División de Honra B de Rugby 1999-2000

A tempada 1999-2000 da División de Honra B foi a segunda edición da nova segunda división do rugby en España, creada o ano anterior pola Federación Española de Rugby co nome de "Campionato de Liga Nacional Primeira Especial".

Formato de competición

Nesta edición o número de participantes pasou de oito a dez, e o formato foi máis sinxelo, contanto cunha única fase de liga regular, trala cal os dous primeiros equipos da táboa acadaron o ascenso directo á División de Honra, e os dous últimos o descenso directo a Primeira Nacional.

Os dez equipos participantes foron o Cisneros, CAU Valencia, CRAT e L'Hospitalet participantes na edición anterior; o CDU Sevilla, Valencia e Montjuic descendidos da División de Honra; o CAR ascendido da Primeira Nacional; o MARU que foi o resultado da fusión de La Moraleja (presente na anterior edición) e Alcobendas (acabado de ascender da Primeira Nacional); e o Bera Bera que descendera o ano anterior, pero que foi repescado ó quedar unha praza libre trala fusión do Alcobendas con La Moraleja.

A liga contou con 18 xornadas divididas en dúas voltas nas que cada equipo xogou dúas veces contra cada rival, unha vez como local e outra como visitante, sumando dous puntos por vitoria e un por empate.

Clasificación

Posto	Equipo	Puntos	PX	PG	PE	PP	PF	PC
1º.	M.A.R.U.	32	18	16	0	2	707	255
2º.	C.D.U. Sevilla	32	18	16	0	2	602	294
3º.	C.R. Cisneros	24	18	12	0	6	458	382
4º.	R.C. Valencia	24	18	12	0	6	562	378
5º.	C.A.R.	18	18	9	0	9	373	449
6º.	C.A.U. Valencia	14	18	7	0	11	243	383
7º.	C.R.A.T.	11	18	5	1	12	312	491
8º.	C.N. Montjuic	10	18	5	0	13	371	497
9º.	R.C. L'Hospitalet	8	18	4	0	14	262	536
10º.	Bera Bera R.T.	7	18	3	1	14	287	512