Ivan Khoma
| Іван Хома (Ivan Khoma) | |
|---|---|
| Bispo da Igrexa Católica Bizantina Ucraína | |
| Biografía | |
| Nacemento | 27 de novembro de 1923 en Khyriv |
| Pasamento | 3 de febreiro de 2006 en Roma |
| Ordes | |
| Ordenación sacerdotal | 29 de xuño de 1949, por Ivan Buchko |
| Consagración episcopal | 2 de abril de 1977, por Yosyf Slipyi |
| Bispo de Przemyśl, Sambor e Sanok Reitor da Universidade Católica Ucraína | |
| 1977 - 1991 | |
| Predecesor | Yosafat Kotsylovskyi |
| Sucesor | Jan Martyniak |
| Outros | |
| Ficha en catholic-hierarchy.org | |
Ivan Khoma[1] (en ucraíno: Іван Хома), nado en Khyriv (rexión de Lviv, Ucraína) o 27 de novembro de 1923[2][3] e finado en Roma o 3 de febreiro de 2006, foi un eclesiástico católico ucraíno, bispo de Przemyśl, Sambor e Sanok entre 1977 e 1991, e reitor da Universidade Católica Ucraína entre 1985 e 2001.
Traxectoria[editar | editar a fonte]
Durante a guerra marchou a Italia, estudando a partir de 1946 no Pontificio Colexio de San Xosafat, e posteriormente doutorouse en Teoloxía pola Pontificia Universidade Urbaniana.[3]
O 29 de xuño de 1949 foi ordenado sacerdote da eparquía de Przemyśl[2] por Ivan Buchko, de quen pasou a ser secretario.[3]
Foi tamén secretario de Yosyf Slipyi,[3] e o 2 de abril de 1977,[2] en Roma, foi ordenado bispo de Przemyśl, Sambor e Sanok, polo arcebispo maior de Lviv Yosyf Slipyi; a consagración fíxose sen aprobación papal, e aínda que Slipyi non a precisaba, causou malestar na Curia.
Renunciou á sé o 16 de xuño de 1991, e o 22 de febreiro de 1996 foi nomeado bispo titular de Patara por Xoán Paulo II e Procurador en Roma do Arcebispo Maior de Lviv.[2] Entre 1965 e 1999 ensinou Historia da Igrexa na Universidade Católica Ucraína, da que foi reitor entre 1985 e 2001.
Finou en Roma, o 3 de febreiro de 2006.[4]
Obra[editar | editar a fonte]
- Нарис історії Вселенської Церкви. 1990.
- Josyf Slipyj. La Casa di Matriona.
Notas[editar | editar a fonte]
- ↑ Tamén citado como Ivan Choma e Iwan Choma.
- ↑ 2,0 2,1 2,2 2,3 Secretaría de Estado (2000). Libreria Editrice Vaticana, ed. Annuario Pontificio (en italiano). Cidade do Vaticano. p. 1011. ISBN 978-88-209-6200-5.
- ↑ 3,0 3,1 3,2 3,3 Книга пам'яті. 1944-2004: До 60-річчя польсько-українських кривавих подій на Закерзонні (en ucraíno). Сполом. 2004. p. 116. ISBN 9666652315.
- ↑ Congregación para as Igrexas Orientais, ed. (2006). "Servizio Informazioni Chiese Orientali". Cidade do Vaticano: 211.
Véxase tamén[editar | editar a fonte]
Ligazóns externas[editar | editar a fonte]
- (en ucraíno) Bryndak, Ihor (agosto de 2012). Самбірсько-Дрогобицька єпархія (Sambirsko-Drohobytska yeparkhiia), ed. "Владика Іван Хома (Vladyka Ivan Khoma)". Єпархіальна газета "Жива вода" (Yeparkhialna hazeta "Zhyva voda") (8 (210)).
| Dignidades da Igrexa católica | ||
|---|---|---|
| Predecesor: Yosafat Kotsylovskyi (bispo, 1917 - 1947) Vasyl Hrynyk (vigairo xeral, 1947 - 1977) |
Bispo de Przemyśl, Sambor e Sanok 1977 - 1991 |
Sucesor: Jan Martyniak |
