Arquieparquía católica ucraína de Przemyśl-Varsovia

Na Galipedia, a Wikipedia en galego.
Saltar ata a navegación Saltar á procura
Arquieparquía de Przemyśl-Varsovia
PrzemyslChurch1.jpg
Datos xerais
Erixida1609
LocalizaciónPolonia
SufragáneasWrocław-Gdańsk
Estatísticas
Poboación
- Fieis

30.000
Parroquias85
Información
IgrexaIgrexa Católica Bizantina Ucraína
RitosBizantino
Xerarquía
PapaFrancisco
Arcebispo MaiorSviatoslav Shevchuk
MetropolitaEugeniusz Popowicz

A arquieparquía de Przemyśl-Varsovia é unha sé metropolitana da Igrexa Católica Ucraína en Polonia. En 2009 contaba con arredor de 30.000 bautizados. Dende 2015 o seu metropolita é Eugeniusz Popowicz.

Territorio[editar | editar a fonte]

A arquieparquía abrangue as rexións oriental e meridional de Polonia, aínda que os fieis de rito bizantino concéntranse nas rexións limítrofes con Ucraína. A propia sé arquiepiscopal, Przemyśl, atópase preto da fronteira.

En Przemyśl está a catedral de San Xoán Bautista, e en Varsovia a concatedral da Dormición da Virxe María. O territorio está dividido en seis decanatos e 85 parroquias.

A arquieparquía limita ao oeste coa súa sufragánea de Wrocław-Gdańsk, ao leste co exarcado arquiepiscopal de Lutsk e coa eparquía de Sokal-Zhovka, e ao sueste coa arquieparquía de Lviv e coa eparquía de Sambir-Drohobych. Tamén limita ao sur coa arquieparquía eslovaca de Prešov, ao suroeste coa eparquía eslovaca de Bratislava, e ao oeste co exarcado apostólico ruteno da República Checa.

Historia[editar | editar a fonte]

O bispo ortodoxo de Przemyśl, Mykhailo Kopystenskyi, non aceptou a Unión de Brest de 1596. Porén, logo do seu pasamento, o metropolita Ipatii Potii nomeou en 1610 a un bispo favorable á unión, Atanasii Krupetskyi.

En 1620 o patriarca de Xerusalén Teófanes III restableceu a metrópole ortodoxa de Kiev baixo a súa xurisdición, nomeando como primeiro metropolita a Yov Boretskyi. Como bispo de Przemyśl, Teófanes consagrou a Isaia Kopynskyi, iniciándose unha sucesión de bispos ortodoxos paralela á de bispos católicos.

A eparquía ortodoxa entrou novamente en comuñón coa Igrexa Católica ao aceptar o bispo Inokentii Vynnytskyi a unión en 1691. Inicialmente a eparquía formaba parte da metrópole de Kiev, Galicia e toda a Rus.

O 22 de febreiro de 1807, por mor da bula En universalis Ecclesiae de Pío VII que separou a metrópole en dúas, pasou a formar parte da metrópole de Galicia.

O 10 de febreiro de 1934 cedeu parte do territorio para a creación da administración apostólica de Łemkowszczyzna, que deixou na práctica de existir logo da Segunda Guerra Mundial.

Coa chegada do comunismo, os territorios da eparquía dividíronse entre a RSS de Ucraína e a República Popular de Polonia, e comezou a supresión forzada da Igrexa Católica Bizantina Ucraína. Na eparquía de Przemyśl, o seu bispo Yosafat Kotsylovskyi foi deportado á Unión Soviética, finando nun campo de prisioneiros en 1947. Canda el, tamén foi detido o seu auxiliar Hryhorii Lakota, quen foi martirizado en prisión en 1950. Ambos os dous foron beatificados por Xoán Paulo II o 27 de xuño de 2001.

Coa alarmante situación, o primado de Polonia August Hlond pediu permiso a Pío XII para organizar á Igrexa Ucraína en Polonia.[1] O papa nomeouno enviado especial para todos os grecocatólicos de Polonia o 10 de decembro de 1946. Logo do pasamento de Hlond, o seu sucesor Stefan Wyszyński nomeou ao sacerdote grecocatólico Vasyl Hrynyk secretario para os grecocatólicos, e en 1967 vigario xeral.[1]

O 2 de abril de 1977 o arcebispo maior de Lviv Yosyf Slipyi consagrou bispo de Przemyśl, Sambor e Sanok a Ivan Khoma en Roma. Porén, Khoma permaneceu no exilio sen poder tomar posesión da sé.

En 1981 o primado de Polonia Józef Glemp creou dúas vigairías para os grecocatólicos en Polonia. Como vigario do sur do país foi nomeado Jan Martyniak,[1] quen o 20 de xullo de 1989 foi nomeado bispo auxiliar de Przemyśl. En 1991 Khoma renunciou ao cargo, e Martyniak foi nomeado bispo de Przemyśl co restabelecemento das libertades para os greco-católicos.

O 24 de maio de 1996 a sé foi elevada ao rango de arquieparquía, tomando o nome actual. O 1 de xuño de 1996 cedeu parte do territorio para erixir a eparquía de Wrocław-Gdańsk, pasando a ser sé metropolitana.

Episcopoloxio[editar | editar a fonte]

A partir de 1610 os bispos grecocatólicos foron os seguintes:

En 1691 o bispo ortodoxo aceptou a unión, unificándose as sés ortoxa e grecocatólica:

En 1946 Pío XII encarga a August Hlond atención aos grecocatólicos de Polonia:

Ao mesmo tempo, no exilio, Yosyf Slipyi consagrou un bispo de Przemyśl, Sambor e Sanok:

Dende 1991 recupérase a normalidade na sucesión:

En 1996 elévase a sé ao rango de arquieparquía metropolitana:

Notas[editar | editar a fonte]

  1. 1,0 1,1 1,2 Stępień, Stanisław (2008). Mahieu, Stéphanie; Naumescu, Vlad, eds. Churches In-between: Greek Catholic Churches in Postsocialist Europe (en inglés). LIT Verlag Münster. pp. 86–89. ISBN 9783825899103. 

Véxase tamén[editar | editar a fonte]

Ligazóns externas[editar | editar a fonte]