Astana

Na Galipedia, a Wikipedia en galego.

Coordenadas: 51°10′0″N 71°24′0″E / 51.16667°N 71.40000°E / 51.16667; 71.40000

Astana
Астана (en casaco)
New flag of Astana.svg New coat of arms of Astana.svg
Central Downtown Astana 2.jpg
Centro da cidade
Situación xeográfica
Astana en Casaquistán
Astana
Astana
País Flag of Kazakhstan.svg Casaquistán
Provincia Akmola
Xeografía
Altitude 347 msnm
Superficie 722 km²
Poboación
Poboación 780.880 hab. (2013)
Densidade 958 hab/km²
Xentilicio Astanés/sa
Información
Código postal 010000–010015
Alcalde Imangali Tasmagambetov
Páxina web Páxina oficial de Astana

Astana (ruso e casaco Астана), antigamente coñecida como Akmola (casaco: Ақмола / Aqmola) ata 1998, Tselinogrado (ruso: Целиноград) ata 1992 e Akmolinsk (ruso: Акмолинск) ata 1961, é desde 1997 a capital de Casaquistán. É a segunda meirande cidade do país, despois de Almati, a antiga capital. Segunda as estimacións oficiais, a súa poboación é de 780.000 a 14 de febreiro de 2013.[1] Está localizada na parte norte de Casaquistán, na Provincia de Akmola. O seu nome significa "capital" e foi escollido, entre outras razóns, por ser fácil da pronunciar en moitas linguas.

O alcalde actual de Astana é Imangali Tasmagambetov, que foi nomeado o 4 de abril de 2008.

A Olimpíada Internacional de Informática de 2015 celebrarase en Astana.

Historia[editar | editar a fonte]

No ano 1824 un grupo de cosacos siberianos, procedentes de Omsk, fundou unha fortaleza sobre as beiras do río Ixim. En torno a ela orixinouse a cidade de Akmolinsk. En 1961, na época da Campaña das Terras Virxes, foi rebautizada como Tselinograd e foi elixida como capital do Territorio das Terras Virxes Soviéticas (Celinnyj Kraj).

Cando en 1991 o Casaquistán se tornou independente, a cidade e a rexión tomaron o nome de Aqmola. No 1994 foi nomeada nova capital do país, en substitución de Almaty.

No ano 1997, coincidindo con o outorgamento do novo status de capital, a cidade recibiu o actual nome de Astana.

Sumas enormes de capitais - obtidos a través de exportacións petroleiras - foron investidas para construír as infraestruturas e edificacións precisadas pola nova función de capital, con o obxectivo de convertela no gonzo da Asia Central.

Razóns para trasladar a capital[editar | editar a fonte]

Entre as causas invocadas para desprazar a capital máis de mil quilómetros ao norte figuran as seguintes:

  • Almaty, está situada sobre unha zona sísmica, e polo tanto ameazada con importantes destrozos en caso dun terremoto;
  • Situada ao pé dos montes Tian Shan, Almaty non dispón de espazo suficiente para desenvolverse vantaxosamente;
  • A creación dunha nova capital é o pretexto para unha política de grandes obras para soster o crecemento económico;
  • Almaty ten unha situación excéntrica de máis.

As análises do deslocamento foron aínda máis variadas e tentaban explicar motivos máis ocultos. Segundo algúns debíase ao propósito de por a capital no centro do país e da estepa casaca; para outros pesaba a idea de afastar o centro de decisións do país dos confíns coa China (Almaty dista apenas uns sesenta quilómetros do xigante asiático) para aproximalo as rexións do norte, as máis densamente habitadas por rusos, que poderían apoiar unha eventual anexión á "madrepatria". Incluso, para moitos, o presidente Nursultan Nazarbajev, quería imitar ao seu ídolo Kemal Ataturk, quen trasladara a capital turca para Ancara, no centro do país.

Xeografía[editar | editar a fonte]

A cidade está sita no Casaquistán central, sobre o río Ixim, circundada por unha zona plana, a estepa semi-desértica, que se estende pola maior parte do territorio casaco. Os barrios da cidade vella asentan ao norte do río, mentres os barrios novos sitúanse no sur do Ixim|Ixim. Astana está situada a 51º 10' N e 71º 30' L e a 347 metros sobre o nivel do mar.

