El primer loco

El primer loco
Instancia de obra literaria  Título El primer loco (es)  Subtítulo Cuento extraño (es)
Características  Forma artística novela  Lingua lingua castelá
Implicados  Autor/a Rosalía de Castro
Datas  Data de publicación 1881
Historia  Precedido por Follas novas
Localización  País de orixe España
Códigos e identificadores OCLC 1072379847
Wikidata

El primer loco: cuento extraño é unha novela en lingua castelá da escritora galega Rosalía de Castro, asinada en Lestrove^[sic] (Padrón) en febreiro de 1881, publicada orixinalmente pola Imprenta y Librería de Moya y Plaza de Madrid ese mesmo ano. O libro foi reeditado en facsímile en 2019 por Alvarellos Editora, con estudo introdutorio de María do Cebreiro e Germán Labrador.

Descrición

Dividida en catro capítulos, está ambientada no mosteiro (hoxe hospital psiquiátrico) e na carballeira de Conxo, que anos antes acollera o famoso Banquete de Conxo.

A obra é un diálogo, case un monólogo, entre Luís, o protagonista, e o seu amigo Pedro. Luís conta as súas desgrazas amorosas coa fermosa Berenice. Como a coñece cando a familia dela se muda fronte por fronte da casa do protagonista, como a segue cando marcha ao mosteiro de Conxo a descansar no verán. Os seus encontros no bosque contiguo ao mosteiro, as cartas cheas de paixón e, por fin, o desengano.

Pedro actúa como contrapunto ao amor tolo de Luís. Cuestiona se Berenice non tería tanta fachenda como fermosura, se as súas cartas non serían máis que pobres copias das poéticas e sinceras cartas de Luís. En definitiva, se o amor que Luís considera puro, verdadeiro e apaixonado non será máis que a proxección que el mesmo fixo dos seus sentimentos nunha muller fermosa pero, en definitiva, descoñecida.

Edicións

• 1881. Imprenta y Librería de Moya y Plaza, Madrid. Inclúe El domingo de Ramos.
• 1980. Editorial Fontamara. Barcelona. 128 páxinas. ISBN 84-7367-123-6.
• 1991. Patronato Rosalía de Castro. 116 páxinas. ISBN 84-87668-04-6. Edición de Angel Abuín González.
• 2008. Editorial Eneida. Madrid. 132 páxinas. ISBN 978-84-95427-21-2.
• 2009. Editorial Eneida. Madrid. Libro electrónico. ISBN 978-84-92491-44-5.
• 2016. CreateSpace (Amazon). ISBN 978-1535097468. Edición de Héctor Martínez Sanz.
• 2019. Alvarellos. Facsímile, 280 páxinas. ISBN 978-84-16460-58-8. Con estudo de María do Cebreiro e G. Labrador e fotografías de D. Estévez.

Así mesmo, foi incluído na Obra completa (1992) de Ediciones Akal e nas Obras completas (1993) de Turner.

Véxase tamén

Bibliografía

• AAVV (1986). Actas do congreso internacional de estudios sobre Rosalía de Castro e o seu tempo, v. 1. CCG. USC:
• Carballo Calero, R. (1979). "As novelas de Rosalía". Estudos rosalianos. Aspectos da vida e da obra de Rosalía de Castro. Ensaios. Galaxia. pp. 195–200. 
• Otero Pedrayo (1969). "El planteamiento decisivo de la novela romántica de Rosalía de Castro". Cuadernos de Estudios Gallegos (en castelán) (IEGPS) (24): 290–314. 

Outros artigos

• Banquete de Conxo
• Literatura do Romanticismo