de 2023 en Wayback Machine.". En Coin Update. 29 de abril.
- ↑ Bulfinch, C. (2022). "Ken Bressett to meet and greet at ANA National Money Show". En Coin World. 28 de febreiro.
- ↑ Véxase a sección "Publicacións".
- ↑ "Kenneth Bressett Collection in CNG's Keystone Auction 6". En Coins Weekly.
- ↑ "CNG Brings Bressett Collection to Auction at ANA Money Show". En Coin Week. 2 de marzo de 2022.
- ↑ "Obituary: Bertha Bressett". Dignitymemorial.com
- ↑ 17,0 17,1 17,2 17,3 17,4 17,5 17,6 17,7 "American Numismatic Association Past Award Recipients". American Numismatic Association.
- ↑ "The Clemy Award Winners". Numismatic Literary Guild.
- ↑ "Past Hall of Fame inductees by year". American Numismatic Association.
- ↑ "Recipients of the Distinguished Service Award". American Numismatic Society.
- ↑ "Ken Bressett". En The Most Influential People in Numismatics 1960-2020. Coin World. Páxina 77.
- ↑ Smith, P. (2012). Páxina 58.
- ↑ Smith, P. (2012). Páxinas 57-58.
Véxase tamén
[editar | editar a fonte]Bibliografía
[editar | editar a fonte]- Garrett, Jeff. (2013). "Ten Questions for Numismatic Legend, Ken Bressett". En Coin Week. 26 de setembro.
- Roach, S. (2016). "Editor's Q&A: Ken Bressett has done it all in the world of numismatics Arquivado 30 de marzo de 2023 en Wayback Machine.". En Coin World. 8 de novembro.
- Smith, P. (2012). "Bresset, Kenneth E(dward)". En American Numismatic Biographies. Páxinas 57-50.
- "Ken Bressett". En The Most Influential People in Numismatics 1960-2020. Coin World. Páxina 77.
