Conversa usuario:Lameiro/arquivo 10

Votacións de propostas de políticas - xaneiro 2016

Ola! Na taberna hai unha nova mensaxe de actualización sobre as próximas votacións de políticas programadas. O calendario completo pódese consultar aquí, e podes unirte á lista de mensaxes Usuario:MediaWiki message delivery/Propostas de Políticas para recibir unha mensaxe na túa páxina de conversa cada vez que comece unha nova votación.

A intención desta mensaxe e das consecuentes por medio desa lista é que a maior cantidade de editores posibles estean ao tanto do plan, e poidan colaborar na redacción final con correccións de erros ortográficos, mellora de redaccións ou no caso de non estar de acordo con algo debatilo antes e tentar acadar un consenso previo antes das propias votacións.

Saúdos! ☣Banjo ^{tell me} 11 de xaneiro de 2016 ás 08:01 (UTC)

Comentarios a colaboración con Fundación Cela

Boas, fai unhas semanas deixei un comentario na taberna sobre a posibilidade de colaborar coa Fundación Cela. Xa respondeu Estevoaei pero sería interesante que máis xente comentara o que lle parece esta iniciativa para poder contactar cos da Fundación para levar o proxecto adiante ou non. Saúdos, MediaWiki message delivery (conversa) 20 de xaneiro de 2016 ás 12:03 (UTC)

Votacións de propostas de políticas - febreiro 2016

Ola! Na taberna hai unha nova mensaxe de actualización sobre as próximas votacións de políticas programadas. O calendario completo pódese consultar aquí, e podes unirte á lista de mensaxes Usuario:MediaWiki message delivery/Propostas de Políticas para recibir unha mensaxe na túa páxina de conversa cada vez que comece unha nova votación.

A intención desta mensaxe e das consecuentes por medio desa lista é que a maior cantidade de editores posibles estean ao tanto do plan, e poidan colaborar na redacción final con correccións de erros ortográficos, mellora de redaccións ou no caso de non estar de acordo con algo debatilo antes e tentar acadar un consenso previo antes das propias votacións.

Saúdos! ☣Banjo ^{tell me} 1 de febreiro de 2016 ás 08:34 (UTC)

Porco celta

Boas Lameiro! Véñoche pedir un favor. Quero traducir o artigo de porco celta a outras linguas, pero a túa imaxe (que usamos no noso artigo) non está en Commons e non funciona nas outras wikis. Poderías subir o ficheiro a Commons para que se poida utilizar nas outras linguas? Moitas grazas por adiantado e un saúdo. --Chairego apc (conversa) 6 de febreiro de 2016 ás 12:52 (UTC)

Moitas grazas!! Cambieille a categoría en Commons por "Category:Pig breeds" xa que "pork" en inglés fai referencia á carne e non ao animal en si. Póñome agora coas traducións. Un saúdo e grazas de novo. --Chairego apc (conversa) 12 de febreiro de 2016 ás 23:23 (UTC)

Dous temas: Domingo Blanco Pérez e imaxes de animais

Ola señor, como vai a cousa? Dous temas:

Blanco:

Comecei o outro día o artigo de Domingo Blanco Pérez, e dáme o narís que ti tes algo del. Podes botarlle un ollo?

Incluír ou non, imaxes de animais tomadas nuns lugares nos artigos doutros lugares:

(antecedentes: Wikipedia:A Taberna (propostas)/Arquivo 14#Imaxes de animais en páxinas de lugares   e tamén   Conversa:Fragas do Eume#Imaxes)

como entendido en bichería que es, gustaríame coñecer a túa opinión neste asunto: Wikipedia:A Taberna (propostas)#Imaxes de animais e plantas en artigos de lugares

Graciñas, un saúdo. --. HombreDHojalata.^conversa 11 de febreiro de 2016 ás 19:08 (UTC)

Pseudónimos

Chamo ao debate sobre un tema de pseudónimos que me gustaría que me axudásedes. Gustaríame que me axudase a recadar a maior base posible para o debate. Moitas grazas! --Xabier Cid Talk 2 me, please 2 de marzo de 2016 ás 08:32 (UTC)

Tarsius dentatus

Ola Pedro. Moitas grazas por avisarme do meu despiste. O sinónimo era, naturalmente, Tarsius dianae. --Xoio^{Éche o que hai} 6 de marzo de 2016 ás 15:56 (UTC)

Nectarine

Ola, Lameiro. Saberíasme dicir como lle chamamos e este tipo de pexego en galego? Moitas grazas e saúdos. --Atobar ^{(conversa comigo)} 15 de marzo de 2016 ás 18:27 (UTC)

• Moitas grazas. --Atobar ^{(conversa comigo)} 15 de marzo de 2016 ás 18:45 (UTC)

Taboleiro dos administradores

Boas a todos, deixei unha mensaxe no Taboleiro dos administradores para coñecer a vosa opinión sobre o criterio a seguir no caso dos artigos con copyvio. Un saúdo! --MediaWiki message delivery (conversa) 21 de marzo de 2016 ás 11:48 (UTC)

Miticultura

Boas noites.

