Prokip Khmelovskyi

Na Galipedia, a Wikipedia en galego.
Saltar ata a navegación Saltar á busca
Прокіп Хмельовський
(Prokip Khmelovskyi)
Bispo da Igrexa católica bizantina ucraína
Biografía
Nacemento c. 1600
Pasamento 22 de febreiro de 1664 en Derman
Ordes
Consagración episcopal 2 de marzo de 1651, por Antin Seliava
Bispo de Przemyśl, Sambor e Sanok
1652 - 1664
Predecesor Atanasii Krupetskyi
Sucesor Antin Terletskyi
Outros
Ficha en catholic-hierarchy.org

Prokip Khmelovskyi (en ucraíno: Прокіп Хмельовський; en polaco: Prokop Chmielowski), nado en 1600 ou 1603 en Mazovia e finado o 22 de febreiro de 1664 en Derman (hoxe no distrito de Zdolbuniv, Ucraína), foi un relixioso grecocatólico ucraíno, bispo de Przemyśl, Sambor e Sanok dende 1652 até o seu pasamento.

Traxectoria[editar | editar a fonte]

Prokip Khmelovskyi naceu en Mazovia nunha familia católica. En 1620 comezou os seus estudos no colexio xesuíta de Braunsberg, e entre 1627 e 1631 estudou no colexio xesuíta de Praga. Logo de ser ordenado sacerdote predicou en Minsk e en Žyrovicy. Posteriormente foi reitor do colexio de Volodymyr até 1639.

O 24 de agosto de 1639 Kasiian Sakovych renunciou ao cargo de arquimandrita do mosteiro da Exaltación da Santa Cruz de Dubno, e Khmelovskyi pasou a ser o abade do mosteiro.

Foi nomeado bispo coadxutor de Przemyśl, Sambor e Sanok xunto a Atanasii Krupetskyi en 1651, e o 2 de marzo do mesmo ano foi consagrado bispo en Polack polo metropolita Antin Seliava. No mesmo ano foi tamén nomeado administrador de Lutsk-Ostroh, e logo do pasamento de Krupetskyi sucedeuno como bispo diocesano. Finou o 22 de febreiro de 1664.