Burnett Anderson
| Biografía | |
|---|---|
| Nacemento | 13 de xullo de 1919. |
| Morte | 26 de novembro de 1998. |
| Datos persoais | |
| País de nacionalidade |  Estadounidense. |
| Educación | Universidade de Rochester. National Defense University. |
| Actividade | |
| Campo de traballo | Numismática. |
| Familia | |
| Cónxuxe | Maria Troell (1954). |
| Premios | |
| 1998: Premio Clemy (NLG). 1999: B. Anderson Memorial. | |
Burnett Anderson, nado en Grantsburg, Wisconsin, o 13 de xullo de 1919 e finado o 26 de novembro de 1998, foi un numismático e funcionario do servizo exterior estadounidense.
Traxectoria[editar | editar a fonte]
Formación[editar | editar a fonte]
Burnett Anderson acadou o grao de Bachelor of Arts na Universidade de Rochester, en Nova York, en 1940, e posteriormente completou os seus estudos na National Defense University, entre 1960 e 1961.[1]
A súa carreira profesional comezou como secretario do gobernador de Minesota, entre 1941 e 1944.[1]
Etapa europea[editar | editar a fonte]
Logo foi redactor de política no xornal Minneapolis Daily Times (1944-1947) e correspondente en Estocolmo do mesmo xornal entre 1947 e 1952.[1]
En 1952 ingresou no servizo exterior dos EEUU, con destino en diversos países, como Alemaña, Irán, España, Francia e o Reino Unido, postos que ocupou ata o seu retiro en 1979, co rango de ministro con carteira.[1]
Dedicación á numismática[editar | editar a fonte]
Á súa volta aos Estados Unidos, Anderson asumiu o posto de xefe da delegación da editora numismática Krause Publications en Washington e comezou a publicar artigos sobre a súa afección, a numismática, en revistas e xornais especializados como Numismatic News, World Coin News, Bank Note Reporter ou Coins. Así mesmo, publicou algunhas traducións e obras propias sobre outros temas.[1][2]
Vida persoal[editar | editar a fonte]
Anderson casou o 3 de agosto de 1954 con Maria Troell, con quen tivo dous fillos.[1]
Recoñecementos[editar | editar a fonte]
Premio Burnett Anderson Memorial[editar | editar a fonte]
- Artigo principal: Premio Burnett Anderson Memorial.
Na memoria de Burnett Anderson, a American Numismatic Association, a American Numismatic Society e o Gremio Literario Numismático (Numismatic Literary Guild -NLG-) instituíron en 1999 o premio Burnett Anderson Memorial, con motivo do seu pasamento. El mesmo foi a primeira persoa premiada, a título póstumo.[3][4]
Premios recibidos[editar | editar a fonte]
- (1996): Premio ao Servizo Gobernamental Destacado, da American Numismatic Association.[4]
- (1998): Premio Clemy, do Numismatic Literary Guild.[5]
- (1999): Premio Burnett Anderson Memorial, de ANA, ANS e NLG.[3][4]
Notas[editar | editar a fonte]
- ↑ 1,0 1,1 1,2 1,3 1,4 1,5 Smith, P. (2012).
- ↑ "Anderson, Burnett 1919-". WorldCat Identities.
- ↑ 3,0 3,1 "Recipients of the Burnett Anderson Memorial Award". American Numismatic Society.
- ↑ 4,0 4,1 4,2 "American Numismatic Association Past Award Recipients". American Numismatic Association.
- ↑ "The Clemy Award Winners". Numismatic Literary Guild.
Véxase tamén[editar | editar a fonte]
Bibliografía[editar | editar a fonte]
- "Hobby mourns Anderson's death". En Numismatic News, Vol. 47. Nº 50. 15 de decembro de 1998.
- Smith, P. (2012). "Anderson, Burnett". En American Numismatic Biographies. Páxina 11.