En relación ao artigo miticultura, atopei este libro, on-line, que igual é do teu interese: Labarta, Uxío, coordinador (2004): Bateeiros, mar, mejillón. Una perspectiva bioeconómica Fundación Caixa Galicia. ISBN 84-95491-69-9.

Un saúdo e a seguir. --. HombreDHojalata.^conversa 4 de abril de 2016 ás 22:37 (UTC)

Nova escolla de artigos bos

Boas, xa se aprobou o proceso de escolla de artigos bos polo que xa se pode comezar a propor e votar esta nova categoría. Anímate a propor artigos, e revisa e vota as novas propostas! Saúdos,--MediaWiki message delivery (conversa) 7 de abril de 2016 ás 02:38 (UTC)

Sen votacións para artigos destacados na portada para 2018

Boas, hai unha proposta na taberna para eliminar no futuro a escolla de artigos destacados para a portada e substituílos polos artigos de calidade e os bos que vaian sendo escollidos, podes consultala aquí. Saúdos, --MediaWiki message delivery (conversa) 9 de abril de 2016 ás 17:19 (UTC)

Wikipedia:Votacións/Redeseño da Portada

Ola! Xa comezou a votación para decidir se cambiamos o deseño da portada da Galipedia, en base a este debate previo. A votación rematará o 15 de maio de 2016. Hai varias propostas e varios apartados nos que votar, as instrucións para a votación atópanse ó comezo da propia proposta. Se cumpres os requisitos para votar podes seguir as instrucións alí indicadas para emitir o teu voto, e se non os cumpres tamén estás invitado a pasarte pola votación e deixar a túa opinión nos comentarios. Saúdos! ☣Banjo ^{tell me} 15 de abril de 2016 ás 07:14 (UTC)

Aviso votación para administrador

Hai unha aberta unha votación para decidir se outorgalle a Chairego apc as funcións de administrador.--MediaWiki message delivery (conversa) 5 de maio de 2016 ás 15:40 (UTC)

Tetradotoxina

Ola Lameiro, vin a túa corrección no nome desa toxina na páxina Vibrionáceas. O certo é que eu non o tiña nada claro cando o puxen porque circulan varias ortografías para ela. Entón, ti estás certo de que é tetradotoxina? Por exemplo, na wikipedia inglesa titulan tetrodotoxina, pero admiten as redireccións tetradotoxina (que coincide coa solución túa), pero tamén a redirección tetraodotoxina (que coincide coa solución miña). Supoño que o nome virá do nome científico do peixe globo, que é Tetraodon, familia Tetraodontidae, orde Tetraodontiformes. Significa "catro dentes" (tetra-odon). Ese nome científico foi o que me inclinou a min a poñer tetraodotoxina. Porén, examinando as referencias da páxina inglesa tetrodotoxin, observo que en case todos os títulos dos artigos científicos das referencias o que vén é tetrodotoxin (nin a solución túa nin a miña, pero parece que é o que usan na literatura científica).--Miguelferig (conversa) 15 de maio de 2016 ás 15:57 (UTC)

Referencia para uva de oso

Ola, Pedro. A ver se nun deses manuais que ti manexas dás atopado unha referencia para o nome uva de oso en galego. Moitas grazas. --Atobar ^{(conversa comigo)} 22 de maio de 2016 ás 10:03 (UTC)

Moitas grazas. Daquela non o tocarei. Queda polo momento no limbo das denominacións. Saúde! --Atobar ^{(conversa comigo)} 23 de maio de 2016 ás 14:55 (UTC)

Proposta para limitar o tempo dos dereitos de administración

Boas, na taberna hai unha proposta para limitar o tempo dos dereitos de administración. Se tes un momento libre agradeceríamos a túa participación na conversa. Saúdos, --MediaWiki message delivery (conversa) 25 de maio de 2016 ás 23:07 (UTC)

Nota: Esta é unha mensaxe enviada coa utilidade de mensaxes en masa da Galipedia, se non queres seguir recibindo estas mensaxes podes quitar o teu usuario desta lista.

Murcia

Boas noites.

Abrín un fío en Conversa:Xavier Prado Rodríguez#Murcia no que igual queres achegar algunha cousa.

