European Trophy

European Trophy

Tipo	competición deportiva
Deporte	hóckey sobre xeo
Localización  e  Datas
País	Suecia
Vixencia	2006 –
Período de ocorrencia	1 ano
Outro
Páxina web oficial	europeantrophy.com

European Trophy (anteriormente denominado Nordic Trophy entre 2006 e 2009) foi un torneo de hóckey sobre xeo que se disputou cada ano entre 2006 e 2013, tradicionalmente composto por equipos das ligas máis importantes de Europa. Foi xeralmente considerado un torneo de pretempada, aínda que algúns partidos son xogados durante a tempada. Con 32 equipos participantes de sete países distintos en 2013, o European Trophy foi no seu tempo a maior competición de hóckey sobre xeo en Europa. Na tempada 2014–15, o European Trophy será substituído pola Champions Hockey League, un torneo organizado pola IIHF.

Suecia e Finlandia teñen participado en todas as edicións, sendo os únicos dous países que participaron cando o torneo era denominado "Nordic Trophy". O torneo comezou en 2006 baixo a denominación de The tournamen"Nordic Trophy" con oito equipos, catro de Suecia e outros catro de Finlandia. En 2010, algúns equipos doutros países europeos sumáronse ao toreneo, que mudou o seu nome para o actual European Trophy. Dende a inauguración do torneo en 2006 teñen participado equipos de oito países distintos: Suecia, Finlandia, Austria, República Checa, Alemaña, Eslovaquia, Suíza, e Noruega. Ningún equipo gañou a competición en máis dunha ocasión.

Equipos

En 2006 e 2007, o "Nordic Trophy" consistiu en catro equipos suecos, Djurgården, Frölunda, Färjestad e Linköping; así como catro equipos fineses, HIFK, Oulun Kärpät, Tappara e TPS.

En 2007, o torneo ampliouse de seis a oito equipos e creouse unha edición júnior (o torneo júnior deixou de disputarse logo da edición de 2010). En 2008, o torneo ampliouse con dous equipos máis, o sueco HV71 e o finés Jokerit. E no 2009 foi novamente ampliado coa inclusión do Malmö Redhawks sueco, e o Rauman Lukko finlandés. Porén, os equipos suecos e fineses foron divididos ese ano, pasando a haber dous torneos: un Nordic Trophy Sueco 2009 para os equipos suecos, e un Nordic Trophy Finés 2009 para os equipos fineses.

En 2010, o torneo tornouse europeo. Lukko de Finlandia deixou a competición sendo substituído polo Vålerenga noruegués. Adler Mannheim e Eisbären Berlin de Alemaña, e o checo Sparta Praha, completaron a "Capital Division"; co equipo austrico do Red Bull Salzburg, xunto SC Bern e ZSC Lions de Suíza, completaron a "Central Division". Eses novos equipo propuxeron mudar o nome do torneo ao de European Trophy.

Na edición de 2011 había 24 equipos. Suecia e Finlandia foron representados por seis equipos cada un. Luleå HF substituíu o equipo sueco Malmö Redhawks. De Finlandia, KalPa foi incluído por primeira vez no torneo. Participaron tamén sete equipos da República Checa: Slavia Praha, Sparta Praha, Mountfield České Budějovice, Bílí Tygři Liberec, ČSOB Pojišťovna Pardubice, Plzeň 1929, e Kometa Brno. Os equipos alemáns Eisbären Berlin e Adler Mannheim repetiron participación. Ademais do Red Bull Salzburg, houbo un segundo equipo austríaco, o Vienna Capitals. Por primeira vez Eslovaquia participou no European Trophy, sendo representada polo Slovan Bratislava. Noruega e Suíza, non obstante, non tiveron representación. Tamén cambiou o calendario de competición: en lugar de xogarse os play-offs en setembro logo da rolda previa de agosto-setembro, os play-offs foron xogados en decembro.

