David T. Alexander
| Biografía | |
|---|---|
| Nacemento | 1 de xuño de 1940  (86 anos)Brooklyn |
| Educación | Universidade de Miami Universidade de California, Os Ánxeles |
| Q89547790 | Editor numismático |
| Actividade | |
| Ocupación | numismático |
| Familia | |
| Cónxuxe | Debra Lee Price. Patricia Ann LaBranche French |
| Premios | |
| Véxase a sección "Recoñecementos". | |
David Thomason Alexander, nado en Brooklyn, Nova York, o 1 de xuño de 1940, é un autor e editor numismático estadounidense.
Traxectoria
[editar | editar a fonte]David T. Alexander e o seu irmán John comezaron a coleccionar moedas na súa infancia, en 1949, cando a súa familia se trasladou a Florida desde Nova York. Alí, ambos afiliáronse ao Miami Coin Club en 1953 e a Florida United Numismatists en 1955.[1][2]
David cursou os seus estudos superiores na Universidade de Miami en Coral Gables (Florida),[2] onde se graduou en 1961 e acadou o mestrado en 1962. Posteriormente realizou estudos de posgrao na Universidade de California nos Ánxeles, entre 1962 e 1963.[3]
Inmediatamente despois da súa graduación foi nomeado director do Museo Histórico do Sur de Florida, cargo que ocupou de 1963 a 1974.[3]
A súa carreira como autor numismático comezou en 1963, escribindo para as publicacións da Society for International Numismatics, e a súa relación co mundo da edición numismática comezou en 1974, cando ingresou na revista Coin World como redactor e editor internacional, posto que mantivo ata 1981.[1][2][4]
Desde 1975 exerceu tamén como editor executivo de Numismatic Scrapbook.[1] En 1981 ingresou na división editorial de Johnson & Jensen e tamén foi nomeado editor de The Shekel. En 1983 foi contratado por Kagin's,[4] e en 1984 fundou e dirixiu Alexander Numismatic Services.[3]
En 1990 incorporouse ao cadro da compañía de poxas numismáticas Stack's como catalogador.[1][3]
No ámbito asociativo, Alexander é membro da American Numismatic Societry (ANS) e da American Numismatic Association (ANA), entidade esta da que foi nomeado historiador en 1998 e en cuxo xornal, The Numismatist, foi un colaborador habitual.[2] Tamén foi membro fundador de Medal Collectors of America en 1998, e entre agosto de 1982 e agosto de 1990 foi o director executivo do Gremio Literario Numismático dos estados Unidos, ao que pertence desde 1975.[1][3] Entre 2005 e 2006 presidiu o Club Numismático de Nova York.[2][4]
En 2012, Alexander vinculouse como experto numismático á compañía de poxas numismáticas Heritage Auctions.[2]
Ao longo da súa carreira colaborou con diversas publicacións periódicas do ámbito numismático, como COINage, First Strike, FUN Topics, Numismatic News ou PNG Report,[3] e mantivo unha columna en Coin World titulada The Research Desk.[2][4][5]
Vida familiar
[editar | editar a fonte]David T. Alexander casou con Debra Lee Price, quen faleceu en 1974. O 3 de decembro de 1977 casou en segundas nupcias con Patricia Ann LaBranche; ambos tiveron dous fillos adoptados.[3]
Recoñecementos
[editar | editar a fonte]- 1987: Premio Clemy, Numismatic Literary Guild (NLG).[2][3][6]
- 1990: Medalla de prata da Society for International Numismatics.[2]
- 1995: Premio Embaixador Numismático, de Florida United Numismatists (FUN).[7]
- 1999: Premio Glenn Smedley Memorial, da American Numismatic Association (ANA).[2][5]
- 2000: Medalla ao Mérito da ANA.[5][8]
- 2010: Premio Burnett Anderson Memorial, da ANA, a American Numismatic Society (ANS) e o Numismatic Literary Guild (NLG).[1][2][5][8][9]
- 2011: Premio Literario da Token and Medal Society.[10]
- 2013: Numismático do Ano, pola ANA.[5][8]
- 2021: Incluído na listaxe das persoas máis influentes en numismática en 1960-2020, pola revista Coin World.[5][4]
- 2021: Medalla á Traxectoria, da ANA.[5][8]
Publicacións
[editar | editar a fonte]Estas son algunhas das monografías máis salientables das publicadas por David T. Alexander ao longo da súa carreira.
- 1990. Coin World Comprehensive Catalog and Encyclopedia of United States Coins. World Almanac Books. ISBN 9780886874834
- 2006. Old Magazines. Identification & Value Guide. Collector Books. ISBN 9781574325010
- 2009. An Island of Civility. The Centennial History of the New York Numismatic Club. 1908/09 - 2008/09. New York Numismatic Club. ISBN 9780615329628
- 2010. American Art Medals, 1909-1995.The Circle of Friends of the Medallion and the Society of Medalists. American Numismatic Society. ISBN 9780897223171
- 2019. Medals of the Hall of Fame for Great Americans at New York University. ISBN 9781078122108
- 2020. A Napoleonic medal primer. ISBN 9798359099264
Notas
[editar | editar a fonte]- 1 2 3 4 5 6 Homren, W. (2010).
- 1 2 3 4 5 6 7 8 9 10 11 "David T. Alexander joins Heritage Auctions New York office as senior numismatist", En Coins Weekly. 3 de maio de 2012.
- 1 2 3 4 5 6 7 8 Smith, P. (2012). Páxina 8.
- 1 2 3 4 5 "David Thomason Alexander". En The Most Influential People in Numismatics 1960-2020. Coin World. Páxina 8.
- 1 2 3 4 5 6 7 Smith, P. (2012). Páxina 9.
- ↑ "The Clemy Award Winners Arquivado 07 de xuño de 2023 en Wayback Machine.". Numismatic Literary Guild.
- ↑ "Numismatic Ambassador Award Winners". Florida United Numismatists (FUN).
- 1 2 3 4 "American Numismatic Association Past Award Recipients". American Numismatic Association.
- ↑ "David Alexander receives the Burnett Anderson Memorial Award". En The E-Sylum. 8 de agosto de 2010.
- ↑ "TAMS Literary Award". Tokenandmedal.org
Véxase tamén
[editar | editar a fonte]Bibliografía
[editar | editar a fonte]- Homren, W. (2010). "David Alexander receives the Burnett Anderson Memorial Award". En The E-Sylum Vol. 13. Nº 32. 8 de agosto.
- Smith, P. (2012). "Alexander, David Thomason". En American Numismatic Biographies. Páxinas 8-9.
- "David T. Alexander joins Heritage Auctions New York office as senior numismatist". En Coins Weekly. 3 de maio de 2012.
- "David Thomason Alexander". En The Most Influential People in Numismatics 1960-2020. Coin World. Páxina 8.