En calquera caso, un afectuoso saúdo. --. HombreDHojalata.^conversa 11 de xuño de 2016 ás 21:34 (UTC)

Apocalipse

Boas Pedro, non sei se vistes a resposta que deixei en Conversa:O Apocalipse. Un saúdo!--AMPERIO (conversa) 15 de xuño de 2016 ás 10:55 (UTC)

Parabéns

Xubilación ven de xúbilo,^[1] así que ... parabéns! --. HombreDHojalata.^conversa 22 de xuño de 2016 ás 21:33 (UTC)

Festa rachada! :) Saúdos, --Elisardojm (conversa) 22 de xuño de 2016 ás 22:48 (UTC)

O Muíño

Ola, Pedro! Como vai? No artigo O Muíño, Gargantáns, Moraña puxeches que "en 2015 tiña 15 habitantes (95 homes e 92 mulleres)". Podes botarlle un ollo? Unha aperta!! --Estevo(aei)^{pa o que queiras...} 27 de xuño de 2016 ás 18:45 (UTC)

Ciencia

Ola Pedro. Moitas grazas polas túas observacións e correcións (que agora irei mirar). Ambos os dous somos de ciencias (e afeizoados ás letras) e queremos, xa que logo, que o artigo quede o máis "chulo" posíbel. Algunhas incoherencias (como as dos dous Bacon) pode que se deban a que hai seccións que remiten a artigos principais (neste caso, Historia da ciencia). Outras, sen dúbida, á miña incompetencia (como a de tracucir suceso como éxito). Revisarei con calma todo o artigo, e todas as incidencias que me sinalas (incluída o do guión ou non guión de bricbarca, que non o sei, pero a recomendación da Academia é a de non usar demasiado os guións nestes casos). Non sei o tempo que tardarei, porque é moito o que hai que revisar, pero empezo xa hoxe. Un cordial saúdo, e moitas grazas polos teus parabéns. Luís. --Xoio^{Éche o que hai} 29 de xuño de 2016 ás 16:57 (UTC)

similar

Ola. Tes razón, similaridade non vén no dicionario. Non me dera conta. Era unha tradución do inglés similarity (e de palabras similares que as hai en varios idiomas) e aparecía principalmente na expresión similaridade de secuencia (do ADN). Cambieina por semellanza na maioría das páxinas que fixen eu. Creo que deben quedar xa poucas (pero das que non fixen eu quedan moitas). Se ves algunha máis pois cámbiaa por semellanza ou similitude, se queres, que quedará mellor. Grazas. --Miguelferig (conversa) 1 de xullo de 2016 ás 23:28 (UTC)

temperán

Ola, Lameiro. Corrixín o de ribosoma. Estráñame que cometera ese erro porque esa palabra sae en moitas páxinas das que fixen eu e sempre poño temperán (ver, por exemplo, endosoma), pero debeuseme de pasar nesa páxina (na que eu só escribín a metade máis ou menos, porque a páxina xa estaba empezada). Como concepto biolóxico é correcto, xa que hai endosomas temperáns e tardíos, xa que se van transformando, e os que aparecen primeiro son os temperáns. En calquera caso a cuestión ortográfica xa está corrixida. Grazas.--Miguelferig (conversa) 7 de xullo de 2016 ás 18:36 (UTC)

tetradotoxina outra vez

Grazas, Pedro pola información. Intentarei incluír esa información na páxina conforme a vaia facendo. Vouno incluír no apartado Regulación.--Miguelferig (conversa) 9 de xullo de 2016 ás 21:56 (UTC)

Galicia ou Galiza

Ola Lameiro, Grazas polas correccións. Sempre como dis, intento usar a mesma variante nun mesmo artigo, e sempre me decanto por formas como -bel,-beis, máis propias...no caso de Galicia/Galiza emprego as dúas formas, e como vou corrixindo artigos ás veces aparecen ambas as dúas (cousa a evitar). Non teño preferencia, quizais Galiza é máis exclusiva nosa, pero deixo que escollas ti como che sexs máis sinxelo polo número de aparicións. Un saúdo.Nachonion (conversa) 23 de xullo de 2016 ás 18:30 (UTC)

G. M. Edelman

Feito!. Xa o corrixín. Tiven que reformar o parágrafo por completo, engadín ligazóns, referencias (as únicas do artigo) e unha imaxe das partes do anticorpo. Tal como estaba redactado antes non se entendía e faltaban palabras. O de luz era unha tradución patateira da palabra inglesa light, que neste caso referíase á cadea lixeira (de baixo peso molecular) do anticorpo e non a luz.--Miguelferig (conversa) 25 de xullo de 2016 ás 22:35 (UTC)

Rorcual boreal

Ola Pedro. A frase que me sinalas é correcta (como se acredita polas citas). A especie foi descrita por primeira vez por Lesson. Pero o feito de que pouco despois a describira Rudolphi é a razón de por qué nas bibliografías inglesa e francesa tamén se denomine, ademais de polos nomes principias sei whale (inglés) e rorqual boréal (francés), polos sinónimos Rudolphi's whale (inglés) e rorqual de Rudolphi (francés). --Xoio^{Éche o que hai} 29 de xullo de 2016 ás 12:58 (UTC)