A edición de 2012 ampliose con oito equipos máis para un total de 32 anos. Un novo equipo sueco, o Brynäs IF, chegou á compteción; Suíza regresou ao campionato con catro equipos; dous novos equipos alemáns entraron en competición; e un novo equipo de Finland participou no torneo. A primeira rolda do torneo disputouse entre xullo e novembro, mentres que os play-offs xogáronse en decembro. O Slavia Praha, non obstante, anunciou o 31 de maio de 2012 que deixaría o European Trophy. O 18 de xuño anunciouse que o Piráti Chomutov tomaría o lugar deixado polo Slavia Praha na "South Division".

O 14 de febreiro de 2013 anunciouse oficialmente a edición do torneo de 2013. Contou cos 32 equipos que participaron na edición precedente, sendo a primeira vez na historia do Nordic/European Trophy que se repetiron os equipos do ano anterior. Os 32 equipos foron divididos nas mesmas divisións, e a rolda previa (antes dos play-offs) é similar á do ano anterior, a única diferenza foi a asignación dos equipos locais e visitantes. Debido aos Xogos Olímpicos de Inverno de 2014, a primeira rolda finalizará en setembro de 2013 e non en novembro.

División	Equipo	Cidade	Pavillón*	Capacidade	Chegada NT/ET
Norte	Oulun Kärpät	Oulu	Oulun Energia Areena	6.614	2006
	Eisbären Berlin	Berlín	O2 World	14.200	2010
	Red Bull Salzburg	Salzburgo	Eisarena Salzburg	3.600	2010
	Luleå HF	Luleå	Coop Arena	6.200	2011
	Kometa Brno	Brno	Kajot Arena	7.200	2011
	Mountfield České Budějovice	České Budějovice	Budvar Arena	6.421	2011
	HC Plzeň	Plzeň	ČEZ Aréna	8.420	2011
	Hamburg Freezers	Hamburgo	O2 World	12.947	2012
Sur	Linköpings HC	Linköping	Cloetta Center	8.500	2006
	HV71	Jönköping	Kinnarps Arena	7.038	2008
	Sparta Praha	Praga	Tipsport Arena	13.150	2010
	Piráti Chomutov	Chomutov	Multifunkční aréna Chomutov	5.250	2012
	KalPa	Kuopio	Kuopion jäähalli	5.225	2011
	Slovan Bratislava	Bratislava	Slovnaft Arena	10.000	2011
	UPC Vienna Capitals	Viena	Albert Schultz Eishalle	7.000	2011
	JYP	Jyväskylä	Synergia Areena	4.628	2012
Leste	TPS	Turku	HK Areena	11.820	2006
	Tappara	Tampere	Hakametsä Areena	7.800	2006
	Djurgårdens IF	Estocolmo	Hovet	8.094	2006
	SC Bern	Berna	PostFinance-Arena	17.131	2010**
	Bílí Tygři Liberec	Liberec	Tipsport Arena	7.500	2011
	ČSOB Pojišťovna Pardubice	Pardubice	ČEZ Aréna	10.194	2011
	Brynäs IF	Gävle	Läkerol Arena	8.585	2012
	HC Fribourg-Gottéron	Friburgo	BCF Arena	6.900	2012
Oeste	Färjestad BK	Karlstad	Löfbergs Lila Arena	8.647	2006
	Frölunda Indians	Gotemburgo	Scandinavium	12.044	2006
	HIFK	Helsinqui	Helsingin jäähalli	8.200	2006
	Jokerit	Helsinqui	Hartwall Areena	13.349	2008
	ZSC Lions	Zürich	Hallenstadion	10.700	2010**
	Adler Mannheim	Mannheim	SAP Arena	10.600	2010
	ERC Ingolstadt	Ingolstadt	Saturn Arena	4.815	2012
	EV Zug	Zug	Bossard Arena	7.015	2012

• Nota (*): o pavillón fixado como local non ten por qué ser empregados no European Trophy.
• Nota (**): SC Bern e ZSC Lions non participaron en 2011.

