Conversa usuario:Piquito

Arquivos 1, 2, 3, 4, 5 e 6

Artigos de lista na portada

Ola @Piquito, escríboche sobre a portada e o artigo sinfonías espurias ou de dubidosa autoría de Wolfgang Amadeus Mozart. Non sei que opinas sobre o tema pero penso que os artigos de listas deberían de evitarse na lista dos artigos que aparecen na portada. Normalmente os artigos de listas teñen unha introdución fóra do formato estándar da wiki ou, ás veces, nin teñen introdución e mostran só a táboa. Neste caso este cambio de formato fai que o artigo non presente a ligazón ao comezo por exemplo. Ademais, normalmente, estes artigos son extensións a un artigo redactado principal, neste caso Wolfgang Amadeus Mozart, de feito, hai wikis que consideran estes artigos de listas "anexos" dos artigos principais. Por poñer outros exemplos de tipoloxía, antes de poñer Cronoloxía de Galicia intentaría poñer Historia de Galicia, ou Presidente do Goberno de España antes que lista de presidentes de España.

Que opinas? Un saúdo, O Breixo (conversa) 19 de novembro de 2025 ás 09:23 (UTC)

Ola O Breixo, grazas por ter en conta a miña opinión. Non sei a que diferenza de formato te refires. No caso da Galipedia, as listas que son de calidade ou artigos bos teñen todas unha introdución (este caso tamén). Eu valoro as listas, e considero que se son algo máis que unha simple lista (este caso e outros) son útiles e ben feitas poden ser de gran calidade e utilidade. Dito isto, eu xa non levo o tema da lista de artigos da portada nin nada relacionado cos artigos bos e de calidade, falei con MAGHOI para que se encargue el de ir completando e xestionándoa, polo que non teño nada que dicir ao respecto, o que vos consideredes paréceme ben, se queredes podedes sacar ese artigo da lista para que non volva aparecer. Se cadra deberías preguntarlle á comunidade, porque hai máis artigos dese tipo que non creei eu e son artigos de calidade. Un saúdo, Piquito (conversa) 19 de novembro de 2025 ás 20:30 (UTC)

@Piquito @MAGHOI Refírome por exemplo que na portada, agora, comézase lendo "Esta lista de sinfonías..." cando non podes ver tal lista. Como non aparece mencionado o título no texto e está hiperligado o de Wolfgang Amadeus Mozart tampouco podes acceder ao artigo da lista para vela. Tal é como está agora estase a falar dunha lista que non é accesible a non ser que busques o artigo manualmente.

Pódese arranxar o artigo para que apareza a ligazón (poñer en negrita o título do artigo ao comezo do texto), pero inda así estamos a falar dunha lista que non se ve a non ser que fagas click na ligazón.

Non nego para nada a importancia dos artigos de listas, pero penso que por cuestión do formato da introdución non son os que mellor quedan na portada. Non é un contido resumible, é unha lista cuxa introdución non vai ser un resumo do artigo senón unha explicación do que se vai mostrar a continuación, que neste caso non se mostra.

Polo momento vou arranxar o artigo para que apareza a ligazón na portada.

Un saúdo, O Breixo (conversa) 20 de novembro de 2025 ás 11:46 (UTC)

@O Breixo Que vos parece como está agora? MAGHOI (conversa) 20 de novembro de 2025 ás 11:51 (UTC)

@MAGHOI @Piquito Mellor! Movín a ligazón a Wolfgang Amadeus Mozart e agora xa debería aparecer a ligazón e ser accesible dende a portada. O Breixo (conversa) 20 de novembro de 2025 ás 11:58 (UTC)