Climodiagrama de Astana

Clima[editar | editar a fonte]

Climáticamente Astana é a segunda capital máis fría do mundo (só superada por Ulaanbataar, en Mongolia), con temperaturas frecuentes entre -35 °C e -40 °C a últimos do outono. A cidade é coñecida tamén polas xeadas ao longo de seis meses. En fin, Astana ten un clima continental, con invernos excepcionalmente fríos e veráns moderadamente cálidos, e ao tempo áridos ou semiáridos

A media anual de temperaturas en Astana é de 1 °C. Xaneiro é o mes máis frío, no que as medias atinxen -16 °C. Xullo é o mes máis quente con 20 °C.

Economía[editar | editar a fonte]

As funcións administrativas e de goberno son a principal actividade económica de Astana. A cidade pertence a unha Zona Económica Especial, que tenta desenvolver a cidade para que poida facer fronte á competencia de Almaty, que ten 1.500.000 de habitantes.

Lugares de interese[editar | editar a fonte]

Na actualidade hai aínda moitos edificios en construción, tales como as embaixadas, que se están a erguer ao longo do Ixim, así como infraestruturas de comunicación. No centro da cidade, a Avenida da República é o centro vital, con almacéns, cafeterías, restaurantes, discotecas e casinos. Entre os lugares que paga a pena visitar destacan os seguintes:

  • Edificio sede do Goberno,
  • Beiras do río Ixim,
  • "Oceanarium",
  • Mezquita Nacional Central de Astana,
  • Centro islámico,
  • Catedral católica,
  • Edificio do mercado,
  • Torre Bayterek.

Cidades irmandadas[editar | editar a fonte]

Notas[editar | editar a fonte]

  1. "Astana population exceeds 780 thousand people". En.tengrinews.kz. 14 de febreiro de 2013. http://en.tengrinews.kz/people/Astana-population-exceeds-780-thousand-people-17751/. Consultado o 11 de novembro de 2013. 
  2. "Kardeş Kentleri Listesi ve 5 Mayıs Avrupa Günü Kutlaması [via WaybackMachine.com"] (en Turkish). Ankara Büyükşehir Belediyesi - Tüm Hakları Saklıdır. Arquivado do orixinal o 14 January 2009. http://web.archive.org/web/20090114033014/http://www.ankara-bel.gov.tr/AbbSayfalari/hizmet_birimleri/dis_dairesi_baskanligi/avrupa_gunu_kutlamasi.aspx. Consultado o 2013-07-21. 
  3. "Twin cities of Riga". Riga City Council. http://www.riga.lv/EN/Channels/Riga_Municipality/Twin_cities_of_Riga/default.htm. Consultado o 27 July 2009. 
  4. "Gdańsk Official Website: 'Miasta partnerskie'" (en Polish & English). Urząd Miejski w Gdańsku. 2009. http://www.gdansk.pl/samorzad,62,733.html. Consultado o 11 July 2009. 
  5. "Miasta partnerskie Warszawy". um.warszawa.pl. Biuro Promocji Miasta. 4 May 2005. http://um.warszawa.pl/v_syrenka/new/index.php?dzial=aktualnosci&ak_id=3284&kat=11. Consultado o 29 August 2008.  [Ligazón morta]
  6. "Tbilisi Sister Cities". Tbilisi City Hall. Tbilisi Municipal Portal. Arquivado do orixinal o 2013-07-24. http://web.archive.org/web/20130724120155/http://www.tbilisi.gov.ge/index.php?lang_id=ENG&sec_id=4571. Consultado o 2013-08-05. 
  7. "International Cooperation: Sister Cities". Seoul Metropolitan Government. www.seoul.go.kr. Arquivado do orixinal o 10 December 2007. http://web.archive.org/web/20071210175055/http://english.seoul.go.kr/gover/cooper/coo_02sis.html. Consultado o 26 January 2008. 
  8. "Seoul -Sister Cities [via WayBackMachine"]. Seoul Metropolitan Government (archived 2012-04-25). Arquivado do orixinal o 2012-03-25. http://web.archive.org/web/20120325052520/http://english.seoul.go.kr/gtk/cg/cityhall.php?pidx=6. Consultado o 2013-08-23. 
  9. "Existing Sister Cities". City of Manila. http://www.manila.gov.ph/localgovt.htm#sistercities. Consultado o 2 September 2009. 
  10. "Sister Cities". Beijing Municipal Government. http://www.ebeijing.gov.cn/Sister_Cities/Sister_City/. Consultado o 23 June 2009. 

Véxase tamén[editar | editar a fonte]

Commons
Commons ten máis contidos multimedia sobre: Astana

Ligazóns externas[editar | editar a fonte]