Dobras gulares

Tes razón, a frase non é moi afortunada (foi unha tradución rápida da wiki en castelán). O adxectivo gular, do latín gula 'garganta', 'gorxa', refírese, obviamente, ás dobras ou pregamentos que presentan os rorcuais na parte inferior da gorxa e que, ao despregárense coma un fol ao tragaren a auga para comer, fan que aumente considerabelmente a superficie ou área da gorxa, o que permite, como ti dis, que poidan tragar ou engolir maior volume de auga. Polo tanto, quizais mellor que "superficie de tragado" sexa "diámetro da gorxa", ou "diámetro da garganta" (de non querermos dicir "superficie"). --Xoio^{Éche o que hai} 29 de xullo de 2016 ás 13:17 (UTC)

Correccións en balenoptéridos

Moitas grazas, Pedro. Todas as túas correccións, no só as de *acurostrata, *Balenoptera e *albibranco (a Academia seguramente preferiría "de ás brancas", pero os cetólogos galegos din "alibranco"), senón as dos numerosos outros erros que cometín, xustísimas. --Xoio^{Éche o que hai} 29 de xullo de 2016 ás 13:47 (UTC)

Pinzón carmesí

A ver se dás deitado luz sobre isto, Pedro. Saúde. --Atobar ^{(conversa comigo)} 14 de agosto de 2016 ás 09:15 (UTC)

Re:Sempre en Galiza

Amañado. Faltáballe código [2]. Algúns dos modelos de caixas de información que temos precisan de máis código e outros de menos. Algún día unificaremos o formato de todos. --. HombreDHojalata.^conversa 15 de agosto de 2016 ás 10:40 (UTC)

Obras derivadas

Ola señor.

Cómpre ir por partes.

A liberdade de panorama non é de aplicación nestes casos. A liberdade de panorama, que é "legal" só nalgúns países (en España si, en Francia non, por exemplo) é de aplicación cando a foto está tirada na vía pública, non en interiores, a obras que poidan ser vistas permanentemente dende a rúa: A cousa sería algo así:

“

A reprodución deste traballo fotográfico está cuberta polo artigo 35.2 do Real Decreto Lexislativo 1/1996 do 1 de abril de 1996, e modificado pola Ley 5/1998 6 de marzo de 1998, que establece que: As obras situadas permanentemente en parques, rúas, prazas ou outras vías públicas poden ser reproducidas, distribuídas e comunicadas libremente por medio de pinturas, debuxos, fotografías e procedementos audiovisuais.

”

empregando o Commons:Template:FoP-Spain (máis información en Freedom of panorama, en varias linguas). Mais, como digo, este non é o caso.

Nesta foto (Ficheiro:Museo Pontevedra, 2 Expo Castelao 02-01c, Álbum Nós.jpg) o que si é de aplicación é "De minimis", porque a fotografía é da sala, non das obras de Castelao, e non se pode extraer un recorte da fotografía no que se distingan ben as obras de Castelao. Aquí hai que engadir o Commons:Template:De minimis (xa llo poño eu). Tes máis información diso en Commons:De minimis (en varias linguas). --. HombreDHojalata.^conversa 15 de agosto de 2016 ás 19:09 (UTC)

Púxenlle a este comentario o título de "obras derivadas" e non expliquei porqué. Cando ti tiras unha foto á obra doutro autor estás facendo unha obra derivada.^{en galego} Ti pos que es o autor (correcto) e licencias a túa foto con cc-by-sa-4.0 (está ben), pero estás ignorando os dereitos de autor do autor orixinal da obra que fotografastes. Se a obra orixinal ten copyright non podes subir a foto a Wikimedia Commons nin á Galipedia (a non ser que a foto estea tirada na rúa (en España por exemplo) como vimos antes, ou lle sea de aplicación "de minimis", ou sexa un texto moi simple ou simples figuras xeométricas, ou pasaran 70 anos da morte do autor, 80 en España, ou que sexa unha disposición legal…).

Se a obra orixinal non conserva copyright pode subirse, pero cómpre indicar a información na caixa de datos, editándoa: en "author" haberá que poñer: Original work: Rosalía de Castro: (1837-1885) <br />Derivative work (photo): Lameiro. E en license: Original work: {{PD-old-80}}<br />Derivative work (photo): {{cc-by-sa-4.0}}, por exemplo.

Por todo o anterior, penso que algunha das imaxes que subiches son de borrado (Castelao morreu hai 66 anos) e a outras cómpre completarlle a información da caixa.

E iso aínda tendo en conta que parte da súa obra está publicada na Arxentina (en España teñen que pasar 80 anos pero na Arxentina abonda con 70 anos). Nótese que a Commons:Category:Alfonso Daniel Rodríguez Castelao leva o Template:NoUploads.

