Fundación Caixa Galicia

Fundación Caixa Galicia
Edificio da Fundación Caixa Galicia no polígono industrial de POCOMACO, na Coruña.
Tipo	Cultural
Data de creación	1989
Ámbito	Galicia
Web	Afundación

A Fundación Caixa Galicia foi unha fundación galega creada para promover a cultura.

Historia

A Fundación Caixa Galicia naceu en 1989 como unha fundación vinculada á entidade financeira Caixa Galicia co fin de promover a cultura nas súas múltiples facetas e manifestacións, para iso, establecéronse como propósitos fundamentais da Fundación, entroutros, o fomento da innovación, o desenvolvemento da creatividade, o crecemento do capital humano e a promoción da identidade cultural. Dende o 2006 xestiona o emblemático Teatro Colón da Coruña. Coa fusión das caixas galegas Caixa Galicia e Caixanova pasou a denominarse Fundación Novacaixagalicia. Posteriormente, cando Banesco compra Novagalicia Banco, pasará a denominarse Afundación.

Obxectivos

A Fundación Caixa Galicia dedica o seu esforzo a ofrecer unha ampla variedade de propostas culturais e a manter unha presenza constante en toda a comunidade galega, así como noutros lugares do estado español e do estranxeiro buscando a implicación nas demandas culturais da sociedade para a cal traballa.

Sedes

Sede de AFundación na Coruña, obra do arquitecto Nicholas Grimshaw.

• Sede da Fundación Caixa Galicia na Coruña
• Sede da Fundación Caixa Galicia en Ferrol
• Seda da Fundación Caixa Galicia en Pontevedra
• Sede da Fundación Caixa Galicia en Santiago
• Centro Sociocultural Caixa Galicia en Lugo
• Centro Sociocultural Caixa Galicia en Ourense
• Centro Sociocultural Caixa Galicia en Vigo

Outras sedes e entidades xestionadas pola Fundación

• Cine Fraga
• Teatro Colón

Véxase tamén

Outros artigos

• Caixa Galicia
• Novacaixagalicia

Ligazóns externas

• Sitio web da Afundación