Saltar ao contido

Biblioteca de Galicia

Na Galipedia, a Wikipedia en galego.
Biblioteca de Galicia
Tipobiblioteca e biblioteca central Editar o valor en Wikidata
Parte deRede de Bibliotecas Públicas de Galicia Editar o valor en Wikidata
SedeSantiago de Compostela Editar o valor en Wikidata
Localización
Mapa
 42°52′10″N 8°31′32″O / 42.869401, -8.525679
EstadoEspaña
Comunidade autónomaGalicia
Provinciaprovincia da Coruña
ConcelloSantiago de Compostela Editar o valor en Wikidata
Código postal15707 Editar o valor en Wikidata
EnderezoCidade da Cultura, Avenida Manual Fraga Iribarne, s/n, 15707 Santiago de Compostela e Monte Gaiás, s/n, Ciudad de la Cultura Editar o valor en Wikidata
Datas
Fundación2011 Editar o valor en Wikidata
Contacto
Páxina WEBbibliotecadegalicia.xunta.gal Editar o valor en Wikidata
Teléfono+34-981-81-85-01 Editar o valor en Wikidata
Correomailto:bibliotecadegalicia@xunta.gal Editar o valor en Wikidata
RedesBNE: XX3630332
[ Wikidata ]
Vista do edificio da Biblioteca de Galicia.

A Biblioteca de Galicia é a biblioteca cabeceira do sistema bibliotecario galego, dependente da Xunta de Galicia. Inaugurouse o 11 de xaneiro de 2011[1]. e ten a súa sede na Cidade da Cultura de Galicia de de Santiago de Compostela, nun edificio deseñado polo arquitecto estadounidense Peter Eisenman.

Características

[editar | editar a fonte]
Interior.

Representa o sistema bibliotecario galego ante todos os organismos, foros e plataformas internacionais do eido bibliotecario. A Biblioteca arrincou con máis de 250 000 volumes, sen contar prensa, e un equipo de trinta persoas.[2] En 2013 os seus fondos contaban con 800 000 volumes aproximadamente.[3] Conta con 15.702 m² útiles, distribuídos en seis alturas. A biblioteca, cuxa misión é a de reunir, conservar e difundir o patrimonio bibliográfico de Galicia e toda a produción impresa, sonora, audiovisual ou informática vencellada co mesmo, garda na súa colección dende volumes do século XVI, manuscritos ou primeiras edicións dos autores do Rexurdimento ata carteis de festas, reflexo da historia do país. Asemade, promociona e difunde a cultura galega, facilitando o acceso ao patrimonio bibliográfico galego, xa sexa de xeito presencial ou virtual, e será unha peza clave para as actividades culturais relacionadas co libro, a lectura e as bibliotecas. Neste marco, destinará recursos especiais á promoción da literatura infantil e xuvenil en lingua galega, potenciando o seu valor e a diversidade cultural.

Tanto os cidadáns en xeral como o público profesional poden acceder á información relevante para usos culturais e educativos.

Interior.

O edificio tamén custodia os fondos do Consello da Cultura Galega: Arquivo da Emigración Galega.[4] Arquivo Sonoro de Galicia[5] e o Centro de Documentación Sociolingüística.[6]

Fondos e coleccións

[editar | editar a fonte]

Na Biblioteca de Galicia custódianse as bibliotecas persoais de Xesús Alonso Montero, Celso Collazo Lema, Isaac Díaz Pardo, Basilio Losada, Luis Losada Espinosa, Rodolfo Núñez de las Cuevas e Agustín Sixto Seco.[7]

A colección da hemeroteca histórica iníciase co primeiro xornal publicado en Galicia, El Catón Compostelano. Esta hemeroteca inclúe tanto cabeceiras publicadas en Galicia como na emigración (Caras y Caretas, El Eco de Galicia...).

A cartoteca inclúe os fondos que ingresan por depósito legal desde o ano 2008, amais da colección de mapas de Carlos Díaz e Alicia Castro. Esta colección inclúe a maioría dos mapas antigos impresos dende o século XVI (190 mapas) con exemplares como os de Ojea ou a Carta Xeométrica de Galicia de Domingo Fontán. Tamén no 2008 o xeógrafo Nuñez de las Cuevas doou a súa colección bibliográfica que inclúe 387 mapas. Entre eles atópanse mapas realizados na segunda guerra mundial como os realizados polo exército alemán cando non estaba completo o Mapa Topográfico Nacional. Destaca asemade o mapa usado polo Estado Maior do Xeneral Dwight D. Eisenhower, en 1945, indicando as distintas zonas de acción e ocupación de Alemaña polos diferentes países da coalición.[8]

Na biblioteca gárdanse tamén fondos gráficos, sonoros e audiovisuais.

Notas

[editar | editar a fonte]
  1. ↑ "A Xunta confirma o día 11 de xaneiro de 2011 como data oficial da inauguración da Biblioteca e do Arquivo da Cidade da Cultura". www.xunta.gal. 7 de decembro de 2010. 
  2. ↑ Desde manuscritos de Rosalía a papeles con sabor a chocolate 26/12/2010 (en castelán).
  3. ↑ Xunta de Galicia (9 de marzo de 2013). "A Biblioteca de Galicia ten a disposición da cidadanía preto de 800.000 volumes". Arquivado dende o orixinal o 26 de agosto de 2013. 
  4. ↑ Arquivo da Emigración Galega (CCG)
  5. ↑ Arquivo Sonoro de Galicia (CCG)
  6. ↑ Centro de Documentación Sociolingüística de Galicia (CCG)
  7. ↑ Bibliotecas de Autor- Biblioteca de Galicia, 26/08/2013.
  8. ↑ Líter Mayayo, Carmen. "Directorio de cartotecas y colecciones cartográficas" (PDF). BNE. p. 85. 

Véxase tamén

[editar | editar a fonte]

Outros artigos

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Biblioteca_de_Galicia&oldid=6997690»