En calquera caso, grazas por compartir as fotos coa comunidade. --. HombreDHojalata.^conversa 15 de agosto de 2016 ás 20:49 (UTC)

RE: *sube

Como non. Pola tarde-noite doulle co bot, en canto remate aviso para que lle deas unha revisada por se falta algún, o cacharro non sempre da co 100% dos casos. ☣Banjo ^{tell me} 18 de agosto de 2016 ás 11:12 (UTC)

Feito. Creo que quedaron un par de casos por aí soltos, pero o groso xa quedou. ☣Banjo ^{tell me} 18 de agosto de 2016 ás 21:37 (UTC)

Correcto, fallo meu. Faltaban os *Sube, con maiúscula. Quedan listos tamén. Aínda asi pode que falte algún por aí perdido, pero coido que desta si que xa quedou. ☣Banjo ^{tell me} 18 de agosto de 2016 ás 22:16 (UTC)

György Ligeti

Ola Lameiro! Xa traducín as obras de György Ligeti (os títulos non, pero o resto está), grazas polo aviso! Habería que engadir moitas máis que non están, mais non o vou facer, xa que non me gusta incluir as listas de obras nos artigos dos compositores, prefiro deixar a sección de "obra" para as características (que neste caso son ben interesantes) e etapas compositivas... hai casos como o recentemente elixido artigo de calidade de Rebecca Clarke nos que si pode proceder, porque teñan unha obra pouco extensa, descoñecida, moita música sen editar... pero no caso de Ligeti non é o caso. Algún día poreime a amplialo, mágoa non saber húngaro (se coñeces a algún usuario que teña coñecementos desa lingua sería un puntazo), pero tardarei (a non ser que apareza ese usuario hahaha). Un saúdo!! Piquito (conversa) 18 de agosto de 2016 ás 20:59 (UTC)

RE:traballo para un bot

Feito! Alo menos ata onde o bot da chegado. ☣Banjo ^{tell me} 21 de agosto de 2016 ás 20:57 (UTC)

RE:Renomear en Commons

Xa fixo o choio HombreDHojalata que estivo máis rápido ca min :). O que non entendo é porqué che dixo iso o tipo, eu penso que a solicitude estaba correctamente indicada..., tampouco sei a que ven a resposta que che deixou..., penso que non debeu entender o que querías facer porque non mo explico doutra forma.

O do *extender solicitei o seu cambio en Commons:Template talk:PD-old-text porque está protexida, hai que esperar a que o revise un administrador dalí, se nuns días non o amañan avisarei no taboleiro. Tamén pedín que amañen o *demáis. Saúdos, Elisardojm (conversa) 21 de agosto de 2016 ás 23:53 (UTC)

pH

Ola. Cambiei algunhas cousas no artigo pH do que me fixeras comentarios. Creo que agora está mellor, pero tampouco son un experto en química teórica. O de "simétrico do logaritmo" referíase a que é o logaritmo negativo, é dicir, o logaritmo do inverso (1 / x). É simétrico no sentido que se o outro é o logaritmo positivo este é o negativo, pero é mellor eliminar o de simétrico. Puxen "logaritmo negativo". As outras frases, tal como eu entendo, referíanse aos cálculos das concentracións de H⁺ cando o ácido é forte ou é feble coñecendo a concentración do ácido. Cando é forte nas solucións diluídas, en xeral a concentración molar da disolución do ácido coincide practicamente coa concentración de H⁺ (aínda que a outras concentracións habería que ter en conta tamén o equilibrio de autoionización). Ao contrario, en ácidos febles, que se disocian pouco, para calcular a concentración de H⁺ hai que ter en conta a constante de disociación do ácido. Fixen cambios para indicar iso. Por último, puxen a frase sobre as hortensias dentro da imaxe, xa que iso é unha curiosidade que non ten que estar no corpo do texto. En realidade ten que ver máis cunha páxina de xenética na que se fale da influencia do ambiente (neste caso do pH do ambiente) na determinación do fenotipo, xa que non todos os fenotipos están determinados polos xenes exclusivamente. Espero que quedara mellor así.--Miguelferig (conversa) 24 de agosto de 2016 ás 20:33 (UTC)

Reflexións sobre os artigos de calidade

Boas, na taberna hai unha proposta para comentar varios aspectos sobre a escolla dos artigos de calidade e que pode ser do seu interese. Saúdos, --MediaWiki message delivery (conversa) 31 de agosto de 2016 ás 00:29 (UTC)

Nota: Esta é unha mensaxe enviada coa utilidade de mensaxes en masa da Galipedia, se non quere seguir recibindo estas mensaxes pode quitar o seu usuario desta lista.

