Jan Martyniak

Na Galipedia, a Wikipedia en galego.
Saltar ata a navegación Saltar á procura
Jan Martyniak
Martyniak.JPG
Arcebispo da Igrexa Católica Bizantina Ucraína
Biografía
Nacemento20 de xuño de 1939 en Spas
Ordes
Ordenación sacerdotal29 de xuño de 1964, por Bolesław Kominek
Consagración episcopal16 de setembro de 1989, por Myroslav Ivan Liubachivskyi
Metropolita de Przemyśl-Varsovia
1996 - 2015
PredecesorIvan Khoma (como bispo de Przemyśl, Sambor e Sanok)
SucesorEugeniusz Popowicz
Outros
Coat of arms of Jan Martyniak.svg
Escudo de Jan Martyniak
Ficha en catholic-hierarchy.org

Jan Martyniak, nado en Spas (rexión de Lviv, Ucraína) o 20 de xuño de 1939,[1] é un eclesiástico grecocatólico polaco, arcebispo de Przemyśl-Varsovia entre 1996 e 2015.

Traxectoria[editar | editar a fonte]

O 29 de xuño de 1964 foi ordenado sacerdote por Bolesław Kominek, logo de graduarse no Seminario Teolóxico de Varsovia.[1]

En 1981 Józef Glemp creou dúas vigairías para a atención pastoral dos grecocatólicos en Polonia, xa que as autoridades non permitían que tiveran circunscricións diocesanas propias. O relixioso basiliano Yosafat Romanyk foi nomeado vigairo do norte, e Jan Martyniak foi nomeado vigairo do sur do país.[1][2]

O 20 de xullo de 1989 foi nomeado bispo auxiliar de Przemyśl, Sambor e Sanok, e bispo titular de Vardimissa.[1][2] Recibiu a consagración episcopal o 16 de setembro do mesmo ano, de mans do arcebispo maior de Lviv Myroslav Ivan Liubachivskyi.

O 16 de xaneiro de 1991 foi nomeado bispo de Przemyśl,[1][2] dándose unha situación estremadamente rara ao ser aínda titular da sé Ivan Khoma, quen no exilio fora consagrado bispo de Przemyśl, Sambor e Sanok por Yosyf Slipyi en 1977, e quen residía en Roma. A situación solucionouse coa renuncia de Khoma o 16 de xuño do mesmo ano.

O 24 de maio de 1996, coa elevación e reorganización da sé, foi nomeado arcebispo metropolita de Przemyśl-Varsovia. Retirouse do cargo o 7 de novembro de 2015.

Notas[editar | editar a fonte]

  1. 1,0 1,1 1,2 1,3 1,4 Kubiiovych, Volodymyr; Huzar-Struk, Danylo, eds. (1993). Encyclopedia of Ukraine (en inglés) 3. University of Toronto Press. p. 325. ISBN 9780802033628. 
  2. 2,0 2,1 2,2 Stępień, Stanisław (2008). "Historical and Contemporary Overviews: Poland". En Mahieu, Stéphanie; Naumescu, Vlad. Churches In-between: Greek-Catholic Churches in Postsocialist Europe (en inglés). LIT Verlag Münster. pp. 88–90. ISBN 9783825899103. 


Dignidades da Igrexa católica
Predecesor:
Ivan Khoma
 Bispo de Przemyśl 
1991 - 1996
Sucesor:
(elevación da sé)
Predecesor:
(elevación da sé)
 Metropolita de Przemyśl-Varsovia 
1996 - 2015
Sucesor:
Eugeniusz Popowicz