HC Turun Palloseura
| TPS | |
|---|---|
 | |
| Fundación | 1929 |
| Cidade |  Turku, Finlandia Propia Finlandia |
| Estadio | HK-areena (11.820 espectadores) |
| Liga | Liiga Champions Hockey League |
| Campionatos | 11 |
| Propietario(s) | Turun Palloseuran säätiö (37 %) Varamiespalvelu Oy Miikka Kiprusoff TS-Yhtymä Mikko e Saku Koivu [1] |
| Director | Kari Hietarinta |
| Adestrador | Kai Suikkanen[2] |
| Afiliado(s) | TuTo (Mestis) |
| Cores | Negro e branco |
 | |
| Na rede | |
| http://hc.tps.fi/ | |
     | |
| Seccións activas da TPS | ||
|---|---|---|
|
|
|
| Floorball | Fútbol (feminino) |
Fútbol (masculino) |
|
| |
| Hóckey sobre xeo (feminino) |
Hóckey sobre xeo (masculino) | |
O HC TPS Turku Oy, ou simplemente Turun Palloseura (abreviado TPS), é un equipo profesional de hóckey sobre xeo da cidade de Turku (Finlandia). Actualmente compite na SM-liiga, a máxima categoría do hóckey sobre xeo finlandés, competición que gañou en once ocasións (dez dende que adoptou a denominación actual). Xoga os seus partidos como local no HK-areena, pavillón con capacidade para 11.820 espectadores.
Historia
[editar | editar a fonte]O TPS fundouse en 1922 como Turun Palloseura, de onde deriva o acrónimo. A sección de hóckey sobre xeo do club comezou as súas actividades en 1929. Actualmente o nome da compañía propietaria do equipo é HC TPS Turku Oy.
O TPS gañou o campionato finlandés de hóckey sobre xeo en 11 ocasións (1956, 1976, 1989, 1990, 1991, 1993, 1995, 1999, 2000, 2001 e 2010), sendo as dez últimas baixo a denominación actual da liga (SM-liiga), sendo o terceiro equipo con máis títulos por detrás do Ilves (16) e o Tappara (15). Seis dos once títulos do club foron conseguidos co adestrador Hannu Jortikka entre as tempadas 1989-91 e 1999-01. O TPS ten tamén conta nas súas vitrinas con dúas Copas de Finlandia.
Xogadores
[editar | editar a fonte]Números retirados
[editar | editar a fonte]| Nº | Xogador | Posición | Carreira | Data da retirada | Referencias |
|---|---|---|---|---|---|
| 3 | Timo Nummelin | ||||
| 8 | Juhani Wahlsten | ||||
| 15 | Reijo Leppänen | ||||
| 16 | Rauli Tammelin | ||||
| 23 | Hannu Virta |
Adestradores
[editar | editar a fonte]Dende que se creou a SM-liiga teñen pasado os seguintes adestradores polo banco do TPS:
- Raimo Määttänen 1975–1980
- Juhani Wahlsten 1980–1983
- Matti Keinonen 1983–1985
- Juhani Tamminen 1985–1988
- Hannu Jortikka 1988–1992
- Vladimir Jursinov 1992–1998
- Hannu Jortikka 1998–2001
- Kari Jalonen 2001–2003
- Jukka Koivu 2003–2005
- Hannu Jortikka 2005–2007
- Hannu Virta 2007–2008 [3]
- Kai Suikkanen 2008–2010
- Heikki Leime 2010
- Riku-Petteri Lehtonen 2010–2011
- Jukka Koivu 2011
- Pekka Virta 2011–2012
- Juha Pajuoja 2012–2013
- Kai Suikkanen 2013–
Equipo feminino
[editar | editar a fonte]- Artigo principal: TPS Naiset.