Parkinson / párkinson

Ola, Pedro. Gustaríame que consideraras estas dúas ortografías. Para min debe ser enfermidade de Parkinson (con maiúscula e sen acento) porque te estás referindo ao apelido do doutor que a descubriu, James Parkinson. Outra cousa é que se abrevie e se diga o párkinson ou párkinson, aí a doenza, como é moi coñecida e a palabra moi usada, xa acabou por converterse no nome da doenza e non nun nome propio de persoa, polo que debe escribirse con minúscula e con acento. É como Darwin, pero darwinismo, ou mesmo SIDA e sida. Tamén pasa o mesmo con enfermidade de Alzheimer e "o alzhéimer". Eu creo que deberían incluírse as redireccións enfermidade de Parkinson e doenza de Parkinson. No Dicionario Galego de Termos Médicos son incoherentes e nalgúns sitios din signo de Parkinson, e síndrome de Parkinson (sen acento), pero despois, noutros, facies de Párkinson e enfermidade de Párkinson. Nese dicionario na entrada da voz enfermidade dan o nome de ducias de enfermidades seguidas do apelido (enfermidade de...) e sempre respectan a ortografía orixinal do apelido e con maiúscula. A min paréceme que o lóxico é poñelo sen acento cando o mantés como un apelido e poñelo con acento e con minúscula cando o tratas como nome común. No CIE-10 (directorio de nomes oficiais de doenzas en castelán) tamén se di enfermedad de Parkinson (ver CIE10-G20, na parte dereita). Poñendo un exemplo similar, no Diccionario de la Real Academia Española (outra vez en castelán) aparece a voz párkinson, que se define como "enfemedad de Parkinson", que remite a "Trastorno neurológico, propio por lo general de personas de edad avanzada, caracterizado por lentitud de los movimientos voluntarios, debilidad y rigidez muscular y temblor rítmico de los miembros" (ver párkinson). No DRAG aparece tamén párkinson e poñen a definición "Enfermidade que se caracteriza por tremores e rixidez muscular" e o exemplo Padece párkinson, pero ese párkinson é a enfermidade de Parkinson (ou quero dicir, que se o escribes na forma "enfermidade de..." tes que poñer Parkinson). E Parkinsonismo debería ser parkinsonismo, igual que darwinismo.--Miguelferig (conversa) 31 de agosto de 2016 ás 17:16 (UTC)

Si, é mellor esperar. Grazas.--Miguelferig (conversa) 31 de agosto de 2016 ás 19:29 (UTC)

Ah!, moi ben. Era o lóxico. Grazas outra vez.--Miguelferig (conversa) 1 de setembro de 2016 ás 16:21 (UTC)

Chlorophytum comosum

Como se chama esta planta en galego, Pedro? Graciñas e un saúdo. --Atobar ^{(conversa comigo)} 13 de setembro de 2016 ás 17:27 (UTC)

Moitas grazas. Eu tamén busquei, pero en baluto. Saúde!

RE:Actuacións ante o pirateo

Perdoa polo atraso pero é que estes días non estiven na casa.

Non sei se a páxina está igual que cando me avisaches pero agora ten unha mención á Galipedia e unha ligazón ó artigo do Coro pétreo do Mestre Mateo. Intúo que o engadiron despois do teu comentario, non? Saúdos, Elisardojm (conversa) 14 de setembro de 2016 ás 22:31 (UTC)

Moita xente non sabe (noutros casos non quere) como tratar a información que atopa en Internet e fan dela un pandeiro, pero a maioría das veces simplemente con indicarlle o problema que hai chega para que se amañe. E con estas cousas a xente pouco a pouco tamén irá aprendendo a usar a Galipedia de forma axeitada. Saúdos, --Elisardojm (conversa) 14 de setembro de 2016 ás 23:03 (UTC)

RE:páxinas orfas

Ola! Procurei seguir o criterio de non borrar as que contiñan algún tipo de debate, decisión ou información que quizáis sexa útil conservar, aínda que seguro algunhas das que deixei poderían borrarse tamén sen maior problema imaxino.

• No caso de Conversa:Salamanquesa común probablemente o artigo xa mudou moito de contexto, e ten unha conversa nova, polo que non creo que haxa problema en deixalo así. Podería facerse unha fusión, pero probablemente sexa traballo innecesario.
• O caso de Conversa:Pleistoceno era de mover sen máis si, e non me percatei no momento, xa quedou listo agora.
• Para Conversa:Léxico de O Grove considerei que ó millor podería ser útil a conversa nun futuro por algún motivo, seguindo o criterio inicial, "porsiascaso", pero creo que pode borrarse sen máis tamén, sen maior problema. Déixoo ó teu criterio. ☣Banjo ^{tell me} 16 de setembro de 2016 ás 16:55 (UTC)

No propio sistema non, non hai unha ferramenta interna que permita obter o número ou títulos deste tipo de páxinas. Poden aparecer nunha procura normal se coinciden co criterio de busca, pero non hai unha páxina especial que as conteña todas (Esta, homónima, é para outra función distinta). O que si hai son ferramentas externas deseñadas para este tipo funcións ou procuras avanzadas. A que eu uso para ver estas páxinas "orfas" é esta. ☣Banjo ^{tell me} 16 de setembro de 2016 ás 18:38 (UTC)

Erros en referencias

Boas!, mira unha cousiña, cando teñas un momento libre, podes revisar os artigos A galiña na cultura popular galega e As aves na cultura popular galega que dan uns erros nas referencias? Saúdos, Elisardojm (conversa) 10 de outubro de 2016 ás 10:42 (UTC)

Moitas grazas, e se nalgún caso tes algún problema avisa e miramos o que pode pasar :) Saúdos, --Elisardojm (conversa) 10 de outubro de 2016 ás 21:40 (UTC)

Calendario de votacións de propostas de políticas e normas para novembro de 2016

Boas, na taberna hai unha nova conversa sobre unha serie de novas propostas de políticas que se van a votar próximamente. Anímase a tódolos usuarios e editores da Galipedia a revisar a mensaxe e as próximas propostas e participar nas conversas correspondentes para acadar o maior consenso posible. Saúdos! ☣Banjo ^{tell me} 25 de outubro de 2016 ás 09:04 (UTC)

Feira de Santos de Monterroso

Ola Lameiro.

