Río Ixim

Río Ixim
Tipo	río; rio internacional (pt)
Inicio
Continente	Asia
División administrativa	provincia de Karaganda, Kazakhstán, Óblast de Tyumen, Rusia e Óblast de Omsk, Rusia
Localización	Planaltos Cazaques (pt)
Final
División administrativa	Khantia-Mansia, Rusia (pt)
Localización	Río Irtysh
	50°38′05″N 73°11′41″L / 50.63461, 73.19461; B 57°41′53″N 71°11′51″L / 57.69811, 71.1975
Afluentes	20
Conca hidrográfica	Ob Basin (en)
Características
Dimensións	2.450 () km ;
Superficie da cunca hidrográfica	177.000 km²
Medicións
Caudal	56,3 m³/s

O río Ixim ou Esil (en ruso Ишим, en kazako Есіл/Esil) é un afluente do Irtich pola súa beira esquerda. No seu curso de 2.450 km atravesa Kazakhstán e o sur de Siberia occidental, xa en Rusia.

Percorrido

O Ixim ten a súa fonte en Kazakhstán, na estepa entre Astana e Karaganda. Daquela denomínase Esil (o seu nome kazako), e pasa pola capital kazaka, Astana, e máis polas cidades de Atbasar e de Esil, primeiro, e logo por Petropavlosk, antes de atravesar a fronteira e entrar na Federación Rusa. Recibe entón o nome de Ixim, e pasa pola cidade homónima, para máis tarde desaugar no Irtich, case na altura da cidade de Ust-Ixim, converténdose nun subafluente do río Obi.

Afluentes

Entre os seus afluentes destaca o Tersakam, pola esquerda, con 334 km de lonxitude.

Caudal

As súas augas proceden sobre todo da fusión de neves. As augas do río conxélanse a comezos de novembro, e fican nese estado até o mes de abril ou maio, segundo o ano. En maio e xuño ten lugar a medra das augas. O seu caudal é, pois, moi variábel, oscilando entre os 56 m³/s e os 686 m³/s.

Navegabilidade

En parte o río é navegábel.