O equipo feminino da Turun Palloseura fundouse en 1989 e comezou a súa andaina esa mesma tempada na I-divisioona.[4]
Debutou na máxima categoría do hóckey sobre xeo feminino finlandés na tempada 1990-91, finalizando na quinta posición dun total de sete equipos, e non se clasificou para a postempadaa.[5] Con todo, na tempada 1992-93, logo de tres tempadas consecutivas na elite, o equipo descendeu de novo á I-divisioona e estivo durante toda esa década e a dos anos 2000 movéndose entre diferentes categorías ata que na tempada 2017-18 o equipo proclamouse campión da Naisten Mestis e regresou á máxima categoría, recentemente renomeada "Naisten Liiga".[4]
En 2022 o TPS fixo historia logo de clasificarse por primeira vez para os play-offs, mais caeu nas semifinais fronte o K-Espoo e finalizou a tempada na cuarta posición.[4]
Palmarés
[editar | editar a fonte]Trofeos colectivos
[editar | editar a fonte]
- A Kanada-malja (Copa Canadá) é entregada anualmente ao equipo vencedor dos play-offs e campión da SM-liiga. É o trofeo principal da SM-liiga. O trofeo foi doado pola comunidade finlandesa do Canadá en 1950. TPS gañou proclamouse un total de 11 veces campión de Finlandia: 1956, 1976, 1989, 1990, 1991, 1993, 1995, 1999, 2000, 2001 e 2010.[6][7][8][a]
- O Harry Lindbladin muistopalkinto é entregado cada ano ao equipo campión da fase regular dende a fundación da SM-liiga na tempada 1975-76. TPS gañou este galardón en 13 ocasións: 1976, 1980, 1982, 1985, 1989, 1990, 1991, 1993, 1994, 1998, 1999, 2000 e 2004.[8]
- Campión: 1955 e 1956
- Campión: 1994
- Campión 1997
- Campión: 1997
- Outros
- O Aaro Kivilinnan muistopalkinto é entregado cada ano ao mellor equipo de hóckey sobre xeo de Finlandia. O trofeo é determinado pola clasificación final do equipo na Liiga ou Mestis, o seu equipo na liga feminina e os seus equipos en categorías inferiores. TPS gañou o trofeo un total de seis veces dende a súa creación na tempada 1972–73: 1977, 1991, 1995, 1997 (compartido con Jokerit), 2002 e 2004.[9]
Notas
[editar | editar a fonte]- Referencias
- ↑ Propietarios do TPS[Ligazón morta]
- ↑ HC TPS: Suikkanen ja Lehtonen palaavat TPS-valmennukseen[Ligazón morta]
- ↑ Jatkoaika.com, ed. (26 de outubro de 2008). "TPS vapautti Hannu Virran ja Kalle Kaskisen valmennusvastuusta". Consultado o 16 de outubro de 2013.
- ↑ 4,0 4,1 4,2 "TPS" (en finés). Leijonat.fi. 7 de febreiro de 2023. Consultado o 24 de setembro de 2023.
- ↑ "Naisten SM-sarja. 1990-1991 STANDINGS" (en inglés). eliteprospects.com. Consultado o 4 de outubro de 2021.
- ↑ 6,0 6,1 6,2 "TPS" (en finés). Liiga.fi. Consultado o 1 de maio de 2022.
- ↑ "Mestaruudet" (en finés). HC TPS Turku Oy. Consultado o 1 de maio de 2022.
- ↑ 8,0 8,1 "Palkinnot" (en finés). Liiga.fi. Consultado o 1 de maio de 2022.
- ↑ Mennander, Pasi (2 de maio de 2015). "Aaro Kivilinnan muistopalkinto Bluesille - Kauden paras seura 2014-15 - Kärpät niukalla piste-erolla toinen" (en finés). Federación Finlandesa e Hóckey sobre Xeo. Consultado o 1 de maio de 2022.
Véxase tamén
[editar | editar a fonte] |
Wikimedia Commons ten máis contidos multimedia na categoría: HC Turun Palloseura |
Outros artigos
[editar | editar a fonte]Ligazóns externas
[editar | editar a fonte]- Sitio web oficial do TPS (en finés)
- TPSen www.liiga.fiArquivado 14 de outubro de 2013 en Wayback Machine. (en finés)