Conto contigo para que lle metas man ao artigo Feira de Santos de Monterroso, especialmente á sección #A feira na cultura popular.

Graciñas, un saúdo. --. HombreDHojalata.^conversa 1 de novembro de 2016 ás 11:02 (UTC)

Wikipedia:Votacións/Wikipedia:Fontes fiables

Saúdos. Acaba de comezar unha votación para a proposta de política oficial da redacción de Wikipedia:Fontes fiables, seguindo o calendario de votacións para novembro proposto aquí. Podes ver e participar na votación e conversa sobre a mesma na seguinte ligazón: Wikipedia:Votacións/Wikipedia:Fontes fiables. Grazas! ☣Banjo ^{tell me} 3 de novembro de 2016 ás 23:27 (UTC)

Toroidea

Ola. Toroide é un erro mecanográfico. Ten en conta que as teclas do i e do o están unha ao lado da outra. Tamén se me pasou inadvertido no repaso que fago dos artigos ao final (sempre se me pasan cousas), aínda que nese artigo da diabetes eu pouco contribuín. Pero a palabra ten outro erro adicional. Actualmente o diccionario da RAG considera que como adxectivo debe usarse hormona tiroide (non tiroidea). Xa se cambiou esa palabra en moitas páxinas, pero esa debeu quedar porque estaba escrita con o. Entón, se fas favor, podes cambiala por hormona tiroide. Grazas.

RE:interwikis

O noso estaba ligado con d:Q602963 (período glacial), mentres que o da wiki castelá está ligado con d:Q49367 (idade do xeo). Na maioría de wikis os dous artigos fan referencia a conceptos distintos. Na wiki inglesa dise que o primeiro (período glacial) é un intervalo de tempo dentro dunha idade de xeo, por exemplo. Non hai moito máis que facer do noso lado que asegurar que o artigo de aquí fai referencia ó concepto correcto, tanto se xuntamos ámbolos dous nun artigo como se facemos artigos separados seguindo eses exemplos. Deixo ligado o noso ó segundo - d:Q49367 (idade do xeo), que é basicamente o que me comentaches, xa que o noso artigo fai referencia ó concepto máis global. ☣Banjo ^{tell me} 10 de novembro de 2016 ás 20:39 (UTC)

Xoán o Apóstolo / Evanxelista

Pedro, creo que non está claro que Xoán o Apóstolo sexa o mesmo que escribiu o evanxeo de san Xoán, aínda que a tradición da Patrística así o cría. Modernamente moitos eruditos nese campo o poñen bastante en dúbida. Penso que debería haber dúas páxinas separadas e explicar a controversia nelas, especialmente na de Xoán o Evanxelista.--Miguelferig (conversa) 10 de novembro de 2016 ás 21:06 (UTC)

Wikipedia:Votacións/Novo texto para os criterios de calidade

Saúdos. Acaba de comezar unha votación para a proposta de política dunha nova redacción para os criterios dos artigos de calidade, seguindo o calendario de votacións para novembro proposto aquí. Podes ver e participar na votación e conversa sobre a mesma na seguinte ligazón: Wikipedia:Votacións/Novo texto para os criterios de calidade. Grazas! ☣Banjo ^{tell me} 11 de novembro de 2016 ás 07:03 (UTC)~

Wikipedia:Votacións/Wikipedia:Consenso

Saúdos. Acaba de comezar unha votación para a proposta de aprobación da política Wikipedia:Votacións/Wikipedia:Consenso, seguindo o calendario de votacións para novembro proposto aquí. Podes ver e participar na votación e conversa sobre a mesma na seguinte ligazón: Wikipedia:Votacións/Wikipedia:Consenso. Grazas! ☣Banjo ^{tell me} 18 de novembro de 2016 ás 11:19 (UTC)

Silveira

Engadín un comentario na páxina de conversa de silva de follas de umeiro para dar a miña opinión. Por desgraza, a situación actual da nomenclatura desa especie non é moi clara.--Miguelferig (conversa) 23 de novembro de 2016 ás 22:05 (UTC)

Silvas e silveiras; cigalas e lagostinos

Ola Pedro. Sobre o asunto das silveiras, non son competente. En todo caso, se houber algunha fonte fiábel, un nome adecuado para a especie sería ese das follas de ulmeiro, adaptación do nome científico. En cigala/lagostino si podo intervir, e fareino o máis cedo posíbel; ainda que, obviamente, no podo cambiar o título que, por outra parte, habería, dalgunha maneira, que diferencialo dos dos outros moitos lagostinos que hai nos mercados. Saúdos cordiais. Luís. --Xoio^{Éche o que hai} 24 de novembro de 2016 ás 21:29 (UTC)

