José Ignacio Fernández Palacios

Na Galipedia, a Wikipedia en galego.
Saltar ata a navegación Saltar á procura
Nacho
Información persoal
Nome completo José Ignacio Fernández Palacios
Nacemento 3 de febreiro de 1967 (52 anos)
  Foz
Nacionalidade España
Posición Defensa
Carreira xuvenil
1984–1986 Gran Peña
Carreira sénior
Anos Equipos Aprs (Gls)
1986–1992 Celta de Vigo 203 (4)
1992–2000 Compostela 127 (1)
Total 330 (5)
Adestrador
2010–2011 Cerceda
2011– Club Ordes
* Partidos e goles só en liga doméstica.
† Aparicións (Goles)

José Ignacio Fernández Palacios máis coñecido como Nacho, nado en Foz o 3 de febreiro de 1967, é un ex futbolista e actual adestrador de fútbol galego. Xogaba na demarcación de lateral esquerdo.

Traxectoria[editar | editar a fonte]

Entre os anos 1984-86 fórmase no Gran Peña Fútbol Club que por aquel entón actuaba como filial do Celta de Vigo, equipo polo que ficha en 1986, debutando o 9 de novembro dese ano.

Xogou no Celta seis anos, vivindo un ascenso na súa primeira tempada, tres anos en Primeira División, un descenso e un novo ascenso, tras o cal ficha polo SD Compostela tamén en Segunda División ao ficar fóra das aliñacións de Txetxu Rojo.

Co equipo compostelano ascende á máxima categoría tras dúas tempadas en Segunda. Nos poucos anos que o SD Compostela militou en Primeira fixo memoables tempadas baixo a dirección do adestrador Fernando Vázquez, declarándose na 1995/96 subcampión de inverno, e rematando o ano no 10º posto.

Despois de catro anos en Primeira o SD Compostela descendeu a Segunda e con el Nacho, deixando o fútbol en activo no ano 2000, tras moitos problemas físicos co tendón de aquiles [1]

Internacionalidade[editar | editar a fonte]

Foi un exemplo de coherencia para moitos deportistas ao renunciar publicamente a competir coa Selección de fútbol de España ao entender que, concordando coa súa ideoloxía nacionalista, a única que podía representar os seus sentimentos era a Selección galega.

Tecnicamente nunca foi convocado coa Selección Española, pero o propio seleccionador Javier Clemente falou del o 5 de novembro de 1995 coma serio candidato para ser o suplente do catalán Sergi na Eurocopa de Fútbol Inglaterra 1996, despois de ser nomeado mellor lateral por detrás do xogador do FC Barcelona.

Non me interesa nin me apetece Nacho Fernández (1995)

Finalmente puido ver xogar a Selección de fútbol de Galicia o 25 de decembro de 2005 en San Lázaro ante Uruguai. Porén non puido ver cumprido o seu desexo de disputar o encontro.

O seu compromiso persoal coa causa da Selección galega chegou ata o punto de colaborar co grupo Xenreira na gravación da canción Selección Ska! para o disco Selección Xa!.

Adestrador[editar | editar a fonte]

Ademais de colaborar como comentarista na TVG traballa como adestrador, de equipos como o Cerceda[2] ou o Club Ordes, equipo ao que dirixiu ata a tempada 2014-2015 na Terceira División Española.[3] Na actualidade adestra á Sociedad Deportiva Negreira, tamén de Terceira División Española.

Notas[editar | editar a fonte]

  1. "Copia arquivada". Arquivado dende o orixinal o 12/03/2016. Consultado o 07/01/2013. 
  2. http://www.lavozdegalicia.es/carballo/2010/09/05/0003_8707476.htm?utm_source=buscavoz&utm_medium=buscavoz
  3. "Copia arquivada". Arquivado dende o orixinal o 12 de marzo de 2016. Consultado o 07 de xaneiro de 2013. 

Véxase tamén[editar | editar a fonte]

Ligazóns externas[editar | editar a fonte]