Estrutura do torneo

O European Trophy divídese nunha primeira fase disputada entre finais de xullo e novembro, na que os equipos xogan uns contra os outros segundo un calendario predefinido; e un play-off de fin de semana en decembro xogado a eliminación directa. O equipo que gaña á final é coroado o Red Bulls Salute Champion. Se un partido remata con empate logo do tempo regulamentario (60 minutos), xógase un tempo extra de 5 minutos. Durante o tempo extra cada equipo pode substituír só catro xogadores no xeo á vez (excepto 3 cando en calquera dos dous equipos hai un xogador penalizado). Se non se anota ningún gol no tempo extra, o partido decídese por shootout, comezando cada equipo con tres penaltis. Se logo dos tres primeiros penaltis persiste o empate, xógase a roldas de morte súbita ata que sae un campión.

Partidos da primeira rolda

Na primeira rolda, os 32 equipos son divididos en catro divisións e cada equipo xoga contra cada equipo da súa división unha vez. Ademais, cada equipo ten asignado un "rival loca" na mesma división contra o que xoga un segundo partido. Polo tanto, cada equipo xoga un total de 8 partidos na primeira rolda. Se conceden puntos en cada partido, con tres puntos para o gañador no tempo regulamentario, dous para o gañador no tempo extra ou no shootout, un punto para o perderon no tempo extra ou no shootout, e ningún punto para o perdedor no tempo regulamentario. Os dous equipos co mellor rexistro de puntos de cada división clasifícanse para os play-offs.

Play-offs

Os play-offs do European Trophy, coñecidos como Red Bulls Salute, son a derradeira parte do torneo. Trátase dun torneo a unha volta, onde dous equipos xogan entre eles para pasar á seguinte rolda. No torneo de 2013, o Red Bull Salute disputaráse ne Berlín. Non hai partidos de clasificación, o que significa que só hai cuartos de final, semifinais e un partido final. O Red Bull Salute tivo lugar préviamente en Salzburgo e Viena en 2010 e 2011, e en Viena e Bratislava en 2012. Antes de 2013, o organizador dos play-offs tiñan garantido un lugar no play-off (isto é, clasificábanse diréctamente para os play-offs) e tomaba o lugar do peor segundo clasificado de todas as divisións do torneo.

Primas

Logo da primeira rolda, os catro campións de división reciben 25.000€ cada un, os catro segundos clasificados 20.000€, e o terceiro, cuarto e quinto clasificados reciben 15.000€, 10.000€, e 5.000€ respectívamente. Ademais, na final do Red Bull Salute, o equipo campión recibe 50.000€, mentres que o finalista recibe 10.000€. En total repartiránse 360.000€ no European Trophy 2013.

Trofeos e recoñecementos

Ao final da fin de semana da final, o gañador da final é proclamado campión do European Trophy. Hai catro recoñecementos para os xogadores determinados polas súas estatísticas durante o torneo: o RBK Nordic Star, o mellor porteiro, mellor defensor e mellor dianteiro.

Campións

Nordic Trophy
Ano	Campión da rolda previa	Campión dos play-offs (Campión do Nordic Trophy)
2006	Färjestad BK	Färjestad BK
2007	Oulun Kärpät	Oulun Kärpät
2008	Linköpings HC	Linköpings HC
2009	HV71 (Torneo sueco)	Djurgårdens IF (Torneo sueco)
	Lukko (Torneo finés)	Tappara (Torneo finés)
European Trophy
Ano	Campión da rolda previa	Campión dos play-offs (Campión do European Trophy)
2010	HV71	Eisbären Berlin
2011	Plzeň 1929	Red Bull Salzburg
2012	Luleå HF	Luleå HF
2013	Färjestad BK	JYP

Debido ao sistema de divisións da rolda previa do European Trophy, o campión desta fase determínase en función do equipo co mellor récord.

Véxase tamén

Outros artigos

• European Trophy Junior
• Champions Hockey League, un torneo similar xogado só na tempada 2008–09

Ligazóns externas

• EuropeanTrophy.com Arquivado 23 de xuño de 2011 en Wayback Machine. (en inglés)