Yosafat Kotsylovskyi

Yosafat Kotsylovskyi
	;
Biografía
Nacemento	3 de marzo de 1876 ; Pakoszówka, Polonia (en)
Morte	17 de novembro de 1947 (71 anos); Kíiv, Ucraína
Causa da morte	doenza pulmonar
Lugar de sepultura	Annunciation to the Blessed Virgin Mary Church in Stryi (en)
Bispo diocesano
	29 de xaneiro de 1917 – ; ← Kostiantyn Chekhovych (en) – Ivan Khoma → ; Diocese: Arquieparquía católica ucraína de Przemyśl-Varsovia
Datos persoais
Relixión	Igrexa católica e Igrexa católica bizantina ucraína
Educación	Pontificia Universidade Urbaniana
Actividade
Campo de traballo	Church‘s ministry (en)
Ocupación	bispo católico (1917–), sacerdote católico (1907–)
Orde relixiosa	Orde de San Basilio Magno
Consagración	Andrei Sheptytskyi
Enaltecemento
	beato ;
Día de festividade relixiosa	17 de novembro
Familia
Pai	Petro Kotsylovskyi
Descrito pola fonte	Obálky knih,

O Beato Yosafat Kotsylovskyi (en ucraíno: Йосафат Коциловський), nado como Yosyf (en ucraíno: Йосиф) o 3 de marzo de 1876^[1] en Pakoszówka (Reino de Galicia e Lodomeria) e finado o 17 de novembro de 1947 nun campo de concentración preto de Kíiv,^[1] foi un eclesiástico grecocatólico ucraíno, bispo de Przemyśl, Sambor e Sanok dende 1917 até a súa morte. Foi beatificado por Xoán Paulo II en 2001.

Traxectoria

Naceu en Pakoszówka, unha aldea do concello de Sanok, en Lemkivshchyna, rexión habitada polo pobo lemko. Era fillo de Petro e Kateryna: o seu pai combinou a agricultura coa participación na vida política como deputado na Dieta de Galicia e Lodomeria;^[2] a súa nai, de apelido de solteira "Kosar", era filla dun sacerdote greco-católico, e educou piadosamente aos seus fillos.

En 1896 ingresou na Universidade de Lviv para estudar leis, mais decepcionado coa situación política abandonou os estudos. Baixo a influencia do bispo Przemyśl Kostiantyn Chekhovych marchou a estudar Filosofía e Teoloxía a Roma. O 9 de outubro de 1907 foi ordenado sacerdote. Logo de ser ordenado sacerdote, foi profesor de teoloxía no seminario de Stanislaviv, onde ao pouco tempo foi nomeado vicerreitor.

O 2 de outubro de 1911 fixo a profesión na Orde de San Basilio Magno. O 8 de novembro de 1916 foi elixido bispo de Przemyśl, Sambor e Sanok, sendo confirmado pola Santa Sé o 29 de xaneiro de 1917. Recibiu a consagración episcopal o 23 de setembro, de mans do metropolita de Galicia Andrei Sheptytskyi.

Co estoupido da segunda guerra mundial o territorio da súa diocese foi ocupada de xeito sucesivo pola URSS e polo III Reich. En 1939, co pacto Ribbentrop-Molotov, os soviéticos anexionáronse Ucraína Occidental, e Kotsylovskyi estivo baixo vixilancia. Posteriormente, coa ocupación alemá, foi investigado e interrogado pola Gestapo por agochar xudeus na diocese.

Despois da guerra tratou de resistir a presión comunista contra a Igrexa. O 10 de setembro de 1945 o bispo enviou dous comunicados ás embaixadas dos E.U.A. e do Reino Unido tratando sobre a natureza da invasión, a represión, e as violacións de dereitos humanos, e pedindo axuda.

Finou nun campo de concentración soviético preto de Lviv o 17 de novembro de 1947.

Culto

O papa Xoán Paulo II beatificouno o 27 de xuño de 2001 na súa visita pastoral a Ucraína, xunto a Mykolai Charnetskyi e compañeiros mártires.^[3] A súa festa celébrase o 17 de novembro.

Notas

↑ ^1,0 ^1,1 Burns, Paul, ed. (2005). Butler's Saints of the Third Millennium: Butler's Lives of the Saints: Supplementary Volume. Bloomsbury Publishing. p. 78. ISBN 9781441130778.
↑ Чорновол, Ігор Павлович (2010). 199 депутатів Галицького сейму. Lviv: Тріада плюс. p. 143.
↑ Os outros mártires da Igrexa Católica Ucraína beatificados canda el foron: os bispos Hryhorii Khomyshyn, Symeon Lukach, Vasyl Velychkovskyi, Ivan Sleziuk, Nykyta Budka e Hryhorii Lakota; os presbíteros Mykola Konrad, Andrii Ishchak, Roman Lysko, Mykola Tsehelskyi, Petro Verhun e Oleksii Zarytskyi; os relixiosos Yakym Senkivskyi, Severiian Baranyk, Zenon Kovalyk, Vitalii Bairak e Ivan Ziatyk; as relixiosas Tarsykiia Matskiv, Olimpiia Bida e Lavrentiia Harasymiv; e o laico Volodymyr Pryima. Tamén foron beatificados os bispos grecocatólicos rusos Leonid Fedorov e Klymentii Sheptytskyi; e o bispo ruteno Teodor Romzha.

Véxase tamén

Bibliografía

Коциловський, Йосафат (2004). Пилипович, Володимир, ed. Блаженний Йосафат Коциловський – перемиський єпископ. Зібрані послання та інші праці (en ucraíno). Przemyśl.
Назарко, Іриней-Іван Іванович (1954). Йосафат Коциловський, ЧСВВ, єпископ Перемиський 1916-1946 (en ucraíno). Toronto.

Ligazóns externas

Perfil en Catholic-Hierarchy.org (en inglés)

Dignidades da Igrexa católica
Predecesor: Kostiantyn Chekhovych	Bispo de Przemyśl, Sambor e Sanok 1917 - 1947	Sucesor: Vasyl Hrynyk (vigairo xeral)

[Butler-1] 1,0 ^1,1 Burns, Paul, ed. (2005). Butler's Saints of the Third Millennium: Butler's Lives of the Saints: Supplementary Volume. Bloomsbury Publishing. p. 78. ISBN 9781441130778.

[2] Чорновол, Ігор Павлович (2010). 199 депутатів Галицького сейму. Lviv: Тріада плюс. p. 143.

[3] Os outros mártires da Igrexa Católica Ucraína beatificados canda el foron: os bispos Hryhorii Khomyshyn, Symeon Lukach, Vasyl Velychkovskyi, Ivan Sleziuk, Nykyta Budka e Hryhorii Lakota; os presbíteros Mykola Konrad, Andrii Ishchak, Roman Lysko, Mykola Tsehelskyi, Petro Verhun e Oleksii Zarytskyi; os relixiosos Yakym Senkivskyi, Severiian Baranyk, Zenon Kovalyk, Vitalii Bairak e Ivan Ziatyk; as relixiosas Tarsykiia Matskiv, Olimpiia Bida e Lavrentiia Harasymiv; e o laico Volodymyr Pryima. Tamén foron beatificados os bispos grecocatólicos rusos Leonid Fedorov e Klymentii Sheptytskyi; e o bispo ruteno Teodor Romzha.

[1]

[2]

[3]