Wikipedia:Votacións/Wikipedia:Eliminación rápida/Proposta 2016

Saúdos. Acaba de comezar unha votación para a proposta de aprobación da política Wikipedia:Eliminación rápida/Proposta 2016, seguindo o calendario de votacións para novembro proposto aquí. Podes ver e participar na votación e conversa sobre a mesma na seguinte ligazón: Wikipedia:Votacións/Wikipedia:Eliminación rápida/Proposta 2016. Grazas! ☣Banjo ^{tell me} 25 de novembro de 2016 ás 08:08 (UTC)

Aditivos alimentarios

Ola, Lameiro. Estiven mirando o artigo Aditivo alimentario e vexo que redirixe a Aditivo a secas. Cres ti que son cousas equivalentes? Polo que eu sei levan aditivos cousas tan diferentes como os alimentos, os carburantes, os materiais de construción... dos que nada se fala no artigo sobre os aditivos. Se che parece, cando haxa tempo a ver se o podes mover de novo a Aditivo alimentario. Un saúdo. --Xoacas_{(ti si que es lindo, ho)} 16 de decembro de 2016 ás 16:01 (UTC)

Sobre a Tartrazina, a información a que fas referencia tomeina da web [3] que indico abaixo. Nela dise que esta prohibida en Alemania, Austria, Finlandia e Noruega e que recentemente foi proposta a súa prohibición no Reino Unido. A cuestión entón e se esta web se pode considerar ou non unha fonte fiable. --Xoacas_{(ti si que es lindo, ho)} 18 de decembro de 2016 ás 20:34 (UTC)

Que son fai o moucho?

Ola, Pedro. Leo nunha entrada do blog de Manuel Rodríguez Alonso que oulear non é o que fai o moucho ("... o mesmo caso está atribuír ouleo/oulear aos mouchos (páx. 71) cando o propio DRAG nos indica que esa voz só é propia do lobo ou doutros animais mamíferos semellantes"). Ti sabes logo que fai? Que conste que iso que comenta Rguez. Alonso de que o DRAG atribúe o ouleo ó aos mamíferos non atopo por ningures. Grazas e un saúdo. --Atobar ^{(conversa comigo)} 19 de decembro de 2016 ás 17:26 (UTC)

Por certo, se un día te animas -ti que sabes destas cousas-, non estaría mal contar cunha Listaxe de voces animais a semellanza desta en castelán), onde se especifique, referencias mediante, que fai cada animaliño. Saúde. --Atobar ^{(conversa comigo)} 19 de decembro de 2016 ás 19:38 (UTC)

Moitas grazas. De todo o que me facilitas, creo que a referencia académica, sería para o verbo mouchear, non só porque figura no dicionario de Eladio Rodríguez senón tamén por que o rexistra o Vocabulario Galego-Castelán (4ª ed.) de X. L. Franco Grande (Galaxia, 1984). --Atobar ^{(conversa comigo)} 20 de decembro de 2016 ás 19:58 (UTC)

Gatos

O problema é que a ese alérxeno lle chamaron Fel d 4, que significa Felis domesticus 4. Felis domesticus na wikipedia inglesa é unha redirección de gato, outro dos nomes que se lle deu ao gato. Aquí na galipedia nin sequera estaba redirixido Felis catus a gato (agora si). Agora está en azul a ligazón na páxina cairomonas.--Miguelferig (conversa) 31 de decembro de 2016 ás 21:02 (UTC)

Feito!. Xa creei a páxina de Rattus norvegicus. Talvez era mellor titulala rata común, pero o nome non vén no DRAG. Non obstante hai dúas referencias en vocabularios. Feliz ano.--Miguelferig (conversa) 2 de xaneiro de 2017 ás 20:16 (UTC)

Por min non hai problema con cambialo a rata común, pero non podo porque como rata común é unha redirección e creo que hai que borralo primeiro e iso non estou habilitado para facelo.--Miguelferig (conversa) 2 de xaneiro de 2017 ás 20:52 (UTC)

De rata parda non atopei referencias no buscatermos.--Miguelferig (conversa) 2 de xaneiro de 2017 ás 21:02 (UTC)

Urodelos mellor que *Urodelo

Ola Pedro. Gustaríame, se tes tempo, que lle botaras una ollada á "paxina de conversa" do artigo Urodelo. Grazas. Unha aperta, Luís. --Xoio^{Éche o que hai} 4 de abril de 2017 ás 12:30 (UTC)

*Gabeador, ou Cértidos?

Ola Pedro. Se es tempo gustaríame que lle botaras unha ollada á páxina de conversa do artigo Gabeador, que acabo de reformar. Grazas. --Xoio^{Éche o que hai} 5 de abril de 2017 ás 17:23 (UTC)